Morgunblaðið - Sunnudagur - 08.11.2015, Blaðsíða 32

Íeina tíð urðu fartölvur stærri og stærri þar til þærhættu eiginlega að vera fartölvur. Svo var eins og mennhefðu áttað sig – þær tóku að minnka aftur og þynnast
og svo er komið að þær eru margar orðnar öflugar, með-
færilegar og glæsilegar, svona eins og ný 12" MacBook
sem er nánast fullkominn ferðafélagi.
MacBook-fartölvurnar skara yfirleitt framúr í hönnun hið
ytra sem að innan og nýja vélin sker sig ekki úr hvað
það varðar – hún er sannkallað augnakonfekt og líka
einkar skemmtileg sem vinnutæki. Víst er hún lítil, skjár-
inn ekki „nema“ 12", en skjárinn er samt stærri en mann
grunar þegar kveikt er á vélinni,
því hún er með Retina-skjá og
skjáborðið því mun stærra en
skjástærðin gefur til kynna.
Margir, þar á meðal ég, hafa
mært nýja músarflötinn á Apple-
fartölvum (og skjáinn á iPhone
6S) og hann svíkur ekki í þessari
vél, frábærlega vel útfærð tækni
sem eykur notagildi vélarinnar til
muna. Það er líka hægt að
smella hvar sem er á flötinn til að velja.
Örgjörvinn í vélinni er tveggja kjarna Intel Core M
(Broadwell-Y), ekki ýkja öflugur en sérstaklega hannaður
til að vera sparneytinn og gerir því kleift að hafa á vél-
inni Retina-skjá og samt vera með rafhlöðu sem dugir all-
an daginn – samkvæmt Apple á hún að duga í níu til tíu
tíma. Svo gerir örgjörvinn líka kleift að hafa vélina viftu-
lausa og því heyrist ekkert í henni, alls ekkert.
Lyklaborðið er afskaplega fínt, ekki alveg full stærð en
nánast, sem er náttúrlega lykilatriði. Hnapparnir í því eru
endurhannaðir til að vera þynnri en á hefðbundnu lykla-
borði, 40% þynnri segja Apple-bændur, en það er þó gott
að skrifa á lyklaborðið, svörun er fín, en maður þarf samt
að venjast hnöppunum, ég nánast strauk lyklaborðið þegar
ég var að skrifa á það til að byrja með, þorði ekki að
skrifa með fullum krafti. Að því sögðu þá er hönnun á
lyklaborðinu byltingarkennd í sjálfu sér og verður eflaust
leiðandi í vélum frá Apple og fleiri framleiðendum á
næstu árum. Hnapparnir eru baklýstir með ljóstvisti, hver
fyrir sig. Það er hátalari ofan við lyklaborðið, nær nánast
þvert yfir vélina, og hljómur í henni er merkilega góður.
Eitt af því sem verið hefur umdeilt við vélina er að á
henni er bara eitt tengi, svonefnt USB-C-tengi, sem dugar
fyrir allt; straum, aukaskjá, HDMI eða gagnaflutninga.
Þessi nýi staðall, í raun USB 3.1, er útskýrður betur hér
fyrir neðan, en mér fannst þetta algert aukaatriði og skil
ekki þá blaðamenn sem kvartað hafa yfir því að tengja-
skortur kalli á allskyns aukabúnað – eru ekki allir löngu
fluttir á netið? Sama á við um diskana, fyrir minn smekk
þá er kappnóg að hafa 256 GB gagnaminni í fartölvu og
þeir sem þurfa meira pláss þurfa yfirleitt stærri tölvu
hvort eð er.
Ég nefni hér fyrir ofan að vélin sé nánast fullkominn
ferðafélagi – það eina sem vantar uppá er að skjárinn
væri snertiskjár. Sá dagur mun eflaust koma að Apple
setur á markað MacBook-týpu með snertiskjá, kannski
þegar menn eru búnir að átta sig á því að engan langar í
stærri iPad en átta tommur.
Hvað er þetta USB-C?
Það er segin saga að um leið og búið er að græja heim-
ilið svo upp að aldrei skorti snúru verður til nýr staðall
og við taka einhver ár af millistykkjum og kaupum á
aukasnúrum. MicroUSB hefur lagt heiminn undir sig og
því hefur mönnum þótt tími til kominn að taka upp nýjan
staðal, USB-C. Þetta er þó ekki bara gert til þess að fá
okkur til að kaupa fleiri snúrur, heldur hefur þessi nýi
staðall sitthvað forvitnilegt í för með sér.
