Gerðir kirkjuþings - 1990, Qupperneq 136

Þriggja manna kjörstjórn fer með yfirstjórn, undirbúning og
framkvæmd biskupskosningar. Formaður hennar er ráðuneytisstj órinn
i dóms- og kirkjumálaráðuneytinu, en varamaður hans er sá
skrifstofustjóri i sama ráðuneyti, sem er staðgengill
ráðuneytisstjóra. Prestafélag íslands tilnefnir annan
kjörstjórnarmann, svo og varamann. Kirkjuráð tilnefnir þriðja
manninn og varamann hans.
Kjörstjórn úrskurðar um kosningarrétt og kjörgengi, svo og
um gildi einstakra atkvæðaseðla. Úrskurði kjörstjórnar má, innan
viku frá því, að hann gékk, skjóta til dóms- og
kirkjumálaráðherra, sem leysir úr máli til fullnaðar.
6. gr.
Kjörstjórn semur kjörskrá.Hún skal liggja frammi á
biskupsstofu og hjá próföstum eða á öðrum stöðum, sem kjörstjórn
ákveður i 4 vikur. Kjörstjórn auglýsir framlagningu kjörskrár,
á hvaða stöðum hún liggur frammi og frest til að koma að kærum
vegna hennar. Hún úrskurðar kærur út af kjörskrá og gengur
endanlega frá henni.
7. gr.
Að lokinni endanlegri gerð kjörskrár sendir kjörstjórn
þeim, sem kosningarrétt eiga, nauðsynleg kjörgögn ásamt
leiðbeiningum um, hvernig eigi að kjósa. Greina skal glögglega
fyrir hvaða tima kjörgögn skuli hafa borist kjörstjórn.
Nauðsynleg kjörgögn eru: 1 Auður kjörseðil. 2. Óáritað
umslag fyrir kjörseðil. 3. Eyðublað fyrir yfirlýsingu kjósanda
um, að hann hafi kosið. 4. Umslag með utanáskrift kjörstjórnar
og áritun um fyrir hvaða tima kjörgögn skulu hafa borist
kjörstjórn.
Kosning fer þannig fram, að kjósandi ritar nafn eins
biskupsefnis á kjörseðil. Ekki skal undirrita kjörseðil eða
auðkenna hann með öðrum hætti. Hann lætur seðilinn i óáritaða
umslagið og lokar þvi. Útfyllir eyðublaðið og leggur öll gögnin
i áritaða umslagið. Það skal sent kjörstjórn i ábyrgðarpósti.
8. gr.
Kærur út af kosningu skulu hafa borist kjörstjórn innan
viku frá þvi, er fresti lauk til að skila atkvæðaseðlum og
úrskurðar kjörstjórn þær. Að svo búnu telur kjörstjórn atkvæði
og úrskurðar þau, nema kosning sé úrskurðuð ógild.
9. gr.
Réttkjörinn biskup er sá, sem fær meirihluta greiddra
atkvæða. Nú fær enginn þann atkvæðafjölda og skal þá kosið að
nýju milli þeirra tveggja, sem flest fengu atkvæði. Ef atkvæði
eru jöfn, skal hlutkesti ráða um þá, sem kosið er um. Sá er
réttkjörinn, sem þá fær flest atkvæði. Nú verða atkvæði jöfn og
skal þá veita embættið öðrum hvorum þeirra, sem flest fengu
atkvæðin, eða einum af þremur, ef þeir fá allir jöfn atkvæði.
133