Bændablaðið - 23.01.2014, Blaðsíða 35

35Bændablaðið | Fimmtudagur 23. janúar 2014
Í síðasta Bændablaði fimmtu-
daginn 9. janúar er frétt og/
eða tilkynning frá Íslandspósti
með fyrirsögninni: Pósturinn
samræmir bréfa kassa. Við þessa
frétt vill undirritaður gera
alvarlega athugasemd.
Í fréttinni segir m.a. að
Pósturinn vinni nú að sam-
ræmingu á staðsetningu póstkassa
í dreifbýli. Vinnan gangi vel,
pósturinn þjóni svo og svo
mörgum, bréfasendingar hafi
dregist saman, móttökuskilyrði
skulu vera rétt og samkvæmt
lögum. Í dreifbýli skal póstkassi
vera hér og þar samkvæmt lögum.
Þetta er allskostar ekki rétt.
Staðsetning póstkassa er ákveðin
með reglugerð Nr. 364. Lög
um póst og póstdreifingu segja
hinsvegar nákvæmlega hvernig
póstdreifingunni skuli háttað
og ábyrgð þess er framkvæmir
þjónustuna.
Seinni tíma reglugerðasmíð
hefur ekkert um það að segja
og verður ekki annað séð en að
lög og reglugerð stangist á, sem
þýðir einfaldlega að Íslandspósti
er ekki heimilt að færa póstkassa
frá bæjum og býlum. Þessum
gjörningi Íslandspósts og skertri
þjónustu hefur verið harðlega
mótmælt bæði af einkaaðilum og
sveitarfélögum. Þar á meðal til
Póst- og fjarskiptastofnunar. Á
sama tíma og Íslandspóstur skerðir
þjónustu við landsbyggðina berast
fréttir þess eðlis að verið sé að auka
þjónustu í höfuðborginni. Það er
ekki aðeins að Íslandspóstur brjóti
lögin heldur er jafnræðisreglan að
engu höfð.
Meðan lög eru í landinu um
hvernig póstdreifingu skuli háttað
og hvernig Íslandspósti beri að fara
eftir þeim samkvæmt starfsleyfi
hafa þeir einfaldlega ekki nokkra
einustu heimild til þess að færa
póstkassa frá heimilum fólks og
ber að færa póstkassa til baka og
koma útburðinum í fyrra horf þar
sem því hefur nú verið breytt.
Georg Magnússon
Norðtungu 3
311 Borgarnes.
Nýtt tengivirki Landsnets tekið í notkun:
Fimm milljarðar settir í fjárfestingar á árinu 2014
í meginflutningskerfi og svæðisbundnum kerfum
Nýtt tengivirki Landsnets við
Búðarháls og Búðarhálslína 1
voru tekin formlega í notkun
nýlega. Ragnheiður Elín
Árnadóttir iðnaðarráðherra
spennusetti virkið og tengdi
þar með Búðarhálsvirkjun við
meginflutningskerfi Lands nets.
Prófanir á vélbúnaði virkjunar-
innar fara nú í hönd og hefst
raforkuframleiðsla inn á kerfið
innan tíðar. Búðarhálstengivirkið
er hannað með það fyrir augum
að hægt verði að stækka það
síðar, verði t.d. ný flutningslína til
Norðurlands, svokölluð Norður-
suðurtenging, byggð.
Ný kynslóð tengivirkja
og tengipunktur Norður-
suðurtengingar
„Við hönnunina var gert ráð fyrir
að einfalt yrði að stækka virkið
– og tengja þar inn nýja línu
t.d. til Norðurlands, svokallaða
Norður-suðurtengingu, sem
Landsnet hyggst nú ráðast í hið
fyrsta að undirbúa,“ sagði Þórður
Guðmundsson, forstjóri Landsnets,
við athöfnina, en þessi áform hafa
verið í undirbúningi hjá fyrirtækinu
um nokkurn tíma og stefnt er að því
að þau fari í formlegt umhverfismat
á næstunni.
Búðarhálstengivirkið er það
fyrstra sinnar tegundar í nýrri kynslóð
tengivirkja hjá Landsneti sem eiga
að draga úr rekstrarkostnaði, auka
rekstraröryggi og minnka jafnframt
umhverfisáhrif slíkra mannvirkja.
Virkið er með yfirbyggðri skel
sem eykur bæði rekstraröryggi
og endingu búnaðar. Það er
búið tveimur 220 kílóvolta (kV)
DCB aflrofum – en það er mun
hagkvæmari tæknibúnaður en
upphaflega var gert ráð fyrir að nota.
Búðarhálslína 1 er alls um 5,6
km löng 220 kV háspennulína en
upphafleg áætlun gerði ráð fyrir
um 17 km langri línu. Hún liggur
frá tengivirkinu við Búðarháls að
Hrauneyjarfosslínu á Langöldu,
þar sem hún er T-tengd inn á
meginflutningskerfi Landsnets.
Mat á umhverfisáhrifum línunnar
fór fram samhliða mati á umhverfis-
áhrifum virkjunarinnar, en legu
hennar var breytt árið 2010.
