Múlaþing: byggðasögurit Austurlands - 01.01.1987, Qupperneq 196

194
MULAÞING
Húsið er byggt úr steinsteypu, með einum millivegg eftir því endilöngu.
Lengd þess er 16,74 m, breidd 10 m. Húsið er tvílyft og steinlímdur kjallari
undir því öllu, er hefir sjerstakan inngang í norðurenda. Hæð undir loft í kjallara
er 2,30 m, á fyrsta gólfi 3,13 m og á öðru gólfi 2,50 m, á þaklofti og 2,50 m.
Anddyri er byggt við húsið úti fyrir eldhúsdyrum, 3,11 x 2,58 m.
Kjallarinn skiftist í 7 klefa með steinlímdum veggjum á milli að mestu. Göng
eru eftir honum miðjum frá kjallaradyrum. Einnig er kjallari undir anddyri,
því er áður var nefnt og í sambandi við kjallarann. Einn klefinn er mjög
haganlega útbúinn sem þvottahús. Gólfinu hallar þar öllu að miðju og endar í
djúpri skál, er stendur í sambandi við skólpræsi, sem liggur frá húsinu. í þessum
klefa er þvottapottur með sjálfgjörðri eldstó; þar er einnig vantsdæla, sem sogar
vatnið úr steinlímdum brunni með síunaráhöldum, er liggur 50-60 m frá húsinu
og þrýstir því upp í vatnsþró, sem er á þaklofti.
A fyrsta gólfi eru 8 herbergi, þar af tvær kennslustofur í norðurenda, önnur
4,80 X 4,60 m og hin 4,80 x 4,45 m. Dyr eru á austurhlið hússins og þaðan
uppgöng á annað loft ásamt göngum í eldhús og kjallara, þvínæst borðstofa
5,10 x 4.40 m, loks er gestastofa í suðausturhorni 4,50 x 4,45 m. Á suðurstafni
hússins eru aðaldyr og þaðan uppgöng á annað loft. í vesturhlið er önnur
kennslustofan nyrðst (áður tilgreind), bókhlaða, búr, eldhús og svefnherbergi.
Á öðru lofti eru 8 herbergi, þar af eru 3 til íbúðar fyrir skólastjóra. tvö svefn-
herbergi námspilta, ennfremur herbergi kennara og tvö önnur. Á þessu gólfi
eru göng eftir miðju húsinu, frá suðurenda til síðasta herbergis í norðurenda.
Úr þessum göngum eru uppgöng á þakloft. Á þaklofti eru 4 rúmgóð herbergi,
sem notuð eru handa vinnufólki skólans. Auk þessara 4ra herbergja er autt rúm
á miðju loftinu, sem notað er til geymslu, þar stendur einnig steinlímd vatnsþró
og úr henni liggja vatnsæðar í eldhús og víðar.
Að allri gjörð er húsið hið vandaðasta. Útveggir þess eru 39 cm á þykkt á
kjallarahæð og þar fyrir ofan 31 sm, en milliveggurinn er 24 sm. Útveggirnir
eru bikaðir innan með jarðbiki (Asfalt) og að utan upp fyrir jörð. í öllum
veggjum eru ennfremur 2 lög af jarðbiki, annað niður við grunn, hitt ofan við
jörð, til að varna raka upp um vegginn í húsið. - Innan á jarðbikið eru veggirnir
fóðraðir með þunnu torfi og er ætlast til að torfið auki hlýindi og verji sagga.
Innan við torfið, með nokkru millibili, koma svo þiljur herbergjanna. Flestöll
loft í húsinu eru húðuð með steinlími og á það meðfram að varna eldshættu.
Að utan er húsið hið veglegasta að sjá. Veggir húðaðir með sterku steinlími
og tíglaðir. Á kjallarahæðinni sýnist svo sem veggirnir sjeu hlaðnir úr hraungrýti.
Fyrir báðum aðaldyrum eru há og myndarleg steinþrep. Gluggar eru margir og
stórir. Á fyrsta gólfi 2,14 m á hæð og á öðru gólfi 1,56 m. Ennfremur skal þess
getið, að hlutfallið á milli glugga og gólfflatar í kennslustofunum er hjer um
bil 1,3.
Húsið stendur spölkorn frá hinu gamla húsþorpi. á svonefndum „Smiðjuhól".
Er að mestu autt svæði í kringum húsið og jafnlíðandi halli á 3 vegu. Svæði
þetta er vel lagað og fagurt garðstæði, og væri óskandi að eigendur skólans
vildu ganga hjer á undan með góðu eftirdæmi, og láta búa hjer til fallegan