Tímarit hjúkrunarfræðinga - 01.02.2013, Síða 45

Tímarit hjúkrunarfræðinga – 1. tbl. 89. árg. 2013 41
finn oft fyrir óttatilfinningu þegar ég fer
í vinnuna. Hvað verða margir í vinnunni
í dag? Það er nú farið að ræða að
öryggi sjúklinga á LSH sé ógnað vegna
niðurskurðar og vinnuálags, nokkuð sem
aldrei hefur mátt segja opinberlega. Mér
finnst öryggi mínu sem starfsmanni ekki
síður ógnað. Eftir vinnu á deildinni í þrjá
mánuði er ég orðin bakveik en það er
nokkuð sem ég hef ekki fundið fyrir í um
10 ár. Ég hef einfaldlega ekki heilsu til að
vinna við þessar aðstæður.
Ég hef því miður ekki trú á að laun
mín hækki neitt af viti. Það má þó
alltaf vona að maður fái einhvern tímann
kvensæmandi laun. Það sem ég bind
vonir við er að með þessum aðgerðum
margra einstaklinga verði til þrýstingur til
að gera bragarbót og að mönnunin verði
skapleg og í takt við þarfir skjólstæðinga
okkar. Ef aðstæður breytast langar mig
að koma aftur – ef það er í boði,“ segir
meðal annars í bréfinu.
Umsóknir í B-hluta vísindasjóðs Félags íslenskra hjúkrunarfræðinga
Umsóknarfrestur til að sækja um styrk í B-hluta vísindasjóðs Félags íslenskra hjúkrunarfræðinga er til
15. mars 2013.
Umsóknir og fylgiskjöl skulu berast rafrænt á þar til gerðu eyðublaði á netfangið visindasjodur@hjukrun.is
fyrir miðnætti 15. mars 2013.
Hlutverk sjóðsins er að styrkja sjóðsfélaga sem vinna að rannsóknum og fræðiskrifum sem gildi hafa fyrir
hjúkrun. Sjóðsfélagar, sem eru í námi, geta sótt um styrk til að vinna rannsóknarverkefni til meistaragráðu
(30 einingar ECTS hið minnsta) eða doktorsgráðu.
Aðild að sjóðnum eiga allir hjúkrunarfræðingar sem eru félagsmenn FÍH og launagreiðendur hafa greitt
fyrir í vísindasjóð á árinu 2012.
Nánari upplýsingar um B-hluta vísindasjóð er að nna á vef félagsins www.hjukrun.is
Hvað gerist nú?
Álagið á starfsfólkinu hefur skapað þrýsting
og misheppnuð launahækkun forstjóra
var allt sem þurfti til þess að tendra bálið.
Nú þarf að finna leiðir til þess að slökkva
eldana og endurreisa Landspítala.
Hingað til hafa velferðarráðherra og
ríkisstjórnin sem heild ekki lagt annað
til en yfirlýsingu um jafnlaunaátak og
aukafé í stofnanasamning en sú upphæð
er smáræði að mati hjúkrunarfræðinga.
Að óbreyttu mun Landspítali verða
nánast óstarfhæfur í mars og ástandið
óbærilegt seinna í vor og sumar. Fáir
geta hugsað þá hugsun til enda.
Fulltrúar hjúkrunarfræðinga hafa kallað
eftir nýrri forgangsröðun í ríkisrekstri
og stefnumótun til þess að ástandið
í heilbrigðismálum versni ekki heldur
batni. Koma verði í veg fyrir að slíkir
erfiðleikatímar endurtaki sig. Það kemur
í ljós á næstu mánuðum hvort stjórnvöld
eru þess megnug að svara kallinu.