Múlaþing: byggðasögurit Austurlands - 01.01.1999, Blaðsíða 87

Gömul blöð frá Ási í Fellum
Timburkirkjan frá 1851.
altarissteinar árið 1576 samkvæmt máldaga
Gísla biskups Jónssonar. En hvað um
þennan varð sem enn tolldi við kirkjuna
1668 er ekki gott að segja.
Dyrahringur
Innsmelltur, grafinn dyrahringur úr kopar
er í kirkjuhurðinni 1668. I blaðaslitrunum
frá Ási kemur fram að Brynjólfur lét gera
læsingu og hring fyrir kirkjuna um það leyti
sem jörðin var alhcnt. Hringurinn er nefnd-
ur í vísitasíu Þórðar Þorlákssonar 1677 og
Jóns Vídalín 1706. Hann fær einkunnina
„mikið vænn“ árið 1751 og öld síðar, þegar
timburkirkja reis á staðnum, var „sá gamli
hurðar kirkju hringur“ festur í ytri hurðina.
Sumarið 1890 var Sigurður Vigfússon á
ferð um Austurland að kanna fornminjar og
fær á Ási „allmikinn“ kirkjuhurðarhring úr
„bronsi“ með 4 hnúðum. Ofan í alla hnúð-
ana eru greyptar kringlóttar silfurplötur og
nöfn guðspjallamannanna standa á framhlið
hans.20 Hringurinn, sem geymdur er í Þjóð-
minjasafninu, er án efa sá sami og Brynj-
ólfur Sveinsson lét setja fyrir kirkjuna árið
1668 þótt heimildum beri ekki saman um
málminn, Áður en læsingin kom var hespa
fyrir dyrunum.21
Krossmark
Kirkjan átti tvö krossmörk árið 1576.
Krossmark hangir yfir altari 1730, sagt
lítilvægt og er síðast nefnt 1762. Miklar
líkur eru til að þetta sé sama krossmarkið og
var þar 1668.
20
Sbr. lýsingu í munaskrá Þjóðminjasafnsins.
^Sbr. Lbs 1084 4to, bls. 383. Afrit af bréfabókum Brynjólfs biskups. Ljósmyndir af frumriti bréfabókanna eru því miður ekki til hér
austanlands.
85