Gerðir kirkjuþings - 01.01.2011, Qupperneq 35

35

þessa alls er barnaklámið og kynferðislegt ofbeldi gegn börnum. Hið algera
varnarleysi barna er gert að uppsprettu kynörvunar þeirra sem fara með vald. Gegn
þessu þarf kirkjan að hafa svar. Það svar felst í forvarnarstarfi í barna og
æskulýðsstarfinu þar sem talað er án vandkvæða um öruggt og réttlætanlegt kynlíf
sem byggist á jafningjatengslum, óyggjandi samþykki og jákvæðri afstöðu til
líkamans. Slík siðfræði nálgast líkamann og manneskjuna sem kynveru á jákvæðan
hátt. Markmiðið er heilbrigði, öryggi og vellíðun. Með slíkri jákvæðri nálgun má
styrkja meðvitund barna um rétt þeirra til að ráða yfir líkama sínum sem aftur er besta
forvörnin gegn kynferðisofbeldi.

Að lokum: Kirkjan á mikinn auð í starfsfólki sínu. Kirkjan þarf að treysta fólkinu sínu
fyrir þessu mikilvæga verkefni – að umbreyta ofbeldismenningu í friðar- og
jafningjamenningu. Með hjálp Guðs mun það takast.