Morgunblaðið - Sunnudagur - 08.11.2015, Blaðsíða 35

8.11. 2015 MORGUNBLAÐIÐ SUNNUDAGUR 35
S
máhesturinn getur víst ekki verið maður með mönnum nema
að vera pæla pínulítið í jólunum og svona. Hann datt nátt-
úrlega í snemmbúið jólaskap þegar IKEA geitin brann í 20.
skipti á dögunum. Það minnti smáhestinn á að mögulega
mætti aðeins fara að huga að jólagjöfum (eða grafa þær upp sem
hann var nú þegar búinn að kaupa).
Hættan er nefnilega alltaf fyrir hendi að jólagjafirnar fari fram úr
fjárlögum ef þær eru keyptar á síðustu stundu. Hver hefur ekki lent
í því að vera með öran hjartslátt af stressi á Þorláksmessu með allt
niðrum sig í jólagjafakaupunum? Og í því ástandi hefur öll skynsemi
fokið út í veður og vind. „Fokk it – þetta reddast“ frasinn er örugg-
lega vinsæll í desember – en vill maður vera þræll hans allt sitt líf?
Eftir því sem myrkrið verður meira og jólaljósunum fjölgar er eins
og þjóðin (ekki bara smáhestar) missi það … Allt of margir sjá enga
leið út úr þessu ástandi nema hella vel í sig af jólabjór, jólaglöggi og
ofstöffa sig svo með reyktu kjöti (enn aðrir gera eitthvað miklu villt-
ara sem ekki verður rætt
hér). Það verður náttúrlega
allt skárra þegar lífsblómið er
vökvað með einhverju öðru en
vatni. Vondu fréttirnar eru
hinsvegar að innst inni vita
þeir sem eru í þessum pakka
alveg af því að þetta gerir
raunverulega ekki neitt fyrir
neinn nema framkalla glund-
roðakennda hugsun.
Smáhesturinn elskar jóla-
gjafakaup og þess vegna skilur hann ekki hvers vegna fólk kýs að
geyma þau fram á síðustu stundu. Honum verður klárlega lógað ef
hann segir frá því að hann hafi byrjað að fylla á jólagjafatankinn í
júlí. Á milli garðverka í sumarfríinu skaust hann í eina og eina búð
og keypt eitt og annað fyrir þá sem honum þykir vænt um. Það að
halda hátíð ljóss og friðar á að vera í þeim anda – jólin eiga ekki að
vera stress og glundroði. Nóg er nú af því stöffi í hinu daglega lífi
þótt gleðihátíð sé ekki í sömu hjólförum og hversdagsleikinn.
Þegar fólk er komið á aldur smáhestsins vantar það nákvæmlega
ekki neitt nema kannski meiri tíma til að liggja í láréttri stöðu uppi í
sófa og slappa af. Þess vegna varð smáhesturinn upprifinn þegar
hann heyrði af sniðugustu jólagjöf allra tíma. Hugmyndin kom frá
hagsýnustu vinkonu smáhestsins sem hefur ekki verið í fastri vinnu í
nokkur ár en samt náð að framkvæma flest sem hugurinn girnist.
Með því að nota á sér hausinn hefur þessi vinkona látið drauma sína
rætast án þess að vera með einhverja góðærisstæla og yfirdráttinn í
botni.
Hún sem sagt stakk upp á því að fólk gæfi smábarnaforeldrum
næturpössun fyrir börnin sín í jólagjöf. Þetta er náttúrlega mesta
snilldarhugmynd sem fengist hefur. Veitir mun meiri ánægju, ef
hægt er að mæla hamingjustuðul dagsins á einhverju formi, en að fá
skrautmuni eða enn eitt viskastykkið í eldhúsið.
Þetta er líka svo óendanlega mikil „win-win-jólagjöf“. Hver elskar
ekki að fá lítil frændsystkini í heimsókn og dekra við þau yfir nótt og
hvaða smábarnaforeldrar elska ekki að fá samfelldan nætursvefn og
gera það sem fullorðnir gera þegar þeir eru einir heima.
Smáhesturinn er viss um að hjónaskilnuðum myndi fækka heil-
mikið ef smábarnaforeldrar fengju hagnýtari jólagjafir – ekki bara
endalaust af smartheitavösum, jólaóróum og einhverjum bráðnauð-
synlegum óþarfa sem aldrei er notaður og er bara geymdur í skúff-
unni. Amen.
martamaria@mbl.is
Það er fátt skemmtilegra en að fá börn í pössun.
Heitasta jóla-
gjöfin 2015
*Fokk it – þettareddast“ frasinner örugglega vinsæll í
desember – en vill
maður vera þræll
hans allt sitt líf?
Atvinnublað alla laugardaga
ER ATVINNUAUGLÝSINGIN ÞÍN
Á BESTA STAÐ? Sendu pöntun á augl@mbl.is eða
hafðu samband í síma 569-1100
Allar auglýsingar birtast bæði í
Mogganum og ámbl.is
Umferðarmiðstöðin BSÍ • 101 Reykjavík • 580 5400 • main@re.is • www.flugrutan.is • www.re.is
BSÍ - Umferðarmiðstöðin
Reykjavík
Keflavíkurflugvöllur
Kauptu miða núna á www.flugrutan.is
*Miðast við að keyptur sé miði fram og til baka frá BSÍ eða Keflavíkurflugvelli á 4.000 kr.
2.000 kr.*
FYRIR AÐEINS
Alltaf laus sæti Alltaf ferðir Hagkvæmur kostur
Frí þráðlaus internet-
tenging í öllum bílum
Ferðatími u.þ.b.
45 mínútur
Umhverfisvænt
VIÐ
SKUTLUM
ÞÉR!
Áætlunarferðir Flugrútunnar eru í
tengslum við allar komur & brottfarir
flugvéla um Keflavíkurflugvöll.
Jólablað
Morgunblaðisins kemur út
fimmtudaginn 19. nóvember
Fullt af spennandi
efni fyrir alla aldurshópa
PÖNTUN AUGLÝSINGA:
til kl. 12 mánudaginn
16. nóvember.
NÁNARI UPPLÝSINGAR GEFUR:
Katrín Theódórsdóttir
Sími: 569 1105 kata@mbl.is