Dagblaðið Vísir - DV - 21.11.2014, Blaðsíða 6

Helgarblað 21.–24. nóvember 20146 Fréttir
Hugo Boss söluaðilar:
Reykjavík:
Gilbert úrsmiður Laugavegi 62 s: 551-4100
Gullúrið–úra og skartgripaverslunv Mjódd s: 587-4100
Úra- og skartgripaverslun Heide Glæsibæ s: 581-3665
Meba Kringlunni s: 553-1199
Meba - Rhodium Smáralind s: 555-7711
Hafnarfjörður
Úr & Gull Firði-Miðbæ Hafnarfjarðar s: 565-4666
Keflavík:
Georg V. Hannah, úrsmiður Hafnargötu 49 s: 421-5757
Selfoss:
Karl R. Guðmundsson, úrsmiður Austurvegi 11 s: 482-1433
Akureyri:
Halldór Ólafsson úrsmiður Glerártorgi s: 462-2509
Akranes:
Guðmundur B. Hannah, úrsmiður Suðurgötu 65 s: 431-1458
Egilsstaðir:
Klassík Selási 1 s:471-1886
Úra- o skartgripaversl n
Heide Glæsibæ - s: 581 36 5
Of há veiðigjöld „glapræði“
n Sigurður Ingi á Sjávarútvegsráðstefnunni n Vill fara sáttaleiðina
Þ
að er glapræði að leggja á gjöld
sem gera okkur ósamkeppnis­
hæf við ríkisstyrktar greinar í
nágrannalöndum okkar,“ sagði
Sigurður Ingi Jóhannsson sjávarút­
vegsráðherra í opnunarræðu sinni á
Sjávarútvegsráðstefnunni á fimmtu­
dag. Vísaði hann þar til sérstakra veiði­
gjalda en eitt fyrsta verk núverandi
ríkis stjórnar var að endurskoða þau.
Sigurður Ingi sagði íslenskan
sjávar útveg að mörgu leyti ólíkan
þeim sem þekkist víðast hvar annars
staðar þar sem ekki sé litið á greinina
sem tekjuskapandi heldur atvinnu­
skapandi. „Slíkur sjávarútvegur er ekki
arðbær. Íslendingar hafa ekki efni á
slíku.“ Í því samhengi má nefna er að
óþekkt er að fiskveiðar skapi viðlíka
auðlindarentu og hér þekkist.
Sigurður Ingi ræddi ekki sér­
staklega væntanlegt frumvarp um
breytingar á fiskiveiðistjórnun sem
mikið hefur verið til umræðu undan­
farna daga. Ráðherrann hafði þó orð
á því að mikilvægt væri að ríkið setti
greininni ákveðnar skorður en skap­
aði jafnframt jákvætt og hvetjandi um­
hverfi.
„Það er ekki til neitt sem heitir full­
komið fiskveiðistjórnunarkerfi. Það er
og verður ávallt í þróun. Lausnin verð­
ur ekki þannig að allir fái allt sitt og
gangi fullkomlega sáttir frá borði. Það
þarf að fara sáttaleiðina. Þó deilt sé um
ýmis atriði kvótakerfisins hefur það
skilað gríðarlegri verðmætasköpun á
30 árum og um það verður ekki deilt.
Á þessu 30 ára afmæli kvótaerfisins,
er ekki vert að skoða af hverju var það
tekið upp? Ástæðan var svartar skýrsl­
ur um ofveiði og að enginn arður var til
staðar í greininni.“
Sigurður Ingi sagði umræðuna um
íslenskan sjávarútveg gjarnan villandi.
Á þann veg að það væri sjálfsagður
hlutur að greinin skapaði hagnað
og verðmæti. „Það þarf að hafa fyrir
verðamætasköpuninni. Greinin er háð
erlendum mörkuðum, neytendum og
náttúrunni.“ n
Sigurður Ingi Ræddi ekki sérstaklega
væntanlegt frumvarp um fiskveiðistjórn-
unarkerfið. Mynd SIgtryggur ArI
Stoðhlutverk
í mannúðar-
málum
Á miðvikudag samþykkti þing­
heimur einróma heildarlög
um Rauða krossinn á Íslandi
og merki Rauða krossins, hálf­
mánans og kristalsins. Í nýjum
heildarlögum er skýrt kveðið á
um stöðu Rauða krossins á Ís­
landi sem sjálfstæðs og óháðs
félags sem starfi að mannúðar­
málum í samræmi við Genfar­
samningana.
Þá er merki samtakanna
veitt sérstök vernd gegn mis­
notkun og engum öðrum er
heimilt að nota nafn félags­
ins. „Félagið gegnir stoðhlut­
verki gagnvart stjórnvöldum í
mannúðarmálum. Starfsemi
þess nær til alls landsins og
byggist aðallega á sjálfboða­
vinnu,“ segir í lögunum, en þau
eru sett rétt fyrir 90 ára afmæli
félagsins þann 10. desember
næstkomandi.
Julian Assange
verður lykilvitni
Hæstiréttur hefur fallist á að Juli­
an Assange, stofnandi Wikileaks,
fái að gefa skýrslu símleiðis sem
vitni í fjársvikamáli gegn Sigurði
Inga Þórðarsyni, sem er betur
þekktur sem Siggi hakkari. Verj­
andi Sigurðar hafði áður krafist
þess að Assange mætti til lands­
ins og bæri vitni í eigin persónu.
