Gerðir kirkjuþings - 01.01.2011, Side 106

106

Kjörstjórn ákveður gerð atkvæðaseðla fyrir atkvæðagreiðslu utan kjörfundar og
kveður nánar á um framkvæmd hennar.

23. gr.
Talning atkvæða fer fram hjá kjörstjórn er hún hefur fengið öll kjörgögn í hendur.
Kjörstjórn tilkynnir biskupi úrslit kosningar og sendir honum afrit úr gerðabók.

24. gr.
Skipa skal þann umsækjanda í embættið sem hlotið hefur flest greidd atkvæði. Verði
atkvæði jöfn skal varpa hlutkesti. Nú er aðeins einn umsækjandi í kjöri og telst hann
kjörinn hljóti hann meirihluta greiddra atkvæða.

25. gr.
Með þeim frávikum, sem starfsreglur þessar ákveða og eftir því sem við getur átt,
skulu lög um kosningar til sveitarstjórna gilda um framkvæmd prestskosninga.

Um héraðspresta
26. gr.
Biskupi Íslands er heimilt að ákveða að í prófastsdæmum starfi héraðsprestar. Biskup
ræður héraðsprest og leggur til grundvallar vali sínu umsögn héraðsnefndar.Við mat á
hæfni umsækjenda skal héraðsnefndin hafa til hliðsjónar ákvæði um valnefndir í
starfsreglum þessum. Sérstakur ráðgjafi skv. 2. grein skal starfa með héraðsnefnd frá
upphafi máls.

Um sérþjónustupresta
27. gr.
Biskup Íslands skipar sérstaka valnefnd sem velur úr hópi umsækjenda um embætti
sérþjónustupresta. Hin sérstaka valnefnd er skipuð þremur mönnum og þremur til
vara. Sérstakur ráðgjafi skv. 2. grein skal starfa með valnefnd frá upphafi máls.
Við val á sérþjónustuprestum skulu reglur þessar gilda eftir því sem við getur átt.

Gildistaka
28. gr.
Starfsreglur þessar sem settar eru með heimild í 59. gr. laga um stöðu, stjórn og
starfshætti þjóðkirkjunnar nr. 78/1997, öðlast gildi 1. janúar 2012. Jafnframt falla
brott ákvæði 13. gr. til og með 33. gr. starfsreglna um presta 735/1998.