Gerðir kirkjuþings - 1990, Qupperneq 180

1990
21. Kirkjuþing
15. mál
T I L A G A
til bingsályktunar um réttindi og skyldur
starfsmanna kirkju og safnaöa.
Flm. og frsm. sr. Hreinn Hjartarson
Kirkjuþing, haldið í Bústaðakirkju 1990, felur biskupi og kirkjuráði aö láta fara fram
athugun á kjörum - réttindum og skyldum þeirra starfsmanna safnaöa og kirkna, sem eigi
eru í neinum lífeyrissjóði eða stéttarfélagi.
Greinargerð.
Það fer stöðugt í vöxt að söfnuðir og kirkjur ráði til sín starfsfólk til hinna ýmsu
starfa innan kirkjunnar. Svo sem meðhjálpara, kirkjuverði, fólk til ræstinga, fólk til að
vinna við barnastarf og að æskulýðsmálum, fólk til starfa fyrir aldraða auk organista og
söngfólks, svo eitthvað sé nefnt.
Margt af þessu fólki er ekki í neinu stéttarfélagi og greiðir ekki heldur í neinn
lífeyrissjóð. Það er augljóst mál, að staða þess er því mjög óviss og gerir því erfiðara um
vik að semja um kjör sín og vinnutíma. Einnig er allt á huldu um eftirlaun þessa fólks. Hér
þarf að ráða bót á. Nauðsynlegt er að þetta fólk fái aðgang að lífeyrissjóði. Æskilegt væri
að samræma laun þessa fólks og vinnutíma þar sem því verður við komið.
Hér er um að ræða nauðsynjamál fyrir það fólk, sem vill vinna að eflingu saf-
naðarstarfs, kristinni trú til framdráttar og kirkjunni til gagns. Þeim, sem með málefni
kirkjunnar fara, ber því skylda að standa vörð um hag þessa fólks. Með þeirri ósk og von
að það verði unnt er þessi tillaga flutt.
Vísað til fjárhagsnefndar ( frsm. sr. Gunnar E. Hauksson ).
Nefndin leggur til að tillagan verði samþykkt svohljóðandi:
21. kirkjuþing haldið 1990 felur biskupi og kirkjuráði að láta athuga kjör, réttindi og
skyldur starfsmanna safnaða og kirkna, sérstaklega er varðar aðild að stéttarfélögum og
lífeyrissjóðum. Samræma skal greiðslur eftir því sem við verður komið.
Samþykkt samhljóða.
177