Tímarit hjúkrunarfræðinga - 01.02.2013, Side 40

Tímarit hjúkrunarfræðinga – 1. tbl. 89. árg. 201336
HVAÐ ER AÐ GERAST Á
LANDSPÍTALANUM?
Christer Magnusson, christer@hjukrun.is
Landspítala hefur síðustu ár verið gert að
skera niður talsvert í rekstri. Samtals hefur
spítalinn hagrætt fyrir um 32 milljarða
króna á árunum 2008 til 2012 miðað við
verðlag 2011, samkvæmt útreikningum
sem forstjóri LSH hefur birt. Spítalinn
fær nú árlega um 9 milljörðum minna úr
ríkissjóði en hann fékk 2007.
Því hefur verið nauðsynlegt að fækka
starfsfólki, beita aðhaldi í innkaupum
og gera róttækar breytingar á skipulagi
spítalans. Á þessum tíma hafa laun
allra starfsmanna spítalans lækkað.
Starfsmenn hafa lengi vel látið sig
hafa það til þess að þjónusta við
sjúklinga myndi ekki versna í hlutfalli við
niðurskurðinn. Tekist hefur á þessum
erfiðu tímum að reka Landspítala innan
fjárlaga tvö ár í röð.
2012 lýstu margar starfsstéttir á Landspítala
óánægju með kjör sín og kom það skýrast
fram með uppsögnum hjúkrunarfræðinga.
Staðan er því grafalvarleg.
Í vetur hefur Landspítalinn mátt sæta sannkallaðri orrahríð. Um áramót höfðu
280 hjúkrunarfræðingar sagt upp störfum á Landspítalanum og síðustu vikur
hefur óánægjan magnast. Starfsmenn fleiri stétta hafa einnig sagt upp eða
tilkynnt að þeir hugi að því. Ástæða er því að velta fyrir sér hverju sætir.