Tímarit hjúkrunarfræðinga - 01.06.2011, Side 25

Tímarit hjúkrunarfræ›inga – 3. tbl. 87. árg. 2011 21
meðferð hefur aukist þrátt fyrir óvissa
stöðu slíkrar meðferðar. Vísbendingar
eru um að viðbótarmeðferð sé að öðlast
sess í heilbrigðiskerfi Vesturlanda og að
samþætting við hefðbundar heilsutengdar
úrlausnir fari vaxandi. Dæmi um slíka
samþættingu má nefna deild við
Memorial Sloan­Kettering Cancer Centre
í New York sem var stofnuð árið 1999,
Integrative Medicine Service. Deildin hefur
að markmiði að styðja við hefðbundna
læknisþjónustu og takast á við
tilfinningalegar, félagslegar og andlegar
þarfir sjúklinga og fjölskyldna þeirra.
Dæmi um þetta má einnig finna í íslensku
heilbrigðiskerfi. Undanfarin 13 ár hefur
slökun verið í boði sem viðbótarmeðferð
fyrir krabbameinssjúklinga sem koma
í lyfjameðferð á dagdeild blóð­ og
krabbameinslækninga á Landspítala.
Slökun kann að verða hluti af
hefðbundnum meðferðarúrræðum á
komandi árum. Endurmenntun Háskóla
Íslands hefur í samvinnu við Félag
íslenskra hjúkrunarfræðinga boðið
námskeið um viðbótarmeðferð í hjúkrun.
Ef þessi þróun heldur áfram má gera
ráð fyrir að umfang og sýnileiki slíkrar
Markmið fagdeildar um viðbótarmeðferð í hjúkrun
• Að stuðla að viðurkenningu á notkun gagnreyndrar viðbótar meðferðar
innan heilbrigðiskerfisins sem hefur þann tilgang að efla heilsu, lina
þjáningar, draga úr sjúkdómseinkennum og bæta lífsgæði.
• Að vinna að auknu framboði viðbótarmeðferðar innan heilbrigðis­
kerfisins og tryggja þátttöku hjúkrunarfræðinga í þeim efnum.
• Að stuðla að aukinni þekkingu almennings, sjúklinga, fagfólks og
heilbrigðisyfirvalda á viðbótarmeðferð.
• Að vera talsmaður viðbótarmeðferðar í samskiptum við Félag íslenskra
hjúkrunarfræðinga, aðrar heilbrigðisstéttir, fyrirtæki á heilbrigðissviði
og stjórnvöld.
• Að hvetja til aukinnar menntunar hjúkrunarfræðinga á sviði viðbótar­
meðferðar, meðal annars með því að efla hlut slíkrar menntunar í
hjúkrunarnámi.
• Að stuðla að miðlun upplýsinga með útgáfu, netmiðlun, fundum,
ráðstefnum og hvers konar fræðslu um viðbótarmeðferð.
• Að efla skráningu, mat og rannsóknir á sviði viðbótarmeðferðar á Íslandi.
• Að hafa yfirsýn yfir það starf sem unnið er á sviði viðbótarmeðferðar
innan heilbrigðiskerfisins.
• Að halda saman upplýsingum um meðferðaraðila, nám þeirra,
starfstíma og vinnustað.
• Að standa fyrir formlegu samstarfi við samsvarandi félög erlendis og
að vera virkur þátttakandi í alþjóðlegri samvinnu hjúkrunarfræðinga
á sviði viðbótarmeðferðar.
meðferðar verði enn meiri í almennu
hjúkrunarnámi á næstu árum en nú er.
Mikið starf hefur verið unnið við
lagasetningu er varðar græðara – það er
aðila sem veita heilsutengda þjónustu utan
hinnar almennu heilbrigðisþjónustu. Innan
heilbrigðisstofnana skortir almennt reglur
um hvernig nýta má viðbótarmeðferð
sjúklingum til hagsbóta. Mikilvægt er að
heilbrigðisstarfsfólk sé vel upplýst um
kosti og galla viðbótarmeðferðar og geti
veitt skjólstæðingum sínum leiðbeiningar
á grundvelli gagnreyndrar þekkingar.
Núna er rétti tíminn fyrir hjúkrunarfræðinga
að leggja grunninn að aukinni þekkingu
og notkun á viðbótarmeðferð innan
heilbrigðiskerfisins. Það er mjög
ánægjulegt að stofnun fagdeildarinnar sé
orðin að veruleika.
Ingibjörg J. Friðbertsdóttir
er hjúkrunar fræðingur
á dagdeild blóð­ og
krabbameins lækninga
11B á Landspítala og
formaður fagdeildar um
viðbótarmeðferð í hjúkrun.
Fr
ét
ta
pu
nk
tu
r
Þessi mynd er tekin á skurðstofu 3
á Landspítalanum við Hringbraut á
alþjóðadegi hjúkrunarfræðinga 12. maí
sl. Líklega er þetta í fyrsta skipti á Íslandi
sem allir fjórir hjúkrunarfræðingarnir á
einni skurð stofu eru karlmenn.
Talið frá vinstri standa hér Ólafur Guð­
björn Skúlason, hjúkrunar fræð ingur
og nemi í skurð hjúkrun, Birgir Örn
Ólafsson skurðhjúkrunar fræð ingur,
Unnsteinn Alfonsson svæfingar­
hjúkrunarfræðingur og Neil Mamalias,
hjúkrunar fræðingur á skurð deildinni.
Til gamans má geta að skurðlæknir­
inn var kona. Það er af sem áður var
þegar kynjaskiptingin var alveg öfug.
Skurðstofukarlar