Við notkun á tækjum með USB-C-tengi, líkt og til að
mynda ofanefnda MacBook Air, tekur maður náttúrlega
strax eftir því hve þægilegt er að nota USB-tengi þar
sem ekki skiptir máli hvernig tengillinn snýr. Það sem
gerir þó gæfumuninn er að í gegnum tengið má streyma
nógum straum til að hlaða, eða knýja, fartölvu, keyra
tölvuskjá og dæla gögnum í meira magni en áður hefur
þekkst í ámóta tengjum. Þannig má nota eitt og sama
tengið til að hlaða tölvuna og að tengja hana við jaðar-
tæki og líka til að tengja fartölvu, eða aðra gerð af tölvu,
við skjá – USB-C kemur í stað fjölmargra mismunandi
tengja.
Gagnahraðinn er allt að 40 gígabitar á sekúndu, hægt
er að keyra tvo 4K skjái samtímis og streyma 100 W af
straumi í hleðslu. Svo styður USB-C líka fleiri gagnastaðla
en eldri tengi.
Þetta hljómar nánast of gott til að vera satt og þó
tæknin sé vissulega fyrir hendi, þá er þetta ekki alveg
satt, það er sá hluti þess að allir muni skipta í eitt og
sama tengið. Málið er nefnilega að hægt er að smíða ýmis
afbrigði af USB-C, þ.e. tengin geta verið misöflug og því
þarf maður að læra nýjar táknmyndir sem segja hvað
hægt sé að gera með hverri snúru.
Svo getur verið varasamt að kaupa snúrur frá óþekktum
framleiðendum. Einn af verkfræðingum Google keypti til
að mynda USB-C-snúrur frá ýmsum framleiðendum á
Amazon fyrir stuttu og komst að því að margar voru þær
óttalegt drasl, stóðu ekki undir því sem stóð á umbúð-
unum og sumar svo illa úr garði gerðar að þær gátu
skemmt tæki. Það er því best að hafa varann á sér sem
stendur, en öruggt að USB-C leggur undir sig heiminn.
NÁNAST FULLKOMINN FERÐAFÉLAGI
TÆKI FRÁ APPLE GETA VERIÐ FYRIRSJÁANLEG
OG ÓFRUMLEG, EN SVO KOMA ÖÐRU HVORU
TÆKI SEM SKARA FRAMÚR Í ÚTLITI OG HÖNN-
UN. NÝ TÖLVA, 12" MACBOOK, ER SKEMMTILEGT
DÆMI UM SLÍKT APPARAT, VISSULEGA FRÁBÆR
FARTÖLVA EN LÍKA VÍSBENDING UM ÞAÐ HVERT
STEFNI Í FARTÖLVUSMÍÐI ALMENNT.
Græjan
ÁRNI
MATTHÍASSON
* MacBook 12"með 256 GB gagnaminni
kostar 247.990 kr. hjá
Epli, en 51 GB vélin
317.990 kr. Hægt er að
sérpanta vélar með 1,3
GHz örgjörva en þá þarf
að borga meira, 44.990
kr. meira fyrir ódýari
vélina og 29.990 kr.
meira fyrir þá dýrari.
* Þetta er þynnsti ogléttasti Makkinn til þessa og
sannkallað fis; ekki nema frá
0,35 til 1,31 að þykkt, eftir því
hvar litið er á tölvuna, 28,05
cm á breidd og 19,65 á hæð
og svo er hún innan við kíló
að þyngd, ekki nema 920 g.
Það er myndavél í lokinu, ofan
við skjáinn, en tekur ekki
nema 480 díla myndir.
* Upplausnin á skján-um er 2.304 x 1.440 dílar,
226 dílar á tommu. Hægt er
að fá vélina í tveimur út-
færslum, 1,1 GHz með
Turbo Boost upp í 2,4 GHz
eða 1,2 GHz sem skrúfa má
upp í 2,6 GHz með Turbo
Boost. Vinnsluminni er 8 GB
og gagnaminni ýmist 256 GB
eða 512 GB.
32 MORGUNBLAÐIÐ SUNNUDAGUR 8.11. 2015
Græjur og tækni Í sólkerfi okkar er Neptúnusáttunda og ysta reikistjarnan frásólu og sú fjórða stærsta. Nep-
túnus er ríflega sautján sinnum
massameiri en jörðin sem gerir
hann þó eingöngu næstmassa-
minnstan af ytri reikistjörn-
unum.
Neptúnus
Upplifðu hinn sanna anda jólanna með Kristjáni Jóhannssyni og gestum
Gestir Kristjáns að þessu sinni eru þau Dísella Lárusdóttir, Valgerður
Guðnadóttir og Oddur Arnþór Jónsson ásamt Óperukórnum í Reykjavík,
Karlakór Kópavogs og sinfóníuhljómsveit undir stjórn Garðars Cortes.
Í ELDBORG, HÖRPU, 6. DESEMBER KL. 20.00
Tryggið ykkur miða á
harpa.is og tix.is
//
J
Ö
KU
LÁ
-
W
W
W
.J
O
KU
LA
.IS