Gerðir kirkjuþings - 01.01.2011, Page 114

114

4. gr.
Kjörstjórn við kirkjuþingskjör, sbr. starfsreglur um kjör til kirkjuþings, er jafnframt
kjörstjórn við kjör samkvæmt starfsreglum þessum.

5. gr.
Kirkjuráð ákveður hvenær kosning skal fara fram.

6. gr.
Kjörstjórn semur kjörskrá er miðist við 1. dag tiltekins mánaðar. Miða skal kosningar-
rétt og kjörgengi við embætti og störf þann dag. Kjörskrá skal liggja frammi í eina
viku á Biskupsstofu og hjá próföstum, frá auglýsingu um framlagningu kjörskrár.
Heimilt er kjörstjórn að láta kjörskrá liggja frammi á fleiri stöðum svo og að birta
hana á svæði þjóðkirkjunnar á vef þjóðkirkjunnar.
Kjörstjórn auglýsir framlagningu kjörskrár á vef þjóðkirkjunnar eða á annan við-
eigandi hátt sem og kærufrest sem skal vera ein vika frá framlagningu. Beri síðasta
dag kærufrests upp á frídag skal næsti virki dagur teljast síðasti dagur kærufrests.
Kærur skulu hafa borist kjörstjórn með sannanlegum hætti fyrir kl. 16:00 á síðasta
degi kærufrests, eða hafa verið póstlagðar í síðasta lagi þann dag. Kæruheimild er
bundin við þá sem eru í þjóðkirkjunni á því tímamarki sem kjörskrá miðast við. Kjör-
stjórn úrskurðar kærur og gengur endanlega frá kjörskrá innan viku frá lokum
kærufrests. Niðurstöður kjörstjórnar skulu liggja frammi á Biskupsstofu og skulu
kærendur kynna sér þær þar.

7. gr.
Heimilt er að skjóta úrskurði kjörstjórnar til yfirkjörstjórnar þjóðkirkjunnar innan
þriggja daga frá því að kærufrestur rann út. Slíkar kærur skulu hafa borist yfirkjör-
stjórn með sannanlegum hætti fyrir kl. 16:00 á síðasta degi kærufrests, eða hafa verið
póststimplaðar í síðasta lagi þann dag.
Kjörstjórn gengur endanlega frá kjörskrá þegar kærufrestir eru liðnir og úrlausn
kjörstjórnar eða yfirkjörstjórnar um kærur liggur fyrir og skal hin endanlega kjörskrá
miðast við lok kærufrests.

8. gr.
Sá sem hyggst gefa kost á sér sem biskups- eða vígslubiskupsefni skal tilkynna það
kjörstjórn. Tilkynningu þess efnis skal afhenda kjörstjórn eigi síðar en fjórum vikum
eftir að kjörskrá er lögð fram. Tilkynning skal hafa borist kjörstjórn með sannanlegum
hætti fyrir kl. 16:00 á síðasta degi skilafrests, eða hafa verið póstlögð í síðasta lagi
þann dag.
Kjörstjórn fer yfir framboð ef einhver eru og úrskurðar um kjörgengi frambjóðanda.
Telji kjörstjórn að hafna beri framboði skal hún birta frambjóðanda þá niðurstöðu án
tafar. Kæra má niðurstöðu kjörstjórnar til yfirkjörstjórnar innan viku frá því að hún
var kunngerð. Kæra skal hafa borist kjörstjórn eða yfirkjörstjórn með sannanlegum
hætti fyrir kl. 16:00 á síðasta degi kærufrests, eða hafa verið póstlögð í síðasta lagi
þann dag. Kæruheimild er bundin við þá sem eru á endanlegri kjörskrá. Yfirkjörstjórn
úrskurðar innan viku um kæruna.

9. gr.
Kjörstjórn ákveður hvenær kosning hefst. Kosning skal fara fram með rafrænum hætti
eins skjótt og auðið er eftir að endanleg kjörskrá liggur fyrir og endanlegur úrskurður
um kjörgengi skv. 8. gr.