Múlaþing: byggðasögurit Austurlands - 01.01.1999, Qupperneq 168

Ársskýrslur
ómissandi hlutverk þennan dag, sjálfan jólasveininn! Rithöfundunum sem lásu úr verkum sínum á
bókavöku og lögðu á sig mislöng ferðalög er þökkuð fyrirhöfnin og sömuleiðis bókaforlögum þeirra, sem
kostuðu ferðirnar. Búnaðarbankinn Egilsstöðum styrkti bókavökuna með fjárframlagi sem dugði langt upp
í kostnað. Fá stjórnendur bankans bestu þakkir fyrir.
Hér skal getið að nýju hins veglega framlags Dags í Dagsverki þegar hann sá um flutning véla og
annarra fyrirferðamikilla muna milli geymsla. Að ógleymdum þeim Gunnari Björnssyni og starfs-
mönnunum sem Austur-Hérað sendi til aðstoðar.
Fornleifarannsóknin undir stjórn Steinunnar Kristjánsdóttur var gerð möguleg með styrk frá
Vísindasjóði Rannsóknarráðs íslands. Seyðisfjarðarbær styrkti rannsóknina einnig með því að leggja fram
íbúð, aðstöðu og vinnu. Sólveig Sigurðardóttir og fjölskylda hennar útvegaði gröfurunum ýmis húsgögn
og búsáhöld í íbúðina á Seyðisfirði. Sólveig hjálpaði ennfremur til við uppgröftinn af og til.
Evrópusamstarfsverkefni Minjasafnsins, PARABOW, kostaði 5 nema í fornleifafræði tii vinnu við
rannsóknina og Italski aðili samstarfsins greindi viðarleifar safninu að kostnaðarlausu. Auk ofantalinna
styrkti Oslóarháskóli og Gautaborgarháskóli rannsóknina með forvörslu og greiningum beina, allt
framkvæmt verkefninu að kostnaðarlausu. Jafnframt styrkti Dr. Margrét Hermanns-Auðardóttir
fornleifafræðingur rannsóknina með framlagi í formi greininga á viði og kolefnisaldri sýna. Auk þeirra
sem hér eru nefndir lögðu nokkrir sjálfboðaliðar fram vinnu sína við uppgröftinn í lengri eða skemmri
tíma.
Austur-Hérað og Seyðisfjarðarbær kostuðu kvöldverði vegna heimsóknar aðila PARABOW
verkefnisins í september og er þakkað það framlag. Jónas Þ. Jónasson, sveitarstjóri Norður-Héraðs,
stuðlaði ennfremur að því að gera heimsóknina eftirminnilega með því að taka að sér leiðsögn og aka
gestum um jeppavegi inn að Laugavöllum og að Sænautaseli.
Kaupfélag Héraðsbúa styrkti uppsetningu sumarsýningar Minjasafnsins með 50.000 kr. framlagi. Auk
þess naut Minjasafnið lögboðinna styrkja ríkisins í gegnum Þjóðminjaráð.
Jóhanna Bergmann
166