Dagblaðið Vísir - DV - 06.06.2008, Síða 36
36 FÖSTUDAGUR 6. JÚNÍ 2008
Helgarblað DV
Ottó Guðjónsson er sjálfsöruggur og
brosmildur, mjög hávaxinn og sól-
brúnn. Hann er vinsæll lýtalæknir og
veit leyndarmál ýmissa kvenna. Er
nema von að um hann sé spjallað í
saumaklúbbum? Enda heillaði hann
áhorfendur og var vinsæll viðmæl-
andi í morgunsjónvarpinu í Banda-
ríkjunum.
Ottó flutti heim til fslands eftir
20 ára dvöl í New York og setti á fót
eigin lýtalæknastofu. Þar er komin
ein skýringin á því af hverju marg-
ar konur koma út úr Domus Med-
ica eða Mjóddinni með sólgleraugu í
svartasta skammdeginu. Aðrar koma
út dúðaðar um höfuðið og flýta sér
inn í bíl. Þær eru líklega að koma úr
augnlokaaðgerð eða andlitslyftingu
hjá Ottó.
En gerir hann aðgerðir á öllum
sem þess óska? Og er starf lýtalækna
eitthvað líkt því sem sýnt er í raun-
veruleikaþáttum? En hvað er fegurð?
Ég hitti þennan vinsæla lýtalækni á
kafflhúsi eftir annasaman dag á stof-
unni.
„Nú til dags er ég meira í fegrun-
araðgerðum en eiginlegum lýtaað-
gerðum. Það á enginn að fara í slíka
fegrunaraðgerð nema fyrir sjálfan
sig. Og fegrunaraðgerð er ekki vend-
ipunktur, það er líka mikilvægt að
hreyfa sig, sinna sér og gæta að mat-
aræði til að líta vel út."
Kemur fyrir að þú gerir ekki að-
gerðir sem fólk biður um?
„Kemur fýrir? Já, það er mjög al-
gengt. Sumir eru ekki tilbúnir og ekki
komnir með þær aldursbreyting-
ar sem eru forsenda aðgerða. Sumir
líta svo vel út að það er ekki komið að
þessu. Og ég segi það alveg hreint út.
Þetta er algengt til dæmis með
andlitslyftingu. Það er til fólk sem
heldur að andlitslyfting sé svarið
bara af því að það er þreytulegt. En
það er ekki ráðið ef það er ekki komið
að þessu. Og ég ræði hreinskilnislega
við fólk. En ég hugsa líka upphátt
með fólki. Ef aldursbreytingarnar eru
komnar og fólk kemur til mín en er í
vafa hvort það sé tímabært að koma
í aðgerð spyr ég hvort það vilji njóta
þess að líta vel út núna eða síðar á
lífsleiðinni?
Þetta er allt svo einstaklingsbund-
ið og í raun ekki hægt að tala um ald-
ur í þessu sambandi. Sumir eldast
um aldur fram. Um aðra er sagt: Hún
er allt of ung fyrir aðgerð. En það er
ekki ártalið heldur hvernig þú lítur út
sem skiptir máli. Það kemur enginn
af því hann eða hún er 50 ára held-
ur af því að það eru aldursbreytingar.
Ekki má gleyma því að erfðir og um-
hverfi skiptir máli. Og fólk spyr: Hvað
dugir þetta lengi? En ég spyr í stað-
inn: Hvað erum við að yngja þig um
mörg ár, taka mörg ár til baka? En svo
fer þetta líka eftir því hvernig mann-
eskjan fer með sig. Sú sem drekkur
og reykir fyrir og eftir aðgerð er ekki
í sömu málum og sú sem hugar að
hollustu og stundar eitthvað upp-
byggilegt. Hver er sinnar gæfu smið-
ur. Eg legg áherslu á að það eru ekki
til töfralausnir. Það má hafa áhrif á
fullt en svo eru sumir hlutir sem við
getum ekki breytt sjálf. Húð sem er
slöpp og hangandi fer ekki til baka,
sama hvað við gerum. Þá er gott að
vera raunhæfur."
Samantha í Sex and the City
Þekkt dæmi um samskipti konu
og lýtalæknis er úr þættinum Sex
and the City. Hin sjálfsörugga Sam-
antha fór sæl og ánægð með sig til
lýtalæknis og spurði hvort það þyrfti
nokkuð að gera fegrunaraðgerð á
henni. Það kom flatt upp á hana þeg-
ar læknirinn tók upp tússpenna og
merkti víða um andlit og líkama það
sem betur mætti fara. Þekkir Ottó slík
tilvik?
