Dagblaðið Vísir - DV - 06.06.2008, Blaðsíða 40

40 FÖSTUDAGUR 6. JÚNÍ 2008
Helgarblað DV
Högni Kjartan Þorkelsson, 21 árs sölufulltrúi hjá Remax Þing, gerði sér lítið fyrir og keypti baksíðuna á nýju
símaskránni til þess að auglýsa sig. Högna hefur aldrei gengið betur á meðan horfur á markaði hafa aldrei ver-
ið svartari. Högni er fæddur sölumaður sem græddi mörg hundruð þúsund á því að selja körfuboltamyndir
þegar hann var 11 ára. Hann leitast við að sinna öllum hugsanlegum þörfum viðskiptavina sinna þegar kemur
að því að kaupa eða selja húsnæði. Högni segir jákvæðni lykilinn að velgengni sinni.
KEYPTIBAKSIÐUNA
ÁSÍMASKRÁNNI
„Þetta var bara ég prívat og per-
sónulega sem ákvað að ganga skref-
inu lengra," segir Högni Kjartan
Þorkelsson, 21 árs sölufulltrúi hjá
Remax Þing, sem keypti baksíðuna á
nýju símaskránni til þess að auglýsa
sig. Allir þeir sem selja hjá Högna fá
utanlandsferð hjá Iceland Express
í kaupbæti en Högni segir það part
af þeirri alhliða þjónustu sem hann
leitast við að veita viðskiptavinum
sínum.
Opnaði sjoppu átta ára
Högni segist alltaf hafa verið mik-
ill sölumaður og að þetta sé hon-
um eðlislægt. „Ég hef alltaf verið að
selja eitthvað. Alltaf, alltaf, alltaf. Ég
opnaði sjoppu þegar ég var átta ára
gamall heima hjá mér og seldi fólki í
hverfinu. Þegar ég var 11 ára græddi
ég til dæmis um fjögur til fimm
hundruð þúsund á því að selja körfu-
boltamyndir."
Sölumennska Högna hélt áfram
í Bandaríkjunum þar sem hann
bjó sem unglingur og kynntist fast-
eignaviðskiptum. „Þegar ég bjó úti í
Bandaríkjunum vann ég við að selja
fasteignabrasksþjálfun og græddi
mikið á því. Ég var sem sagt að
selja fólki pakka sem kenndi því að
hagnast á fasteignaviðskiptum. Auk
þess var pabbi minn fasteignasali í
Bandaríkjunum og í lánabransanum
þannig að ég var alveg umkringdur
þessum bransa."
Eftirsóttur sölumaður
Eftir að Högni fluttist aftur heim
fór hann fljótlega að vinna hjá 365
miðlum. „Eg fór að vinna þar sem
sölumaður í tveimur deildum og það
gekk bara mjög vel. Ég var alltaf með
þeim söluhæstu og mér fannst fínt
að vinna þar." Högni segir að áður en
langt um leið hafi tvær fasteignasöl-
ur verið á höttunum eftir honum.
„Á sama tíma var líka ein fast-
eignasala á eftir pabba og ég vildi í
raun fara að vinna á henni. Pabbi
sagði þeim að hann ætlaði ekki í
þennan bransa aftur en benti þeim á
mig og sagði þeim að ég væri hvort
sem er betri en hann," og undirstrik-
ar Högni að það hafi verið orð föður
hans.
„f kjölfarið fór ég í viðtal sem ent-
ist í tvo klukkutíma þar sem meiri-
hlutinn af eigendahópnum og fram-
kvæmdastjórinn voru mættir og
gjörsamlega grilluðu mig," en síðan
þá hefur Högni starfað við fasteigna-
viðskipti.
Mannorðið skiptir öllu
Högni segir ástæðuna fyrir því að
hann vildi starfa á þessari tilteknu
fasteignasölu frekar en hinum sem
voru á höttunum eftir honum ein-
falda. „Mannorð mitt skiptir mig
miklu máli og ég vildi fara á sölu þar
sem heiðarleikinn væri í fýrirrúmi og
myndi ekki skaða mannorð mitt. Ég
er ekki að segja að hinar fasteigna-
sölurnar hafi ekki verið góðar og með
gott orðspor heldur vildi ég komast á
þessa þar sem ég taldi gott og hvetj-
andi vinnuumhverfi þar."
Mannorðið skiptir Högna sér-
lega miklu máli þar sem hann vinn-
ur mest af sinni vinnu í gegnum
ábendingar. „Ég vinn nánast allt eft-
ir ábendingum og fæ mikið af þeim.
Þannig að ef fólk er að benda ein-
hverjum á mig þarf ég að geta tekið
við kúnnanum."
Allt fyrir viðskiptavininn
„Ég er kominn með samning við
Egg, Húsasmiðjuna og Blómaval svo
eitthvað sé nefnt og þar fá kúnnar
mínir afslátt," segir Högni sem kapp-
kostar að láta viðskiptavinum sínum
líða vel. „Ég vil ekki bara selja íbúð-
ina þína heldur vil ég aðstoða þig í
öllu ferlinu og láta þér líða vel að lok-
um. Þetta er einn af þremur mestu
stressvöldunum sem fólk upplifir í
gegnum ævina, samkvæmt könnun-
um, og ég vil létta á því stressi."
