Múlaþing: byggðasögurit Austurlands - 01.01.1999, Side 27

Frábærir fulltingismenn
trauðla varð við þær aukið. - Þeir hurfu allir
á braut litlu síðar og þá hefði verið um
seinan tíðinda að spyrja.
Við brottför sína úr sveitinni fékk Jón
Ingvar mér í hendur frumdrög örnefna-
skrárinnar og ég annaðist eftirleikinn.
„Fullbúin“ örnefnaskrá Mjóafjarðar í hand-
riti ásamt frumgögnum er varðveitt hjá
Örnefnastofnun sem staðlaði skrárnar og
gerði nafnaskrár í stafrófsröð fyrir hverja
jörð. Einnig eru til fáein samrit af ör-
nefnaskránni fullgerðri, í Héraðsskjalasafni
Austfirðinga og víðar.
Jón Ingvar Jónsson lést í Reykjavík 13.
febrúar 1968.
Þorvaldur Jónsson fæddist á Melum 20.
mars 1900, albróðir Jóns Ingvars. Hann
nam við Samvinnuskólann og stundaði
verslunar- og skrifstofustörf í Reykjavík
meðan heilsan leyfði. Þorvaldur var tví-
kvæntur. Fyrri kona hans var Helga Arna-
dóttir í Reykjavík. Þau ólu upp tvö
fósturbörn. Helga lést á miðjum aldri.
Seinni kona Þorvaldar var Ingigerður
Benediktsdóttir frá Eskifirði.
Þorvaldur Jónsson var sinnugur maður.
Hagmæltur var hann en flíkaði því lítið.
Líkt og Jón Ingvar bróðir hans hafði
Þorvaldur hug á varðveislu sögulegra minja
úr Mjóafirði. Um eða upp úr 1950 tók hann
að safna ljósmyndum þaðan, einkum af
fólki en einnig af bústöðum þess, bátum og
fleiru. Þorvaldur safnaði ekki myndunum til
eignar, sér til handa eða söfnum einhvers-
konar. Hans aðferð var sú að fá lánaðar
myndir til eftirtöku, hvar helst sem til þeirra
náðist. Hann færði skrár yfir þær myndir
sem hann fékk að láni og lagði ríka áherslu
á að hver fengi sitt með skilum eftir notkun.
Þorvaldur Jónssonfrá Mjóafirði.
Ljósm.: Minjasafn Austurlands.
Jón L Jónsson kaupmaður í Þinghól.
Ljósm.: Minjasafn Austurlands.
25