Gerðir kirkjuþings - 1990, Síða 208

1990
21. Kirkjuþing
21. mál
T I L L A G A
til bingsálvktunar um stuöning viö söfnuöina í Kaupmannahöfn og
London og kirkiulega biónustu viö íslendinga erlendis.
Flm. og frsm. sr. Þórhallur Höskuldsson
Meöflm. dr. Gunnar Kristjánsson
Kirkjuþing 1990 fagnar safnaðarstarfi meðal íslendinga í Kaupmannahöfn og London og
þakkar árangursríkt starf sendiráðsprestanna.
Kirkjuþing lítur svo á að þessir söfnuðir eigi rétt á opinberum Qárveitingum jafnframt því
sem þeir eigi rétt til framlags úr Jöfnunarsjóði sókna, enda leggi þeir fram íjárhagsáætlanir
og reikninga og geri á sama hátt grein fyrir störfum sínum og aðrir.
Einnig telur kirkjuþing nauðsynlegt að unnið verði að því að koma á fót prestsembætti í
Stokkhólmi og finna leiðir til að veita Islendingum kirkjulega þjónustu þar sem þeir eru
Qölmennir á öðrum stöðum erlendis.
Greinargerð
Það þarf ekki að hafa mörg orð um það mikla og árangursríka starf sem
sendiráðsprestarnir í Kaupmannahöfn og London hafa unniö fyrr sem síðar. Svo þekkt er
það starf og svo margir héðan að heiman sem hafa hlotið ómetanlega aðstoð og stuðning
prestanna á erfiðum stundum.
Færri vita sennilega um það safnaðarstarf sem hefur þróast undir handleiðslu prestanna
meðal Islendinga sem búa á þessum stöðum eða dvelja þar tímabundið. Það starf hefur
einnig verið til fyrirmyndar, þrátt fyrir stundum erfiðar aöstæður, einkum vegna þess að
það hefur enga fasta tekjustofna eins og safnaðarstarfið hérlendis. Ýmsir hafa þó komið
til hjálpar og er fyrirgreiðsla margra trúbræðra og systra ytra þakkarverð.
Með þessari tillögu vilja flm. vekja athygli á þessu safnaðarstarfi um leið og þeir vilja knýja
á um að því verði tryggður ákveðinn fjárhagsgrundvöllur. Fjárveitingar hafa aðeins fengist
til embættanna og til að standa undir lágmarksferðakostnaði prestanna en engar til
safnaðarstarfsins. Það verður þó að teljast rökrétt afleiðing af því að viðurkenna þörf á
prestsþjónustu að gera líka ráð fyrir safnaðarstarfi og óhjákvæmilegum kostnaði sem því
fylgir. Beinar fjárveitingar verða því að koma til, þar sem lögbundnar tekjur sókna
hérlendis eiga ekki við um þessa söfnuði.
205