Morgunblaðið - 26.11.2015, Side 121

MENNING 121
MORGUNBLAÐIÐ FIMMTUDAGUR 26. NÓVEMBER 2015
Uppreisnin gegn hinu illaKapítól gengur vonumframar og stefnir allt í aðuppreisnarmenn muni ná
að steypa hinum kaldrifjaða Snow
forseta (Donald Sutherland) af stóli
áður en um langt líður. Katniss
Everdeen (Jennifer Lawrence),
hetja uppreisnarinnar, er þó að jafna
sig eftir það áfall að útsendarar
Kapítól hafa náð að heilaþvo ástvin
hennar, Peetu Mellark (Josh Hutc-
herson), í tilraun til þess að ráða
hana af dögum.
Katniss ákveður því í hefndar-
skyni að ráða Snow forseta af dög-
um, en leiðin að honum er síður en
svo greið. Þegar herir uppreisnar-
manna hefja innreið sína inn í Kapít-
ól verður fljótlega ljóst að Snow ætl-
ar sér ekki að gefa þumlung eftir án
bardaga, og lætur leikjasmiðum sín-
um eftir að búa til síðustu hungur-
leikana, sem verða jafnframt þeir
banvænustu.
Katniss mun því þurfa að feta sig
hægt og bítandi í átt að forsetahöll-
inni og örlögum sínum, á sama tíma
og hún þarf að ákveða sig, hvort hún
geti fyllilega treyst forsprökkum
uppreisnarinnar fyrir því verkefni
að endurreisa lýðræðið í Panem.
Þannig hljómar söguþráður fjórðu
myndarinnar sem gerð er eftir Hun-
ger Games-þríleik Suzanne Collins.
Þegar fyrri hlutinn kom út í fyrra
höfðu margir efasemdir um gildi
þess að slíta þriðju bókina í sundur í
tvo hluta. Það verður þó að viður-
kennast að með því aukna svigrúmi
sem fékkst með þeirri uppskiptingu
hefur tekist að búa til stórkostlegt
sjónarspil sem hnýtir flesta lausa
enda úr fyrri myndum listilega vel
saman.
Mikið mæðir á Lawrence
Sem fyrr er það Jennifer Lawrence,
sem ber af í hlutverki Katniss Ever-
deen, stúlkunnar sem varð óvænt að
táknmynd byltingar. Það mæðir ögn
meira á Lawrence í þessari mynd en
hinum fyrri, þar sem aðaláherslan er
á sendiför Katniss í hjarta Kapítóls.
Myndin stendur því og fellur með
vilja áhorfandans til þess að halda
með Katniss í gegnum þær raunir
sem lagðar eru á hana.
Það er þó ekki svo að Katniss sé
ein á ferðinni því að hin horn ást-
arþríhyrningsins úr fyrri myndun-
um, þeir Peeta Mellark og Gale
Hawthorne (Liam Hemsworth) slást
einnig með í för, auk nokkurra ann-
arra aukapersóna. Aðrar auka-
persónur í leiðangrinum leggja þó
helst of lítið til myndarinnar til þess
að vera annað en fallbyssufóður.
Gamla brýnið Donald Sutherland
er síðan á sínum stað sem óþokkinn
Snow forseti. Hlutverk hans er
nokkuð minna en í fyrri myndum,
jafnvel þó að ljóst sé að örlög hans
séu í höndum Katniss. Engu að síður
nær Sutherland að láta hvíta tjaldið
leiftra með nærveru sinni, alveg eins
og sannir bíómyndaóþokkar eiga að
gera.
Gegnt honum er síðan Julianne
Moore í hlutverki Ölmu Coin, for-
seta uppreisnarmanna. Nær Moore
að koma listilega vel til skila hinum
takmarkalausa metnaði sem býr að
baki karakter sínum og þeirrar
stöðu sem hún sækist eftir.
Ekki verður skilið við umræðu um
leikarana án þess að nefna Philip
Seymour Hoffman, sem framdi líkt
og kunnugt er sjálfsmorð áður en
tökum myndarinnar lauk. Það er
kvikmyndagerðarfólkinu til sóma að
því tókst að ljúka myndinni á þann
hátt að grunlaus áhorfandi ætti í erf-
iðleikum með að sjá að upphaflega
hafi hlutverk Hoffmans sem leikja-
smiðurinn Plútark verið mun veiga-
meira en það er í myndinni. Fyrir þá
sem þekkja forsöguna er hins vegar
eitt atriði myndarinnar nokkuð
klaufalegt, þar sem lesin eru úr bréfi
frá Plútark til Katniss skilaboð sem
hann hefði í raun átt að geta fært
henni í eigin persónu.
