Bjartur og frú Emilía: tímarit um bókmenntir og leiklist - 01.04.2000, Blaðsíða 29

STARFSREGLUR FYRIR VARÐMENN Á ÞAKIRÍKISÚTGÁFUNNAR
Ég sat uppi á þaki Ríkisútgáfu fagurbókmennta og fylgdist með því
hvort ekki væri allt í lagi, því ef af er litið þá er eins víst að eitthvað
komi fyrir. Ekki er hægt að láta borgina eftirlitslausa. Og hver mun
gæta borgarinnar ef ekki ég? Ef einhver óreiða kemur í ljós, þá
kippum við málum í lag eins og skot.
Fyrsta regla: Varðmaður getur sá orðið sem er karlkyns og fylgir
OBERIU-trú (trúir því sama og félagar í Samtökum um Raunveru-
lega List) hafi hann eftirtalin einkenni til að bera:
1) Hann er meðalmaður á hæð.
2) Djarfur.
3) Fjarsýnn.
4) Með drynjandi og valdsmannslega rödd.
5) Þrekmikill og laus við vífilengjur.
6) Kann að veiða allskonar hljóð í eyru sér og lætur sér ekki
leiðast.
7) Reykir eða, ef í hart fer, er bindindismaður á tóbak.
Önnur regla (hvað ber honum að gera):
1) Varðmaður skal sitja efst á þakinu, horfa af kappi í allar áttir
og draga hvergi af sér. Til að svo megi verða skal hann án afláts snúa
höfðinu frá vinstri til hægri og öfugt, svo langt sem hryggjarliðir
leyfa í hvora átt.
2) Varðmanni ber að fylgjast með röð og reglu í borginni eða
nánar tiltekið:
a) Gæta þess að menn gangi ekki um eins og verða vill heldur
eins og sjálfur herra Drottinn hefur mælt fyrir.
b) Gæta þess að menn aki aðeins um á þeim farkostum sem til
þess eru sérstaklega útbúnir.
27