Gerðir kirkjuþings - 01.01.2011, Qupperneq 134

134

29. mál kirkjuþings 2011
Flutt af biskupi Íslands
Samþykkt þannig að lokinni umfjöllun í löggjafarnefnd:

Staðfesting á reglum um Þingvallakirkjunefnd.

Kirkjuþing 2011 staðfestir eftirfarandi reglur fyrir Þingvallakirkjunefnd:

1. gr.
Þingvallakirkja, Suðurprófastsdæmi er eign ríkisins og sóknarkirkja Þingvalla-
prestakalls. Fer um kirkjulegt starf þar eftir innri samþykktum þjóðkirkjunnar og
gildandi starfsreglum kirkjuþings um sóknarnefndir og presta.

2. gr.
Starfrækt skal fjögurra manna nefnd sem nefnist Þingvallakirkjunefnd og biskup
Íslands skipar. Í nefndinni eru:
- Vígslubiskup í Skálholtsumdæmi sem jafnframt er formaður, en vígslubiskup í
Hólaumdæmi er varamaður hans
- Fulltrúi tilnefndur af sóknarnefnd Þingvallasóknar og annar til vara
- Fulltrúi tilnefndur af Þingvallanefnd og annar til vara
- Fulltrúi tilnefndur af héraðsnefnd Suðurprófastsdæmis og annar til vara.
Skal tilnefna í Þingvallakirkjunefnd frá og með 1. júlí, árið eftir kjör til kirkjuráðs til
fjögurra ára.

3. gr.
Þingvallakirkjunefnd annast umsjón og eftirlit með kirkjunni og skipuleggur reglu-
bundið helgihald einkum um sumartímann. Nefndin hefur í því sambandi með
höndum samskipti við stjórnvöld, kirkjulega aðila og aðra aðila eftir því sem nauðsyn
krefur.

4. gr.
Þingvallakirkjunefnd heldur reglulega fundi. Færa skal til bókar meginatriði þess sem
fram fer á fundum Þingvallakirkjunefndar og ákvarðanir hennar.

5. gr.
Reglur þessar, sem settar eru á grundvelli 59. gr. laga um stöðu, stjórn og starfshætti
kirkjuþings nr. 78/1997, öðlast gildi 1. desember 2011.