Morgunblaðið - Sunnudagur - 08.11.2015, Blaðsíða 21

8.11. 2015 MORGUNBLAÐIÐ SUNNUDAGUR 21
Graceland, síðasta heimili Elvis Presleys, er án efa
frægasta rokksetur í heimi. Húsinu var breytt í safn
eftir andlát Kóngsins og opnað almenningi fimm ár-
um síðar, 1982. Graceland stendur að sjálfsögðu við
3764 Elvis Presley Boulevard, sem er í borginni
Memphis í Tennessee-ríki. Presley lést á setrinu og
er grafinn á landareigninni, ásamt foreldrum sínum
og ömmu. Þar er einnig minnisvarði um tvíbura-
bróður hans, Jesse Garon, sem fæddist andvana.
600 þúsund manns skoða Graceland árlega og að-
eins eitt „heimili“ býr við meiri gestagang í Banda-
ríkjunum, Hvíta húsið.
Presley keypti Graceland árið 1957 að undirlagi
foreldra sinna sem sáu eignina auglýsta. Setrið var
byggt árið 1939 af dr. Thomas Moore og eiginkonu
hans og nefnt eftir frænku frúarinnar, Grace Toof,
sem átti landið upprunalega. Moore þessi var pró-
fessor í þvagfærafræði við háskólann í Tennessee.
Eiginkona Presleys, Priscilla, bjó um tíma á Grace-
land og dóttir þeirra, Lisa Marie, fyrstu árin eftir að
hún fæddist, 1968. Þegar foreldrar
hennar skildu, 1972, flutti Lisa Marie
með móður sinni til Kaliforníu. Hún
kom þó reglulega í heimsóknir til
Graceland og gerir víst enn. Lisa
Marie er eigandi Graceland en fyrir
tíu árum seldi hún 85% af hlut sínum
í fyrirtækinu sem heldur utan um
minningu föður hennar.
Graceland er á söguminjaskrá í Bandaríkjunum,
ein rokktengdra landareigna, og George W. Bush,
þáverandi forseti, tók þar á móti Junichiro Koizumi,
forsætisráðherra Japans, árið 2006. Mjög sjaldgæft
er að það sé gert annars staðar en í opinberum
byggingum. Sá japanski mun hafa verið mjög spennt-
ur að skoða safnið.
Frægt varð þegar Bítillinn Paul McCartney stakk
við stafni í Graceland fyrir tveimur árum og skildi
gítarnögl eftir á leiði Kóngsins, „svo Elvis geti spilað
á himnum“.
PRESLEY-SAFNIÐ Í MEMPHIS
Elvis Presley
Bláa húsið í Coyoacán-hverfinu í Mexíkó-
borg er tileinkað minningu listakonunnar
Fridu Kahlo sem fæddist og dó í húsinu. Ævi
Kahlo var stutt en viðburðarík, hún lést að-
eins 47 ára árið 1954. Listakonan slasaðist
sem kunnugt er illa í umferðarslysi á ung-
lingsaldri.
Fjórum árum eftir að Kahlo lést ánafnaði
eiginmaður hennar, Diego Rivera, borginni
FRIDA KAHLO-SAFNIÐ Í MEXÍKÓBORG
húsið, til að koma mætti á fót safni í minn-
ingu hennar. Þar getur að líta muni úr fór-
um Kahlo og margvísleg listaverk þeirra
beggja, hennar og Rivera, auk fleiri lista-
manna. Þá hefur hvergi verið hróflað við
stúdíói listakonunnar sem er nákvæmlega
eins og þegar hún yfirgaf það í hinsta sinn.
Safnið er eitt það vinsælasta í Mexíkó
með um 25 þúsund gesti í hverjum mánuði. Frida Kahlo
221b Baker Street í Lundúnum er
stundum kallað „frægasta heim-
ilisfang í heimi“. Ekki skal fullyrt um
það hér en þar er til húsa safn til-
einkað rannsóknarlögreglumann-
inum knáa Sherlock Holmes eða
Skerja-Láka úr Hólmi, eins og hann
er kallaður hér um slóðir. Gott og
vel, hann var ekki persóna af holdi
og blóði en það þýðir ekki að hann
verðskuldi ekki sitt eigið safn.
Safnið opnaði árið 1990 í óþökk
Dame Jean, dóttur Sir Arthurs
Conan Doyle, skapara Sherlock
Holmes, en henni þótti það til þess
fallið að afvega-
leiða fólk. Það er
ýta undir þann
misskilning að
karakterinn hafi í
raun og veru
verið til. Á skilti
fyrir framan hús-
ið eru til að
mynda upplýsingar um það hvenær
Holmes á að hafa búið í húsinu.
Dame Jean var boðið að innrétta
herbergi í húsinu í minningu föður
síns en hún afþakkaði það enda
höfðu allar hans eigur verið seldar.
Sherlock Holmes
SHERLOCK HOLMES-
SAFNIÐ Í LUNDÚNUM
Árið 1903 flutti
þýski vísindamað-
urinn Albert Ein-
stein, ásamt eig-
inkonu sinni og
barni, inn í íbúð á
annarri hæð við
Kramgasse 49 í
miðborg Bern,
höfuðborgar Sviss. Einstein fæddist
í Þýskalandi en lærði í Bern og fékk
þar síðar ríkisborgararétt og at-
vinnu. Þar vann hann meðal annars
að afstæðiskenningunni. Einstein
bjó aðeins í þrjú ár í íbúðinni en
eigi að síður þótti hún tilvalin til að
hýsa safn í minningu þessa andans
risa. Miðborg Bern hefur lítið
breyst á þessari rúmu öld sem síð-
an er liðin og það færir áhugafólk
um Einstein auðvitað enn nær
manninum. Í seinni heimsstyrjöld-
inni settist Einstein sem kunnugt er
að í Bandaríkjunum.
EINSTEIN-
SAFNIÐ Í
BERN
Albert Einstein
Reyktur lax
í brunch-inn
Láttu það eftir þér