Dagblaðið Vísir - DV - 21.11.2014, Blaðsíða 4

Helgarblað 21.–24. nóvember 20144 Fréttir
Leynd yfir 250
milljóna afslætti
F
élagið Háskólavellir, sem
keypti tugi þúsunda fer-
metra af íbúðar-, verslunar-
og þjónustuhúsnæði á
gamla varnarliðssvæðinu í
Reykjanesbæ, gerði samkomulag
við Reykjanesbæ um greiðslu á
fasteignagjöldum. Samkomulagið
tryggir Háskólavöllum samtals
tæpar 250 milljónir í afslátt af fast-
eignagjöldum árin 2011, 2012 og
2013. Reykjanesbær krafðist þess
árið 2011 að Háskólavellir greiddu
fasteignagjöld af öllum eignum fé-
lagsins en því voru eigendur Há-
skólavalla ósammála.
Málið á rætur sínar að rekja
allt til ársins 2007 en þá í október
tók bæjar ráð Reykjanesbæjar þá
ákvörðun gagnvart Þróunarfélagi
Keflavíkurflugvallar (Kadeco), þáver-
andi eiganda eignanna, að einung-
is skyldu innheimt fasteignagjöld af
eignum sem teknar væru í notkun.
Kröfðust greiðslu 2011
Síðan í mars árið 2008 keyptu Há-
skólavellir 185 þúsund fermetra af
fasteignum, það er íbúðar- versl-
unar- og þjónustuhúsnæði ásamt
lóðum til þróunar. Eigendur Há-
skólavalla, sem eru einkaaðilar og
rætt er um nánar hér síðar í fréttinni,
hafa litið svo á að samkomulagið
ætti við um þá, líkt og Kadeco. Var
því aðeins greiðsla innt af hendi
fyrir þær fasteignir sem teknar
höfðu verið í notkun.
Árið 2011 krafðist Reykjanesbær
þess að félagið greiddi fasteigna-
gjöld af öllum eignum sínum á
gamla varnarliðssvæðinu, sem nú
heitir Ásbrú. Eigendur Háskólavalla
leituðu þá til lögfræðings sem skil-
aði inn áliti til þeirra um málið.
Minnst er á lögfræðiálitið í nýjasta
ársreikningi Háskólavalla en þar
segir orðrétt: „Samkvæmt fyrirliggj-
andi lögfræðiáliti sem félagið hefur
látið gera stendur ákvörðun bæjar-
ráðs frá 17. október 2007 óbreytt
gagnvart félaginu.“
Hver samdi fyrir Reykjanesbæ?
Reykjanesbær virðist í kjölfarið
hafa hætt að þrýsta á eigendur Há-
skólavalla um að standa skil á fast-
eignagjöldum fyrir allar eignirnar, og
tíminn leið. Samkomulagið tryggði
Háskólavöllum tæplega 250 milljóna
króna afslátt og greiddi félagið, frá
árunum 2011 til 2013, 205,9 milljón-
ir í fasteignagjöld í stað þeirra 451,4
milljóna sem það hefði átt að greiða
samkvæmt kröfu bæjar félagsins. Af-
slátturinn er í raun töluvert meiri þar
sem Háskólavellir höfðu átt þessar
eignir frá árinu 2008 en var aðeins
gert að greiða fyrir allar fasteignirnar
frá árinu 2011.
Við uppgjör félagsins fyrir árið
2013 virðist einhver hreyfing hafa
komið á málið. Eigendur Há-
skólavalla vildu fá það staðfest að fall-
ið yrði frá innheimtu fasteignagjalda
fyrir allar eignirnar. Sú staðfesting
var veitt af hendi Reykjanesbæjar
miðað við ársreikning Háskólavalla
sem var undirritaður 12. september
síðastliðinn. Þar stendur orðrétt: „Á
undirritunar degi ársreiknings ligg-
ur fyrir samkomulag við Reykjanes-
bæ þar sem fallið verður frá fram-
angreindri innheimtu og því er þessi
krafa ekki færð í ársreikningi.“
Engin svör
DV hefur á undanförnum dögum
reynt að fá því svarað hver kom að
þessu nýja samkomulagi og á hvaða
forsendum afslátturinn hafi verið
veittur. Haft var samband við bæði
bæjarfulltrúa og skrifstofu bæjarfé-
lagsins. Þá skilaði DV inn beiðni um
afrit af umræddu samkomulagi með
vísun í upplýsingalög. Engin svör
hafa borist frá Reykjanesbæ og því
hvílir leynd yfir málinu.
Samkvæmt ársreikningi Há-
skólavalla þá stendur félagið mjög
illa en neikvæð eiginfjárstaða þess
var 314 milljónir í lok síðasta árs.
Tap félagsins árið 2013 var upp á
45,2 milljónir. Þá kemur einnig fram
í ársreikningi félagsins að vextir af
skuldabréfinu sem varð til við kaup
félagsins á fasteignum á Ásbrú eru
gjaldfallnir. Ef litið er á skammtíma-
skuldir félagsins þá eru þær upp á 4,7
milljarða króna. Þær eru líka gjald-
fallnar. Þá skuldar félagið einnig
Íbúðalánasjóði og eru einhverjar
greiðslur þar gjaldfallnar líka.