12 milljarða fjárfesting í ár og í
fyrra hjá Landsneti
Útboðshönnun vegna línu og
tengivirkis hófst haustið 2011 og
framkvæmdir hófust sumarið 2012
með lagningu vegslóða, vinnu við
undirstöður fyrir möstur og byggingu
tengivirkishússins. Sumarið 2013
voru háspennumöstrin reist, leiðari
línunnar strengdur og lokið við
uppsetningu búnaðar í tengivirkinu.
Á komandi sumri verður unnið að
lóðarfrágangi við tengivirkið og
frágangi á umhverfi og slóðum
meðfram línunni.
Heildarkostnaður við byggingu
Búðarhálslínu 1 og tengivirkisins
við Búðarháls er um einn milljarður
króna en alls námu framkvæmdir
Landsnets í flutningskerfinu á
nýliðnu ári um sjö milljörðum
króna. Á þessu ári er fyrirhugað að
verja um fimm milljörðum króna í
fjárfestingar í meginflutningskerfinu
og svæðisbundnum kerfum
Landsnets í öllum landsfjórðungum,
til að auka enn frekar gæði og
afhendingaröryggi raforku til
almennings og fyrirtækja. /MHH
Ragnheiður Elín Árnadóttir iðnaðarráðherra spennusetti nýtt tengivirki Landsnets í Búðarhálsvirkjun. Myndir / MHH
Alvarleg athugasemd við póstkassabreytingar:
Íslandspósti ber að
fara að lögum
– er óheimilt að færa póstkassa frá bæjum
Lesendabás
Eru ESB-andstæðingar síðasta
von aðildarsinna?
Í Kastljósviðtali á mánudags-
kvöldið fór Gunnar Bragi Sveinsson
utanríkisráðherra vel yfir stefnu
ríkisstjórnarinnar í ESB-málinu.
Að undanförnu hefur verið
reynt að teikna upp þá mynd að
utanríkisráðherra sé einn á báti
í þessu máli og þar með sé hann
stærsti vandi aðildarsinna. Það
að telja málum þannig háttað er
auðvitað mikið pólitískt ólæsi.
Það er hins vegar furðulegt, og
til marks um mikla örvæntingu,
að heyra aðildarsinna ítrekað
kalla eftir því að helstu ESB-
andstæðingar landsins haldi áfram
aðildarsamningum við ESB.
Ef aðildarsinnum yrði að ósk sinni
og aðildarsamningum yrði haldið
áfram myndi utanríkisráðherra án
vafa tryggja að skoðanabræður hans
væru í meirihluta í nefndum og ráðum
líkt og fyrri ríkisstjórn gerði. Vandi
aðildarsinna er hins vegar sá að
skoðanabræður utanríkisráðherra eru
á móti ESB. Það yrði aðildarsinnum
líklega mjög til framdráttar ef hörðustu
ESB-andstæðingar landsins mættu
til Brussel í þeim tilgangi að semja
um hvernig
a ð l ö g u n
næstu ára
yrði háttað.
Ef utan ríkis-
ráðherra er
ekki til búinn
að setja
undir ritaðan
í forystu
fyrir þessari
sveit er ekki
ó l í k l e g t
að t .d .
Jón Bjarnason, Guðni Ágústsson
eða Styrmir Gunnarsson yrðu fyrir
valinu. Það gæti orðið enn fróðlegra
að fylgjast með því þegar einstök
atriði er varða ESB-samningana
verða rædd í utanríkismálanefnd
Alþingis þar sem Birgir Ármannsson,
einn öflugasti ESB-andstæðingur
þingsins, gegnir for mennsku og
undirritaður vara formennsku. IPA- og
Taiex-aðlögunarstyrkirnir fá eflaust
flýtimeðferð hjá fjárlaganefnd þar
sem Vigdís Hauksdóttir, formaður
Heimssýnar, ræður ríkjum og
varaformaðurinn Guðlaugur Þór
Þórðarson mun eflaust berjast ötullega
fyrir málinu. Forseti Alþingis mun
örugglega halda okkur öllum við efnið
enda „mikill“ áhugamaður um aðild
Íslands að ESB.
Það kom vel fram á síðasta
kjörtímabili að ógjörningur er
að semja um ESB-aðild nema að
einhugur sé um málið í ríkisstjórn
og starfandi stjórnarmeirihluta. Svo
langt gekk þetta að ómögulegt var
að vera með ESB-andstæðinga í
ríkisstjórn né í utanríkismálanefnd
Alþingis. Samþykkt stefna beggja
stjórnarflokkanna er skýr og á
þeirri stefnu byggir stjórnarsáttmáli
ríkisstjórnarinnar. Það er því hámark
bjartsýninnar (og í raun dálítið
hlægilegt) að halda að ríkisstjórn
þar sem báðir stjórnarflokkarnir eru
á móti ESB-aðild geti haldið áfram
aðildarsamningum. Því er það svo að
þrátt fyrir ótrúlegan áhuga aðildarsinna
mun furðuleg ósk þeirra um að ESB-
andstæðingar dragi vagninn til Brussel
ekki verða að veruleika.
Ásmundur Einar Daðason,
alþingismaður
Ásmundur Einar
Daðason
Bændablaðið
Með yfirburðalestur á landsbyggðinni
(Samkvæmt lestrarkönnun Capacent)
Kemur næst út 7. febrúar
Smáauglýsingar
56-30-300
Hafa áhrif
um land allt!