Morgunblaðið - 26.11.2015, Qupperneq 124

FIMMTUDAGUR 26. NÓVEMBER 330. DAGUR ÁRSINS 2015
VEÐUR » 8 www.mbl.is
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
Í LAUSASÖLU 488 ÁSKRIFT 5295 HELGARÁSKRIFT 3307 PDF Á MBL.IS 4696 I-PAD ÁSKRIFT 4696
1. Sögð hafa verið barin til dauða
2. Sextán skot í bakið
3. Réðust á síðu Kristsdags
4. Ertu með B12 vítamínskort?
»MEST LESIÐ Á mbl.is
FÓLK Í FRÉTTUM
 Píanó- og hljómborðsleikarinn
Kjartan Valdemarsson og félagarnir í
DÓH-tríóinu eiga stefnumót í menn-
ingarhúsinu Mengi í kvöld kl. 21.
DÓH-tríó er skipað Daníel Helgasyni
á gítar og bassa, Óskari Kjartanssyni
á trommur og Helga Rúnari Heiðars-
syni á saxófón oghafa þeir látið sig
dreyma um að bralla eitthvað
skemmtilegt með Kjartani.
DÓH og Kjartan
leika saman í Mengi
 Sjöunda höfundakvöld haustsins
fer fram í Gunnarshúsi, húsi Rithöf-
undasambandsins, Dyngjuvegi 8, í
kvöld kl. 20. Kristján Guð-
jónsson bókmennta-
fræðingur mun
spjalla við Mikael
Torfason og Auði
Jónsdóttur, sem
munu einnig
lesa úr bókum
sínum, Týnd í
Paradís og
Stóra
skjálfta.
Höfundakvöld með
Mikael og Auði
Á föstudag Norðan 8-15 m/s og snjókoma eða él en úrkomulítið á
Suðurlandi. Frost 1 til 8 stig en harðnandi frost með kvöldinu.
Á laugardag Norðan 8-13 m/s. Talsvert frost.
SPÁ KL. 12.00 Í DAG Snýst í hvassa norðanátt með snjókomu á
Vestfjörðum og Ströndum um og eftir hádegi í dag, síðar einnig við
norðausturströndina. Lægir talsvert um kvöldið. Kólnandi veður.
VEÐUR
„Það er einn atvinnumaður í
hverju liði og hann er lam-
inn og tuskaður til í hverjum
leik. Við fáum enga vernd.
Ef maður segir stakt orð við
dómarana er maður sendur
af velli. Þetta er svakalegt.
Maður kannski gefur frá sér
boltann og fær þá högg í
bakið. Þetta er „dirty“
handbolti,“ segir hand-
knattleiksmaðurinn Björg-
vin Þór Hólmgeirsson, sem
spilar nú í Dúbaí. »4
Tuskaður til í
hverjum leik
Leicester City hefur komið gríðarlega
á óvart í ensku úrvalsdeildinni það
sem af er þessu tímabili og er í efsta
sætinu eftir þrettán umferðir.
Snemma á árinu sat liðið á botni
deildarinnar. Claudio Ranieri þótti
ekki spennandi kostur sem knatt-
spyrnustjóri þegar hann var
ráðinn í sumar og fáir
vissu hver framherjinn
Jamie
Vardy
var. Nú
þekkja
hann all-
ir. »3
Ótrúleg staða hjá
refunum í Leicester
Íslenska kvennalandsliðið í körfu-
knattleik varð að sætta sig við tap
gegn Slóvakíu, 72:55, í öðrum leik
sínum í undankeppni Evrópumótsins
í Laugardalshöllinni í gærkvöld. Stað-
an í hálfleik var 40:33, Slóvökum í vil.