DV hefur áður greint frá því
að Sigurður Ingi sæti nú gæslu­
varðhaldi vegna gruns um að
hann hafi brotið kynferðislega
gegn ellefu einstaklingum. Hann
hefur auk þess verið ákærður fyr­
ir ýmis auðgunarbrot og fyrir að
hafa svikið út fjármuni með því að
þykjast vera Julian Assange.
Fjölmörgum spurningum ósvarað varðandi innflutning á 250 vélbyssum
Þ
ær 250 vélbyssur sem
Landhelgisgæslan flutti
til landsins í febrúar eru
enn innsiglaðar í sérstakri
vopnageymslu á öryggis­
svæði Keflavíkurflugvallar. Sam­
kvæmt heimildum DV er nú þrýst
á Landhelgisgæsluna að fá úr því
skorið hvort um gjöf eða kaup hafi
verið að ræða.
En af hverju voru þær ekki toll­
afgreiddar um leið og þær komu
til landsins í febrúar? Georg Lárus­
son, forstjóri Landhelgisgæslunn­
ar, var einmitt spurður að þessu af
fréttastofu Stöðvar 2 þann 4. nóv­
ember síðastliðinn en þá sagði hann
að tollurinn hafi vitað af innflutn­
ingnum á sínum tíma. „Við höfum
bara ekki tekið þessi vopn í notkun.
Þau komu hér í febrúar og það hef­
ur hreinlega ekki unnist tími til að
ganga frá þessari komu.“
Vissu ekki af vélbyssunum
Samkvæmt upplýsingum úr her­
búðum tollstjóra þá vissu menn þar
á bæ ekkert af innflutningnum fyrr
en DV fjallaði um málið þann 21.
október. Í kjölfarið hafi starfsmenn
tollstjóra haft samband við Land­
helgisgæsluna og ákveðið að inn­
sigla vopnageymsluna. Var það gert
þar sem embætti tollstjóra hafi ekki
verið tilkynnt um innflutninginn og
að ekki var búið að greiða af þeim
tilskilin gjöld og tolla líkt og lög gera
ráð fyrir. Tollstjórinn sjálfur, Snorri
Olsen, vildi lítið tjá sig um það hvort
þeir hafi vitað af innflutningnum
eða ekki.
„Við erum náttúrlega bara bundn­
ir trúnaði þannig að við segjum ekk­
ert um einstök mál. Við erum bara
eins og aðrir opinberir starfsmenn
og erum bundnir trúnaði í tollalög­
um varðandi einstök mál. Forstjóri
Landhelgisgæslunnar getur upplýst
hvað sem hann vill sem snýr að hans
stofnun en í okkar skilningi er hann
bara eins og hver annar kúnni hjá
okkur þótt þetta sé opinber stofn­
un,“ segir Snorri spurður um hvort
þeir hafi vitað af umræddum inn­
flutningi.
„Við myndum ekki segja frá því
hvað DV er að flytja inn frekar en
einhver annar.“
Fyrirspurnum ekki svarað
Ítrekaðri fyrirspurn um hvort tollur­
inn hafi búið yfir vitneskju um
vopnasendinguna, segir Snorri: „Ef
ég fer að tjá mig um það þá er ég
byrjaður að tjá mig um einstök mál.
Ég held að það sé miklu eðlilegra að
fá svör frá þeim aðila sem á viðkom­
andi vöru sem er verið að flytja inn
til landsins.“
Fjölmörgum spurningum er
enn ósvarað í tengslum við inn­
flutninginn. DV hefur ítrekað leit­
að svara hjá embætti ríkislögreglu­
stjóra vegna málsins en ekki haft
erindi sem erfiði. DV hafði til að
mynda samband við ríkislögreglu­
stjóra 7. nóvember vegna frétta af
vélbyssueign einstaklinga hér á
landi en í gögnum sem embættið
fékk Morgunblaðinu í hendur
kemur fram að sextán vélbyssur
séu skráðar í eigu einstaklinga hér
á landi.
ræða við norska embættismenn
DV vildi vita hvernig hægt væri að
eiga vélbyssu á Íslandi þegar það
er óheimilt samkvæmt lögum að
flytja inn eða framleiða slíkar byssur
hér á landi. Þeirri fyrirspurn hefur
ekki verið svarað. Einnig var óskað
eftir upplýsingum um hverjir væru
skráðir fyrir þessum sjálfvirku vopn­
um á Íslandi og var því, eins og öðr­
um fyrirspurnum DV, ekki svarað. Þá
var spurt að því hvort ríkislögreglu­
stjóri hafi á einhverjum tímapunkti
selt eða gefið vopn til einstaklinga
hér á landi. Þeirri spurningu var
ekki heldur svarað.
Morgunblaðið greindi frá því rétt
fyrir helgi að óformlegar viðræður
hefðu átt sér stað á milli norskra
embættismanna og Landhelgis­
gæslunnar. Lausn málsins er sögð
á algeru grunnstigi og afgreiðsla
þess gæti tekið vikur og jafnvel
mánuði. Á meðan bíða vélbyssurn­
ar á Keflavíkurflugvelli, innsiglaðar
af tollstjóra. n
Atli Már gylfason
atli@dv.is
Tollstjóri tjáir sig
ekki um vélbyssurnar
Bíða örlaga sinna
Vélbyssurnar eru enn
innsiglaðar á öryggissvæði
á Keflavíkurflugvelli.
Forstjóri Landhelgis-
gæslunnar Georg Lárusson
segir tollayfirvöld hafa vitað
af innflutningnum í febrúar.