Tímarit hjúkrunarfræðinga - 01.02.2013, Blaðsíða 31

Tímarit hjúkrunarfræðinga – 1. tbl. 89. árg. 2013 27
Það leynast margar hættur í starfi hjúkrunarfræðinga. Þegar Þórunn Björg ekur um á
leið í heimahjúkrun þarf hún sérstaklega að vara sig á hreindýrunum eins og sést á
meðfylgjandi mynd. Hún er tekin fyrir botni Berufjarðar stutt frá Djúpavogi.
Þórunn Björg er í 60% starfi og nær því ekki að sinna mjög mikilli heimahjúkrun en
ekur samt milli 500 og 1000 kílómetra á mánuði. „Þetta eru nú engar óskaplegar
vegalengdir,“ segir Þórunn Björg. „Það eru 50 kílómetrar á Fáskrúðsfjörð norðan við
mig en þangað keyri ég vikulega. Lengst fer ég suður um 45 kílómetra í Berufjörð
en þar var ég einmitt stödd þegar bóndinn benti mér á að það væri hreindýrahópur
í nágrenninu.“
Þórunni Björgu líður vel á Breiðdalsvík. „Þetta er afskaplega þægilegt vinnuumhverfi
þegar maður á lítil börn en ég á sex ára tvíbura. Það eru um hundrað metrar í
skólann frá heimilinu, engin gata að fara yfir heldur bara brúaður lækur, og stutt rölt
á leikskólann yfir einn hól,“ segir hún.
Þórunn Björg Jóhannsdóttir er heilsu gæslu hjúkrunar fræðingur á
Breið dals vík. Hún er einnig með móttöku á Stöðvarfirði og sér
um skólaheilsugæslu á Fáskrúðs firði, Stöðvarfirði og Breið dals-
vík. Þá sinnir hún heimahjúkrun alveg suður á Djúpavog.
ÝMSAR HÆTTUR Í STARFSUMHVERFI
HJÚKRUNARFRÆÐINGA