Dagblaðið Vísir - DV - 21.11.2014, Blaðsíða 8

8 Fréttir Helgarblað 21.–24. nóvember 2014
HARÐSKELJADEKK
Mundu eftir að finnaBESTAVERÐIÐáður en þú kaupir dekk!
Smiðjuvegi 34 · Rauð gata · www.bilko.is · Sími 557-9110
Skotvís krefst fleiri
daga til rjúpnaveiða
n Þrýstir á ráðherra að fjölga dögum n Veiðimenn að missa trú á kerfinu
E
f það verður ekkert gert þá
missa menn trú á þessu
kerfi,“ segir Elvar Árni
Lund, formaður Skot-
veiðifélags Íslands, Skot-
vís. Rjúpnaveiðitímabilinu lauk á
sunnudaginn. Þrátt fyrir að taln-
ingar í vor hafi leitt í ljós að rjúpu
hafi fjölgað á milli ára er þungt
hljóð í mörgum veiðimönnum.
Það helgast af því að veðurfar
var afar óhagstætt til veiða, þá sér-
staklega á Norður- og Austurlandi.
Síðasta helgin er að hluta undan-
skilin. Mikið hvassviðri og óveður
gengu yfir stóra hluta landsins þá
12 veiðidaga sem veiðimönnum
var úthlutað. Ljóst er að margir
fengu ekki í soðið.
Mikla óánægju má greina á
meðal veiðimanna. Hún birtist
meðal annars á Skotveiðispjallinu,
samfélagi 2.200 skotveiðimanna
á Facebook. Þar hafa átt sér stað
miklar umræður um fyrirkomu-
lag rjúpnaveiða og menn eru, sem
von er, svekktir yfir því að hafa
lítið komist sökum veðurs eða ár-
angurslítið reynt að finna rjúpur í
vondu veðri.
Missa trúna á kerfinu
Elvar Árni hefur verið harðorður í
garð þess fyrirkomulags sem verið
hefur við lýði en sami háttur hef-
ur verið á veiðum undanfarin tvö
ár. Gripið var til banns við rjúpna-
veiðum 2003 og 2004 en áður
mátti veiða 69 daga. Frá banni
hafa veiðidagarnir verið níu til tólf.
Skotvís hefur sýnt fram á að fjöldi
sóknardaga hafi ekki mikil áhrif
á þá fjölda daga sem veiðimenn
halda til veiða. Veiðar aukist enn
fremur ekki að ráði þó að veiði-
dögum sé fjölgað.
Í viðtali við Vísi á dögunum
sagðist Elvar vita af veiðimönnum
sem væru búnir að fá nóg og íhug-
uðu að ganga til rjúpna þegar að-
stæður væru góðar, óháð því hvort
um leyfilega veiðidaga væru að
ræða. Hann fordæmdi ekki þær
fyrir ætlanir.
Elvar segir, aðspurður um þessa
afstöðu, að ef ekkert breytist muni
menn einfaldlega missa trú á kerf-
inu. „Þegar við fáum engin við-
brögð við því sem menn bera á
borð, þá er þetta bara spurning um
að menn leiti annarra leiða. Við
höfum ekki fengið nein viðbrögð
við þeim tölum sem lagðar hafa
verið fram; tölum sem byggðar
eru á rannsóknum um áhrif veiða.“
Hann segist standa við orð sín. „Ég
ætla ekki að dæma menn ef þeir
halda til veiða. Kerfið er ósann-
gjarnt og óréttlátt.“
Elvar segir að þrennt geti kom-
ið til ef menn missi trúna á kerf-
inu. Menn hætti að gefa upp réttar
veiðitölur, hætti að fara eftir þeim
reglum sem settar eru og hætti
að borga veiðikortið. Hann bæt-
ir við að mikil óánægja hafi verið
á undanförnum árum vegna út-
hlutana úr veiðikortasjóði. Um 12
milljónir safnist á ári – milljónir
sem eigi að fara í rannsóknir í þágu
veiða. Sú hafi ekki verið raunin að
mati Skotvís. „Menn fá aldrei að
sjá hvernig þessum peningum er
ráðstafað.“
Vilja 18 daga – sex helgar
En hvað leggur Skotvís til? Elvar
Árni segir að sjálfur sé hann
þeirrar skoðunar að veiðar ættu að
vera leyfðar 30 daga í beit. Hann
geri sér hins vegar ekki slíkar von-
ir. Skotvís leggi til að veiðar verði
leyfðar að minnsta kosti í 18 daga.