Íslenska liðið hefur þar með tapað
báðum leikjunum í undankeppninni,
en það beið lægri hlut fyrir Ungverj-
um á útivelli um síðustu helgi. »2
Annað tap hjá kvenna-
landsliðinu
ÍÞRÓTTIR
Skannaðu
kóðann með
símanum þínum
og fylgstu með
veðrinu á
Ármúli 8 I 108 Reykjavík I Sími 516 0600 I www.birgisson.is
Lokað vegna árshátíðar laugardag og sunnudag
28. - 29. nóvember
Opið á mánudag 9-18
Benedikt Bóas
benedikt@mbl.is
Skálmöld er nýbyrjuð í þriggja vikna
tónleikaferð um Evrópu en bandið
kemur aftur til Íslands þann 12. des-
ember. Hljómborðsleikarinn Gunnar
Ben komst ekki með að þessu sinni-
vegna anna í Listaháskólanum, þar
sem hann er aðjúnkt. Helga Ragn-
arsdóttir hljóp í hans skarð, en hún
er systir hljómsveitarmeðlimanna
Snæbjarnar og Baldurs. Hún er
söngkona og tónskáld sem starfar
meðal annars með hljómsveitinni
Rökkurró. Systkininin hafa einu
sinni áður stigið saman á svið, með
Ljótu hálfvitunum, þegar hljóm-
sveitina vantaði flautuleikara.
Faðir þeirra, Ragnar L. Þor-
grímsson, sem nú er látinn, var tón-
listarkennari og var tónlist alla tíð
haldið að systkinunum. Móðir
þeirra, Anna Snæbjörnsdóttir, er
heima á Húsavík stolt af tónlistar-
mönnunum þremur sem ferðast nú
saman. „Þau höfðu sífellt fyrir okkur
tónlist í æsku, svo hún getur ekkert
kvartað yfir því að eiga þrjá tónlist-
armenn,“ segir Helga.
Baldur bendir á að hún hafi alveg
smá áhyggjur af ferðalagi þeirra
þriggja. „Sérstaklega núna þegar öll
eggin eru í sömu körfunni. En við
horfum til beggja hliða áður en við
förum yfir götuna og svona og við er-
um almennt frekar góð í þessu öllu
saman.“
Snæbjörn segir að vel hafi gengið í
upphafi tónleikaferðalagsins og
hljómsveitinni hafi verið vel tekið.
„Túrinn fer alveg afskaplega
skemmtilega af stað. Við hlæjum,
brosum, drekkum og stöppum stál-
inu hvert í annað. Bandið stækkar og
dafnar og við höldum ótrauð áfram,
það gefur manni alveg óskaplega
mikið að hafa eitthvað til að keppa
að. Mikið óskaplega vona ég að sem
flestir eigi sína Skálmöld.
Að leggja af stað með jafnvon-
lausa hugmynd og að stofna íslenska
víkingaþungarokkshljómsveit og ná
að fylgja henni svona langt eftir gef-
ur manni alveg óskaplega mikið. Líf-
ið er ekki flókið. Bara passa að hafa
nógu gaman.“
Þrátt fyrir að vera saman í þrjár
vikur nánast föst við hvert annað
ætla systkinin að halda jólin hátíðleg
saman með stórfjölskyldunni. „Jólin
verða meira að segja haldin heima
hjá mér og það er í fyrsta skipti sem
ég held jól sjálfur,“ segir Snæbjörn.
„Eða sem sagt ég og Agnes, kær-
astan mín, og núna dóttir okkar, hún
Anna. Það verður fínt að ná að
tengja þetta svona saman, að hafa
mömmu hjá sér en vera samt heima
hjá sér. Hún getur þá haft skoðun á
sósunni og svona.“
„Lífið er ekki flókið, bara
passa að hafa nógu gaman“
 Skálmaldar-
systkinin sam-
einuð í Evróputúr
Morgunblaðið/Styrmir Kári
Grifflubörn Baldur, Snæbjörn og Helga Ragnarsbörn saman á brottfarardeginum. Takið eftir grifflunum. Móðir
þeirra, Anna Snæbjörnsdóttir, á heiðurinn en fjölmargir þungarokkarar landsins eiga svona og margir erlendis líka.