Tímarit hjúkrunarfræðinga - 01.12.2009, Page 34

Tímarit hjúkrunarfræ›inga – 6. tbl. 85. árg. 200930
Í tilefni af 90 ára afmæli Félags íslenskra hjúkrunarfræðinga
var félagsmönnum boðið til afmælisveislu í anddyri nýju
Laugardalshallarinnar 20. nóvember sl. milli kl. 17 og 19.
Tæplega 700 manns mættu í móttökuna.
Veislan tókst einstaklega vel. Þrátt fyrir fjöldann var nægt
rými handa öllum og gátu veislugestir dreift úr sér á nokkrum
pöllum. Fyrir fram var búið að afþakka gjafir og ræður en Elsa B.
Friðfinnsdóttir, formaður FÍH, bauð gesti velkomna og ávarpaði
samkomuna nokkrum orðum. Nefndi hún þar að útgáfu bókarinnar
um sögu hjúkrunar á Íslandi á 20. öld, sem koma átti út á
afmælisárinu, hefði því miður seinkað en sé væntanleg fljótlega á
nýju ári. Þá sagði hún frá því að verið væri að endurvinna vefsvæði
Félags íslenskra hjúkrunarfræðinga og yrði það tekið í notkun
innan tíðar. Að lokum las hún upp kveðjur sem borist höfðu
félaginu í tilefni afmælisins. Tveir ungir menn úr Skólahljómsveit
Suðurnesja spiluðu ljúfa tónlist á gítar og saxófón. Stöðugt voru
bornar á borð veitingar og skenkt í glösin. Veislugestir gengu svo
um og voru næg tækifæri að spjalla. Margir létu í ljós ánægju sína
með veisluna og með afmælisþingið fyrr um daginn.
Margir notuðu einnig tækifærið til að fagna afmælinu 18. nóvember
en það er stofndagur Félags íslenskra hjúkrunarkvenna. Hægt var
að panta sérstaka afmælisköku hjá Mosfellsbakaríi og var hún á
kaffiborðinu á mörgum vinnustöðum þennan dag.
Afmæliskaffi á Suðurlandsbraut 22 að morgni
18. nóvember.
90 ÁRA AFMÆLISFAGNAÐUR