Morgunblaðið - Sunnudagur - 13.12.2015, Qupperneq 30

30 MORGUNBLAÐIÐ SUNNUDAGUR 13.12. 2015
Matur og drykkir
Í
slensk hráefni eru í öndvegi hjá
kokkinum á Old Iceland enda
maturinn alíslenskur. „Þetta er
mikið fiskréttir og svo lamb og
naut,“ segir Þorsteinn sem er kokkur
og einn eigenda að Old Iceland á
Laugavegi 72. „Kjötsúpa hefur verið
á matseðli frá upphafi og er mjög
vinsæl hjá ferðamönnum,“ segir hann
og nefnir að hægt sé að skola matn-
um niður með íslenskum bjór. Þor-
steinn segir að erlendir ferðamenn
séu 80-90% af viðskiptavinunum en
að Íslendingar séu farnir að koma æ
oftar. „Það er búið að vera fínt að
gera frá upphafi,“ segir Þorsteinn
sem var áður í tölvubransanum.
Hann lærði kokkinn í Danmörku en
síðar kerfisfræði. „Það er mjög
skemmtilegt að „svissa“ svona á
milli,“ segir hann en það var gamall
draumur að opna veitingastað. „Þetta
er þúsund sinnum skemmtilegra,“
segir hann brosandi.
Lamb og hjónabandssælan
hennar mömmu
Þorsteinn segir að lambafille sé vin-
sælasti rétturinn á matseðlinum og
hjónabandssælan sé mjög vinsæll eft-
irréttur. „Við köllum hana Mom’s
Rubarb Cake. Mamma kemur alltaf
tvo morgna í viku og bakar fyrir okk-
ur,“ segir hann og er ánægður með
mömmu sína. Þorsteinn segir útlend-
ingana mjög ánægða með matinn.
„Það er skemmtilegt að segja frá því
að það komu hingað útlendingar, sex
manna fjölskylda sem var hér á landi
í sex daga og þau borðuðu hér fimm
sinnum. Einu sinni í hádeginu og
fjórum sinnum að kvöldi!“
Morgunblaðið/Árni Sæberg
Fiskréttir eru mjög vinsælir hjá erlendum ferðamönnum. Hér má sjá
ofnbakaða löngu með steinseljurót og sólþurrkuðum tómötum.
Margir gómsætir eftirréttir eru á matseðlinum. Einn af þeim er
créme brúlée með sorbet og pikkluðum aðalbláberjum.
OLD ICELAND VINSÆLT HJÁ FERÐAMÖNNUM
„Einu sinni í hádeginu og fjórum
sinnum að kvöldi!“
ÞORSTEINN S. GUÐMUNDSSON VAR ORÐINN LEIÐUR Á TÖLVUFRÆÐUM OG LÉT GAMLAN DRAUM RÆTAST ÞEGAR HANN OPNAÐI
OLD ICELAND FYRIR NÁKVÆMLEGA EINU ÁRI Í DAG. ERLENDIR FERÐAMENN ERU TÍÐIR GESTIR OG KUNNA VEL AÐ META ÍSLENSKAN MAT,
EINS OG FISK, LAMB OG HJÓNABANDSSÆLU SEM MAMMA HANS BAKAR TVISVAR Í VIKU. FULLT ER ÚT ÚR DYRUM Á HVERJUM DEGI.
Ásdís Ásgeirsdóttir asdis@mbl.is
Rótargrænmeti í brenndu smjöri er borið fram með ýmsum réttum.
Þorsteinn S. Guðmundsson lét
gamlan draum rætast þegar
hann opnaði Old Iceland fyrir
nákvæmlega einu ári.
Fyrir tvo
lambafillet 400 g fituhreinsað
200 g jarðskokkar
100 g gulrætur
100 g steinseljurót
250 g kartöflusmælki, skorið í
tvennt
100 g sveppir
salt og pipar
hvítlaukur
Sjóðið jarðskokka í rjóma og mjólk
þar til þeir eru mjúkir og fínir. Mauk-
ið í blandara og smakkið til með salti
og pipar. Skerið kartöflur í tvennt og
veltið þeim upp úr olíu og kryddið að
vild. Bakið gulrætur og steinseljurót
við 160° í 25 mín. (endar skornir af
og klofið eftir endilöngu). Setjið kart-
öflur með grænmetinu í ofninn í sér
fat. Hitið hvítlauksolíu og smjör sam-
an á pönnu og brúnið kjötið vel upp
úr því á öllum hliðum. Kryddið með
salti, pipar og íslensku blóðbergi.
Setjið í ofninn og steikið þar til kjarn-
hiti er orðinn 55-59°, allt eftir því
hvernig steikingu sóst er eftir á kjöt-
inu. Steikið sveppi upp úr olíu og
smjöri og kryddið með salti, pipar og
hvítlauk. Nauðsynlegt er að láta
lambið jafna sig í ca. 10 mínútur áður
en það er skorið. Raðið öllu snyrti-
lega á diska. Á Old Iceland er lambið
borið fram með sósu sem soðin er á
beinum í 12-14 tíma en hægt er að
hafa hvaða sósu sem er með þessu.
Lambafillet með bökuðu rótar-
grænmeti og steiktum kartöflum