Gerðir kirkjuþings - 01.01.2011, Page 77

77

3. mál kirkjuþing 2011
Flutt af Baldri Kristjánssyni og Sigurði Árna Þórðarsyni

Skýrslur nefnda og starfshópa.

Þjóðmálanefnd þjóðkirkjunnar
Skýrsla til kirkjuþings

Þjóðmálanefnd þjóðkirkjunnar hélt fimm fundi á starfsárinu. 10. janúar, 31. janúar,
21. mars, 6. maí og 21. október.
Í þjóðmálanefnd kirkjunnar eru:

Aðalmenn: Varamenn:
Baldur Kristjánsson formaður Ingileif Malmberg
Sigrún Óskarsdóttir Magnús Erlingsson
Sólveig Anna Bóasdóttir Margrét Ólöf Magnúsdóttir
Svavar Alfreð Jónsson Steindór R. Haraldsson
Inga Rún Ólafsdóttir Þorvaldur Víðisson

Á fyrsta fundi nefndarinnar var Sigrún Óskarsdóttir kjörinn varaformaður nefnd-
arinnar.

Ritari nefndarinnar var Irma Sjöfn Óskarsdóttir en hún hvarf til annarra starfa í sumar.
Við þökkum henni fyrir prýðilegt samstarf.
Árni Svanur Daníelsson var fjölmiðlatengiliður nefndarinnar og vann sitt af stakri
prýði.

Röð varamanna er óljós og ástæða til að skerpa á því. Varamönnum var haldið
upplýstum um gang mála en ekki boðaðir nema í forföllum aðalmanna.
Nefndin leit fyrst og fremst á það sem hlutverk sitt að koma málum á dagskrá. Trú því
hlutverki sínu efndi hún til þriggja málstofa og komu frummælendur innan úr
kirkjunni sjálfri.

Öll málþingin voru haldin undir formerkjunum Jafnrétti – misrétti.

Fyrst skal nefna málþing um staðgöngumæðrun sem var fjölsótt og heppnaðist mjög
vel. Með því málþingi átti kirkjan sinn þátt í því að koma þessu viðkvæma máli
almennilega á dagskrá en þingsályktunartillaga um að leyfa staðgöngumæðrun lá fyrir
Alþingi.
Þá vann nefndin ítarlega umsögn um málið til Alþingis.

Þá skal næst nefna málstofu um kynþáttafordóma sem fram fór á alþjóðadegi gegn
kynþáttafordómum 21. mars og í þriðja lagi málþing um fátækt hér á landi 6. maí.