Skagfirðingabók - 01.01.1966, Side 56

SKAGFIRÐINGABÓK
þá fyrsta dagleið neðan úr héraðinu upp að Skálarhnjúk, og svo
næsta dag vestur yfir fjöllin um Balaskarð eða Norðurárdal. Þessa
getur Sigurður Ingjaldsson í ævisögu sinni. Oft gistu þessir ferða-
menn báðar leiðir á Skarðabæjunum, og hefur því hlotið að vera
talsverð gestanauð á þessum bæjum á þeirri tíð á vetrum. A sumr-
um var þessi leið aldrei farin, enda lítt fær vegna bleytu og flóa.
Hinn þriðji dalur í Gönguskörðum heitir Heiðardalur. Hann
liggur til norðvesturs og norðurs. Dalu>- þessi er grösugur vel og
víða góðar engjar. Arspræna rennur eftir dalnum, er kallast Kaldá
eða Kallá, og renna þær saman hún og Kálfá skammr fyrir vestan
bæinn Veðramót og falla svo suðaustur í Gönguskarðsá. Bærinn
Skarð stendur skammt norðan og vestan við Gönguskarðsárós og
taldist ýmist til Skarðabæja eða Reykjastrandar.
Næst er Veðramót sunnan í fjallsöxlinni, þar sem dalirnir skipt-
ast; sólríkt og prýðilegt býli. Svo kvað Grafar-Jón forðum:
Veðramót er mæta jörð
með og Kálfárdalur.
Lasta aldrei skal ég Skörð
þó skensi þau margur halur.
Heiði er nálægt miðju dalsins austan ár; góð engjajörð og er
enn í byggð. Svo kvað Sigurður skáld Guðmundsson um Heiði, þar
sem hann bjó lengi:
Þó að tíðum þoka loft
þykk sig yfir breiði,
veðurblíðan er þó oft
unaðsleg á Heiði.1
1 Aðrir hafa vísuna á þessa leið:
Þó að tíðum þokuloft
þar sig yfir breiði,
veðurblíðan er samt oft
unaðsleg á Heiði.
54