„Mergurinn málsins er: Maður
fer ekki í fegrunaraðgerð nema fyrir
sjálfan sig. Það skiptir ekki
máli hvað ég
gera, það er mál-
ið hvað þú vilt
gera. Ég segi
aldrei neitt að
fyrra bragði
í dag. En
FITUSOGIÐ EKKI FYRIR
FEITA „Fólk íyfirvigt kemur
stundum á stofuna mfna með
þessar ranghugmyndir. Fitusog
er fyrir fólk sem er í eða nálægt
kjörþyngd!"
ég þekki þetta frá Ameríku, einhver
kemur inn á stofuna með lítinn blett
og læknirinn segir: Hva, það er nú
dálítið rýr á þér barmurinn.
Ég lenti í því einu sinni þegar ég
var nýr í starfi að faðir og sonur komu
á stofu til mín. Ég sagði að þetta væri
ekkert mál, það væri vel hægt að lag-
færa eyrun á drengnum. Þeir ráku
upp stór augu enda komu þeir bara
út af fæðingarbletti og fannst ekkert
athugavert við eyru drengsins. Pabb-
inn var með eins eyru og þeir voru
sáttir. Þarna fór ég út fýrir mitt svið.
Ég segi aldrei neitt svona í dag að
fyrra bragði. Maður á að hlusta.
Samtalið er mikilvægt. Viðkom-
andi þarf að hafa raunhæfar vænt-
ingar og fá raunhæfar upplýsingar
um hvað sé hægt að gera og hverju
það muni breyta. Það kemur stund-
um til mín fólk sem er allt of þungt og
vill láta „ryksuga" 10 fatastærðir af.
Þættir í sjónvarpi svo sem Extreme
Makeover, The Swan, Nip Tuck og
hvað þeir heita allir eru óraunhæf-
ir og koma fölskum vonum inn hjá
fólki."
Fitusog er fyrir fólk í kjörþyngd
„Fólk í yfirvigt kemur stundum á
stofuna mína með þessar ranghug-
myndir. Fitusog er fýrir fólk sem er
í eða nálægt kjörþyngd! Já, til dæm-
is kona í kjörþyngd sem þrátt fýrir
að vera alltaf í leikfimi og vera orðin
kinnfiskasogin losnar aldrei við læra-
pokana. Fitusog er fyrir slík tilfelli en
er ekki leið til að megrast eða til að
komast í minni fatastærðir. Það er
FLOTTURÁHJÓLINU
Ottó hefur reglulega
gaman af því að hjóla.
leikfimi og aðhald sem dugir á það.
En það eru alveg til aðgerðir sem
hjálpa feitu fólki - til er svuntuplast-
ik. Eg hef skorið 10-12 kíló af í heild-
ina. Og hef til dæmis tekið 8 kílóa
„svuntu". Það getur verið genatískt
hvar fitan liggur. Sumir fá fitu inn á
við; mör og við getum ekkert gert við
því.
Ég spyr konur sem til mín leita
hvað þær vilji verða þungar. Stund-
um nefna þær lága og óraunhæfa
tölu. Og þá held ég áfram og spyr
hvað þær haldi að þær geti raun-
verulega orðið. Maður þarf að miða
við hvað er raunhæft því fýrst þarf
að grenna sig niður í það sem mað-
ur treystir sér til og svo gerum við að-
gerð."
Lýtalæknabrandarar
Ottó þekkir marga brandara um
lýtalækna. Til dæmis er þekkt sagan
um konuna sem kemur inn í fegr-
unaraðgerð og er spurð út í hæð og
þyngd. Hún segist vera 180 sm og
63 kíló. Læknirinn lítur undrandi
á hana og setur hana í mælingu. í
ljós kemur að hún er miklu lægri og
miklu þyngri. Svo er blóðþrýstingur-
inn mældur. Hann mælist mjög hár
og konan kann skýringu á því: Er það
„ÉG LENTI í ÞVÍ EINU
SINNIÞEGAR ÉG VAR
NÝR í STARFIAÐ FAÐ-
IROGSONURKOMU
ÁSTOFUTILMÍN.