Það er erfitt að nefna tiltekna
galla á myndinni. Það væri kannski
helst að framvinda söguþráðarins
slær nokkuð í og úr, þar sem hröð
hasaratriði eru allt í einu dempuð
með mjög rólegum atriðum inni á
milli. Slíkt er þó heilmikið smekks-
atriði og þótti undirrituðum myndin
feikilega spennandi frá fyrstu mín-
útu til hinnar síðustu. Þá gætu blá-
lokin komið nokkuð flatt upp á suma
áhorfendur myndanna.
Á heildina litið er þó ekki hægt að
vera annað en ánægður með útkom-
una. Hungurleikarnir: Hermiskaði 2
er því verðugur endapunktur á kvik-
myndaseríu, sem verður lengi í
minnum höfð. Hungrið hefur verið
satt og það vel.
Hungrið satt í síðasta sinn
Hermiskaðinn snýr aftur Hún Katniss Everdeen (Jennifer Lawrence) er leikin með bogann sem fyrr í síðustu myndinni um Hungurleikana.
Laugarásbíó, Smárabíó,
Háskólabíó, Sambíóin Keflavík
og Borgarbíó Akureyri.
Hungurleikarnir: Hermiskaðinn 2
bbbbn
Leikstjóri: Francis Lawrence. Handrit.
Peter Craig, Danny Strong og Suzanne
Collins. Aðalhlutverk: Jennifer Law-
rence, Josh Hutcherson, Liam Hems-
worth, Woody Harrelson, Elizabeth
Banks, Julianne Moore, Philip Seymour
Hoffman, Jeffrey Wright, Stanley Tucci
og Donald Sutherland. Bandaríkin 2015,
137 mínútur.
STEFÁN GUNNAR
SVEINSSON
KVIKMYNDIR
Grínistinn Pétur Jóhann Sigfússon
flytur sýningu sína Pétur Jóhann
óheflaður í kvöld kl. 22 í Tjarnar-
bíói. Pétur er þaulvanur uppistand-
ari og er einnig þekktur fyrir
frækna frammistöðu sína í gam-
anþáttum í sjónvarpi og kvikmynd-
um. Í kvöld mun hann fara með
gamanmál í tvær klukkustundir og
einnig 3. og 10. desember. Pétur
hefur undanfarið ár flakkað um
Ísland með sýninguna.
Óheflaður
Pétur Jóhann
Sprelligosi Pétur Jóhann Sigfússon.
Verðlaunabók
dansk-norska
rithöfundarins
Kim Leine, Spá-
mennirnir í
Botnleysufirði,
verður í aðal-
hlutverki á upp-
lestrarkvöldi í
Bókakaffinu á
Selfossi í kvöld.
Sögusvið bókarinnar er Græn-
land 18. aldar þar sem búa sam-
an án samlyndis dönsk herraþjóð
og grænlenskir heiðingjar. Sagt
verður frá bókinni og Harpa Rún
Kristjánsdóttir bókmenntafræð-
ingur les stuttan kafla. Auk þess
munu íslenskir rithöfundar lesa
úr bókum sínum, m.a. Ari
Trausti Guðmundsson og Vilborg
Bjarkadóttir. Húsið verður opnað
kl. 20 og hefst lestur hálftíma
síðar.
Spámenn og upp-
lestur á Selfossi
Kim Leine
Hljómplata ensku söngkonunnar
Adele, 25, seldist í 2.433.000 eintök-
um á fjórum dögum og er það
heimsmet í plötusölu í fyrstu viku
frá útgáfu. Fyrra met átti hljóm-
sveitin NSync sem seldi 2.416.000
eintök af plötu sinni No Strings At-
tached árið 2000 fyrstu vikuna frá
útgáfudegi. Dagblaðið Wall Street
Journal segir það ekki síst merki-
legt í ljósi þess að NSync gaf út
plötu sína á þeim tíma er sala á
geisladiskum var enn mikil en mjög
hefur dregið úr henni á síðustu ár-
um með tilkomu streymisveitna og
sölu á tónlist á netinu. Adele og út-
gáfufyrirtæki hennar Columbia og
XL tóku þá ákvörðun að gera plöt-
una ekki aðgengilega á tónlist-
arveitum á borð við Spotify og
Apple Music og hefur það greini-
lega skilað sér í aukinni sölu á plöt-
unni. Plötuna er bæði hægt að
kaupa á geisladiski og í stafrænu
formi og munu álíka mörg eintök af
plötunni hafa selst á hvoru forminu.
Feikivinsæl Plata Adele, 25, selst eins
og heitar lummur og sú síðasta, 21, var
mest selda plata á heimsvísu tvö ár í röð.
Adele sló plötusölumet NSync
AFP
Fyrsta sending af
2016 komin í hús
Kletthálsi 15 | S: 577-1717 | stormur.is | stormur@stormur.is
HUNGER GAMES 4 3D 7,10(P)
HUNGER GAMES 4 2D 5,8
SPECTRE 6,9
HANASLAGUR 4:50
LAUGARÁSBÍÓ Sýningartímar
Miðasala og nánari upplýsingar
POWERSÝNING
KL. 10