Ef ekki tekst að semja um skamm-
tímaskuldirnar er ljóst að félagið lif-
ir ekki lengi eða eins og það er orðað
í ársreikningi þess: „Ef ekki tekst að
fjármagna greiðsluna eða semja um
uppgjör hennar gæti það haft veru-
leg áhrif á rekstrarhæfi samstæðu-
félaganna og mat á eignum þeirra.“
Reykjanesbær stendur ekki síður
illa, en bæjarfélagið tilkynnti nýlega
að 500 milljóna króna niðurskurð-
ur yrði að eiga sér stað til að bærinn
gæti staðið undir skuldbindingum
sínum á þessu ári. Ljóst er að miklu
gæti munað um 250 milljónir. n
n Reykjanesbær svarar engu n Einkaaðili sleppur við fasteignagjöld
H
áskólavellir eru í eigu
tveggja félaga. Félögin
heita Heljarkambur hf. og
Fjárfestingarfélagið Teigur.
Heljarkambur – 50%
Félagið er eignarhaldsfélag í eigu
tveggja manna. Það eru þeir Finn-
ur Reyr Stefánsson og Tómas
Kristjánsson, oft tengdir við Klasa.
Heljarkambur heldur utan um
nokkrar eignir þeirra félaga, með-
al annars 100% eignarhluta í Nes-
völlum, félaginu sem á og rek-
ur nýtt húsnæði fyrir aldraða í
Reykjanesbæ.
Þeir fara með helmingshlut í
Háskólavöllum. Meðal annarra
eigna þeirra eru 95% í Klasa fjár-
festingu hf., 85% í Klasa ehf. og
11,1% í Senu ehf.
Fjárfestingarfélagið
Teigur – 50%
Helmingseignarhluti í Háskóla-
völlum er fastur í slitameðferð.
Eigandi Fjárfestingarfélagsins
Teigs er gamli Icebank eða Spari-
sjóðabanki Íslands. Sparisjóða-
bankinn var tekinn til slitameð-
ferðar árið 2008 og stendur enn í
uppgjöri. Stærstu einstöku kröf-
una í þrotabúið á fjármálaráðu-
neytið, fyrir hönd ríkissjóðs, en
sú krafa hljóðar upp á rúma 200
milljarða króna. DV reyndi að ná
sambandi við slitanefnd bankans
en hafði ekki erindi sem erfiði.
Eigendur Háskólavalla
Hverjir eiga allar eignirnar?
Atli Már Gylfason
atli@dv.is „ ...gæti það haft
veruleg áhrif á
rekstrarhæfi samstæðu­
félaganna og mat á
eignum þeirra.
Finnur Reyr Stefánsson Einn sá ríkasti í
Garðabæ en hann var náinn samverkamað-
ur Bjarna Ármannssonar meðan hann var
forstöðumaður rekstrarsviðs Glitnis.
Árni Sigfússon Bæjarstjórn Reykjanes-
bæjar krafðist þess árið 2011 að greitt yrði af
öllum fasteignum félagsins. Nú er búið að
hætta við þá innheimtu.
Ásbrú Félagið sem á flestar eignir
á Ásbrú vill aðeins greiða fasteigna-
gjöld af þeim húsum sem það notar.
Óöruggar í
miðborginni
Átta af hverjum tíu íslenskum
konum upplifa sig óöruggar í
miðborg Reykjavíkur að nætur-
lagi. Auka þarf öryggi kvenna úti
um allan heim – líka í Reykjavík.
Þetta kemur fram í tilkynningu
sem UN Women á Íslandi sendi
frá sér en samtökin ýta nú úr vör
herferð til að skapa konum og
börnum öruggt líf án ótta við of-
beldi.
„Ofbeldi gegn konum og stúlk-
um er heimsfaraldur. Óhætt er að
segja að það ríki neyðarástand í
stórborgum víðsvegar um heim-
inn þar sem konur og stúlkur
eiga erfitt með að ferðast til og
frá vinnu eða sækja skóla vegna
ótta við ofbeldi og áreitni í al-
menningsrýmum. Meira að segja
í öruggustu borgum heims eins
og Reykjavík verða konur fyrir
ofbeldi af ýmsu tagi,“ segir Inga
Dóra Pétursdóttir, framkvæmda-
stýra UN Women, í tilkynn-
ingunni.
Öruggar borgir (e. Safe Cities
Global Initiative) er alþjóðlegt
verkefni UN Women. Borgaryfir-
völd 18 landa hafa heitið því að
gera borgina sína öruggari fyrir
alla.
„Markmið Öruggra borga er
að skapa konum, unglingum og
börnum öruggt líf í borgum án
ótta við ofbeldi og er það unnið
í samstarfi við borgaryfirvöld og
frjáls félagasamtök á hverjum
stað,“ segir hún. „Sem dæmi um
ástandið má nefna að 95 prósent-
um kvenna í Nýju Delí á Indlandi
finnst þær ekki öruggar á götum
úti.“
Reykjavíkurborg lætur sitt ekki
eftir liggja og skrifar í næstu viku
undir samning um að höfuð-
borgin verði örugg borg.
Síminn hefur í samstarfi við
samtökin fengið framleiðslufyrir-
tækið Tjarnargötuna til að fram-
leiða þrjú gagnvirk myndbönd
sem sýna íslenskan veruleika
kvenna sem verða fyrir áreitni í
ólíkum aðstæðum. Áhorfendur
skyggnast inn í heim bæði
þolenda kynferðisofbeldis og ger-
enda slíks ofbeldis með því að
tengja saman tölvu og síma.
Inga Dóra segir það von UN
Women að myndböndin veki fólk
til vitundar um að ofbeldi þrífst
í hverri einustu borg í heimin-
um, líka okkar. „Samtökin hvetja
landsmenn til þess að senda sms-
ið oruggborg í 1900 og leggja sitt
af mörkum í baráttunni fyrir betri
heimi fyrir alla.“