ÉG SAGÐIAÐ ÞETTA
VÆRIEKKERT MÁL,
ÞAÐVÆRIVELHÆGT
AÐ LAGFÆRA EYR-
UN Á DRENGNUM.
ÞEIR RÁKU UPP STÓR
AUGUENDAKOMU
ÞEIRBARAÚTAF
FÆÐINGARBLETTIOG
FANNST EKKERT AT-
HUGAVERT VIÐ EYRU
DRENGSINS."
nema von að blóðþrýstingurinn rjúki
upp. Ég kem hingað inn há og grönn
og fer út lítil og feit!
„Það er nokkuð til í þessu því
mestu máli skiptir hvað manni finnst
maður vera. Aðalatriðið er að vera
sáttur við sig og bera sig vel. Það
eiga ekki allir að vera eins og staðal-
mynd en við viljum auðvitað að fólk
sé hraust. Og ef okkur líður vel, þá
geislum við.
Það þurfa ekki allir að vera eins
og Marilyn Monroe. En svo geta litl-
ir hlutir skipt miklu máli fyrir sjálfs-
mynd fólks. Og með litlum hlutum
á ég við brjóstastækkun, nefaðgerð,
og augnpokaaðgerð, það gemr gefið
fólki mikið „búst". Fólkhættir að vera
með minnimáttarkennd. Mér finnst
mjög gefandi að sjá breytinguna."
Ég dæmi ekki brjóst
„Við vitum að konur koma mikið
út af brjóstunum á sér og ég horfi á
brjóst allan daginn. Margar eru með
ágæt brjóst en eru ekki sáttar við þau
og ég er ekki í dómarasætinu. Ég
kveð ekki upp úrskurð: Þú ert með
falleg brjóst, þú ert með ljót... En ég
geri aldrei það sem mér finnst ljótt.
Frekar segi ég stopp.
í Ameríku kom inn til mín kona
með 900 millilítra stækkun í brjóst-
unum og vildi fá 1200 millilítra.
Stærðin var óeðlileg fyrir og hefði
orðið enn óeðlilegri - ég tek ekki þátt
í slíku. Flestar fá 2-400 millilítra þeg-
ar þær fara í brjóstastækkun."
En hvemig er venjulegur dagur á
stofunni þinni?
„Venjulegur dagur: Það er allt-
af nóg að gera. Augnlok, svuntur,
brjóstastækkanir, andlitslyftingar,
fitusog, nefaðgerðir, brjóstalyftingar.
Ég geri úditsbreytingar á nefi. Fín-
isera nef. Þar má ekki ofgera. Sum-
ir koma með tímarit, benda á mynd
og segja: Ég vil svona nef. Það geng-
ur ekki. Maður fær ekki annars nef,
heldur lætur breyta sínu. Þetta eru
fölsk boð sem þættir eins og Extreme
Makeover og 9010203 senda. Þetta er
ekta amerískt sjónvarpsefni. Og það
em margir sem vitna í þetta eins og
heimildarmynd. En ég nenni ekki að
horfa á svona bull.
Annars er merkilegt hve margir
hafa skoðanir á lýtalæknum og fegr-
unaraðgerðum og ég furða mig oft á
dómhörkunni. Ég get nefnt dæmi af
konu sem sagðist vera hætt við að
fara í svuntuaðgerð af því að sauma-
klúbbnum hennar fannst hún ekki
þurfa þetta. Hún hafði sagt þeim að
þetta stæði til og þær stoppuðu hana
í þessu. Og svo ræddi ég við hana og
í ljós kom að hún vildi þetta fýrir sig.
En það er heilmikil sálfræði í þessu.
Til dæmis sú að vinkonurnar vilja
ekki að hún líti betur út en þær. En
svo gerist það iðulega í kjölfarið að
saumaklúbburinn er næstur í röð-
inni á biðstofunni.
Mér finnst það góð meðmæli þeg-
ar fólk segir: Mikið lítur þú vel út! en
ekki: Varstu í aðgerð? „Less is more",
það er mín skoðun. En ranghug-
myndin um stéttina er að við séum
með fótinn í borðinu og strekkjum,
eitthvert „extreme makeover""
Byrjaði snemma að sauma
„Þegar ég var ungur saumaði ég
og rýjaði púða og þóttí stórskrítinn.
Mamma geymir þessa púða mína og
er stolt af þeim. Og ef ég hefði mátt