Högni segist ekki takmarka þjón-
ustu sína við afslátt á vörum. „Ef þú
ætlar að innrétta íbúðina þína, þá
redda ég afslætti af öllu. Ef þig vant-
ar lýsingu, þá redda ég því. Sjónvarp,
skiptir ekki máli. Ef þú ætlar að taka
íbúðina þína frá fokheldu og upp
í fullklárað, þá er ég með iðnaðar-
menn á mínum snærum sem kalla
sig Concept heimili. Þeir mæta á
réttum tíma og gefa þér tilboð sem
þú getur ekki hafnað."
Vantar jákvæða umfjöllun
Högni segist einnig vilja vekja já-
kvæða umfjöllun um fasteignavið-
skipti og fjármál almennt. „Þetta er
íýrsta auglýsingin mín og ég er að
láta fólk vita af mér og að ég sé ekki
að fara neitt. Ég er líka að þessu til
þess að vekja jákvæða umfjöllun,"
en Högni segir þá neikvæðu alltof
algenga. „Það er ekkert mál að tala
hlutina niður en til þess að koma
þeim í lag þarf að minnka neikvæða
umfjöllun. Því ástandið batnar ekk-
ert hjá þér sem einstaklingi ef þú ert
alltaf neikvæður."
Högni segir neikvæðni og erf-
iðari aðstæður á markaði heldur
ekki koma í veg fyrir að fólk þurfi
að kaupa og selja. „Fólk hættir ekki
að þurfa að flytja eða finna sér nýtt
heimili. Þá er ég bara kominn með
mín skýru skilaboð um hvað ég vil
gera og hvernig. Það að ég hafi efni á
því að kaupa þessa auglýsingu segir
eitthvað um hæfileika mína."
Vill ekki verða löggildur strax
Högni segir góða ástæðu fyrir því
að hann hafi ekki lokið námi til þess
að verða löggildur fasteignasali enn-
þá. „Ég hef bara ekki haft tíma til þess
ennþá. Það eru tvö ár á háskólastigi
og ef ég hefði verið í námi undanfar-
ið hefði ég einfaldlega ekki haft tíma
til þess að sinna kúnnum mínum
jafn vel og ég vil.“
Högni segist vel vita hvaða
tíma námið tekur og hvaða tíma
kúnnarnir þurfa. „Kúnnarnir mín-
ir hefðu þá fengið verri þjónustu
og það gengur ekki. Ég vinn átta til
fjórtán tíma á dag, sex daga vikunn-
ar, þannig að það er erfitt að koma
námi inn í það." Högni segist ekki
heldur hafa tíma til þess að sjá um
pappírsvinnuna sem fylgir því að
vera löggildur. „Ég er með einka-
ritara sem sér um mín gögn og lög-
gildan fasteignasala á stofunni sem
fer yfir allar mínar sölur þannig að
allt er hundrað prósent. Ég get því
einbeitt mér að því sem ég geri best
og það er að selja."
Aldrei gengið betur
Högni segir að eins undarlegt og
það virðist hafi honum aldrei gengið
betur en undanfarna mánuði. „Það
fyndna er að eftir að allt fór versn-
andi, samkvæmt öllum tölum, hef-
ur mér aldrei gengið betur. Ég seldi
til dæmis fyrir 500 milljónir í febrú-
ar." Högni hefur þó skýringu á því á
reiðum höndum. „Ég hef alltaf lagt
áherslu á að gera fólk ánægt. Og ef
það er ánægt með mig, af hverju þá
ekki að benda fleirum á mig? Það
hefur skilað sér mjög vel."
Högni segir þó aðalástæðuna
fyrir velgengninni vera jákvæðni.
„Aðalástæðan fyrir því að það hefur
gengið svona vel og jafnt og þétt síð-
ustu átta, níu mánuðina er jákvætt
hugarfar. Ef ég vakna á morgana og
dagurinn er strax svartur hjá mér og
ég hef áhyggjur af hlutunum, hvern-
ig á ég þá að geta aðstoðað þig í
þinni stöðu?"
Högni segist undanfarna mán-
uði hafa þjálfað huga sinn til þess að
vera jákvæður og það komi honum
langt. „Sérstaklega undanfarið hef
ég þjálfað hugann í að vera alltaf já-
kvæður, sama í hvaða aðstæðum ég
er. Að horfa alltaf á björtu hliðarnar,
það skilar sér margfalt á endanum,"
segir Högni sem vill þakka þjóðinni
fyrir frábærar móttökur. „Þjóðin
hefur tekið alveg ótrúlega vel í þessa
auglýsingu og ég vil bara þakka kær-
lega fyrir það. Eins vil ég benda fólki
á að horfa frekar á árangurinn en
aldurinn því margir virðast setja það
fyrir sig," segir Högni að lokum.
asgeir@dv.is