Sex þriggja daga helgar, sem nái
fram í desember. „Þá eru meiri lík-
ur á því að menn komist í kjarr-
veiði – að það verði kominn snjór.“
Slíkur veiðiskapur sé mjög krefj-
andi en skemmtilegur.
Hann segir að Skotvís hafi feng-
ið vilyrði fyrir því að dagafjöldinn
verði endurskoðaður fyrir næsta
veiðitímabil. „Við fögnum því og
krefjumst þess að ráðuneytið fari
yfir þessi gögn sem lögð hafa ver-
ið á borð hjá því varðandi daga-
fjölda og veiðar. Gögnin sýni svart
á hvítu að veiðimenn sækja sér í
matinn og láta þar við sitja. Sölu-
bannið virkar og dagafjöldinn
skiptir minna máli en talið var.“
Hann segir að meðalveiðimaður
fari fjóra daga til rjúpna og hætti
þegar hann sé kominn með í mat-
inn. Það sýni meira að segja gaml-
ar kannanir frá níunda áratugn-
um. Atvinnuveiðar séu sér kapítuli
út af fyrir sig – veiðar sem þekkjast
ekki lengur.
Hann segir að því lengra sem
veiðitímabilið er séu meiri líkur á
því að menn haldi til veiða í góðu
veðri. Menn hafi þannig meira
svigrúm til að velja góða daga og
það auki öryggi veiðimanna. DV
reyndi ítrekað að ná tali af Sig-
urði Inga Jóhannssyni umhverfis-
ráðherra eða aðstoðarmanni
hans, Ingveldi Sæmundsdóttur,
við vinnslu fréttarinnar til að fá
á hreint hvort til standi að breyta
fyrirkomulagi rjúpnaveiða. Sú við-
leitni bar ekki árangur. n
Baldur Guðmundsson
baldur@dv.is
Skotin rjúpa Veiðar gengu illa á Norður-
landi vegna veðurs. Aðeins síðustu helgina
rofaði svolítið til. Mynd Baldur GuðMundSSon
rjúpur Veiðimenn eru gramir vegna fárra
sóknardaga. Skotvís vill 18 daga.
Mynd Baldur GuðMundSSon
Hvað gerir ráðherra? Sigurður Ingi er umhverfisráðherra. Elvar Árni, formaður Skotvís,
segist hafa vilyrði fyrir því að núverandi fyrirkomulag verði endurskoðað. Mynd SiGtryGGur ari
Vill breytingar Elvar Árni var einn þeirra
sem ekki náði að veiða í jólamatinn.
„Menn fá
aldrei að
sjá hvernig þess-
um peningum er
ráðstafað
„Lítilmann-
legar“ aðgerðir
til sparnaðar
Vilhjálmur Birgisson, for-
maður Verkalýðsfélags Akra-
ness, gagnrýnir hagræðingar-
og sparnaðaraðferðir hjá ríki
og sveitarfélögum á blogg-
síðu sinni og segir stjórnend-
ur ranglega telja að hægt sé að
spara með því að skera niður
hjá láglaunafólki sem starfar í
mötuneyti og þvottahúsi, og við
ræstingar.
Vilhjálmur segir það „við-
bjóðslega lítilmannlegt“ að
ráðast á kjör þeirra sem síst
skyldi og nefnir Landspítalann
í því samhengi. Betra væri að
líta á þann möguleika að skera
niður hjá æðstu stjórnendum,
þar sem stóru launatölurnar
liggja.
„Það er lenska hjá stjórn-
endum bæði hjá ríki og sveitar-
félögum að ætíð þegar leita á
hagræðingar og sparnaðar þá
virðist það fyrsta sem kem-
ur upp í huga þessara aðila að
hægt sé að spara gríðarlega
með því skera niður í ræstingu,
mötuneyti og þvottahúsi. Þarna
telja stjórnendur að hægt sé
að sækja mikla fjármuni til
sparnaðar sem er í raun og
veru grátbroslegt,“ segir Vil-
hjálmur og bætir við:
„Þetta er svo viðbjóðslega
lítilmannlegt að ráðast á kjör
þeirra sem síst skyldi eins og
nú er verið að gera til dæmis
á Landspítalanum. Það virðist
ekki hvarfla að þessum ágætu
aðilum sem þessar ákvarðan-
ir taka að líta örlítið á þann
möguleika að skera niður hjá
æðstu stjórnendum, enda
liggja stóru launatölurnar þar,
þær liggja ekki hjá ræstinga-
fólki svo mikið er víst!“