Morgunblaðið - 07.01.2016, Blaðsíða 4
4 FRÉTTIRInnlent
MORGUNBLAÐIÐ FIMMTUDAGUR 7. JANÚAR 2016
Akureyringar kvöddu jólin í gærkvöldi, á Þrett-
ándagleði íþróttafélagsins Þórs og Akureyrar-
stofu. Til að tefla ekki í tvísýnu vegna veðurs var
ákveðið að gleðin yrði innandyra að þessu sinni, í
fjölnotahúsinu Boganum. Samkoman hefur verið
haldin reglulega í nærri heila öld, en félagið hélt
einmitt upp á hundrað ára afmælið á nýliðnu ári.
Hugsanlegt er að jólasveinarnir og tröllin hafi
verið með frá upphafi, en ekkert skal fullyrt.
Börn hafa mörg hver sótt gleðina aftur og aftur,
en öruggt má telja að ekkert þeirra sem gladdist
í gær var viðstatt í ársbyrjun 1917.
Álfakóngur og drottning hans, jólasveinar, púkar og tröll á sveimi
Morgunblaðið/Skapti Hallgrímsson
Akureyringar kvöddu jólin innanhúss
Guðni Einarsson
gudni@mbl.is
Nýja fangelsið á Hólmsheiði mun
rúma 56 fanga. Þar verða 24 fastir
starfsmenn til að byrja með, eða jafn-
margir og voru alls í Kvennafangels-
inu í Kópavogi og Hegningarhúsinu.
Flestir starfsmenn verða fangaverðir
en einnig skrifstofufólk, forstöðu-
maður, fangaflutningamenn o.fl., að
sögn Páls E. Winkel, forstjóra Fang-
elsismálastofnunar ríkisins.
Aðskildar deildir
Í fangelsinu verða sérstök rými
fyrir einangrunarfanga og gæslu-
varðhaldsfanga, einnig verða þar
rými fyrir afplánunarfanga. Full-
komin aðstaða verður fyrir konur í
langtímaafplánun. Í fangelsinu verð-
ur m.a. sérstök heimsóknaríbúð þar
sem aðstandendur, t.d. börn fanga,
geta dvalið hjá aðstandanda sínum í
heimsóknum. Í
hverri álmu og á
hverri deild verð-
ur eldunarað-
staða. Gert er ráð
fyrir því að fangar
sjái um sig að
töluverðu leyti
hvað varðar elda-
mennsku og þrif.
Einnig verður að-
staða fyrir fanga til að stunda nám
auk aðstöðu fyrir heilbrigðisstarfs-
fólk. „Þetta nútímalega fangelsi verð-
ur algjör bylting fyrir okkur. Það er
mikil ástæða til að gleðjast yfir
þessu,“ sagði Páll.
Miðlæg varðstofa
Skipulag fangelsisins sést vel á
loftmyndunum. Í miðjunni er hring-
laga þak sem stendur upp úr húsinu.
Þar verður miðlæg varðstofa fyrir
allt fangelsið. Frá henni verður stutt í
allar álmur og það tryggir skamman
viðbragðstíma. Fangaverðir verða
alltaf á vakt í varðstofunni.
Í álmunum verða mismunandi
fangadeildir. Þær eru aðskildar og
hefur hver og ein sitt útivistarsvæði.
Þannig verður algjör aðskilnaður
fanga í sama fangelsi mögulegur í
fyrsta sinn á Íslandi.
Við enda hverrar álmu eða deildar
er útivistarsvæði og inni í álmunum
eru einnig minni opin rými fyrir úti-
vist fanga. Búið er að leggja net yfir
opna rýmið á álmunni, sem sést til
hægri, með. Þar verða fjórir aðskildir
útivistargarðar fyrir einangrunar-
fanga.
Útivistarsvæði fanga verða afgirt
og utan um fangelsið verður stór
girðing og önnur minni afmarkar
fangelsislóðina, þannig að þreföld
girðing skilur fangana frá frelsinu. Í
upphafi var ákveðið að hafa ekki múr
utan um fangelsið heldur girðingar.
Fullkomnasta fangelsi landsins
Nýja fangelsið á Hólmsheiði verður „algjör bylting“ að sögn forstjóra Fangelsismálastofnunar
Fullur aðskilnaður fanga sem afplána í sama fangelsi verður nú mögulegur í fyrsta sinn hér á landi
Páll Winkel
Morgunblaðið/RAX
Hólmsheiði Nýja fangelsið er langt komið í byggingu. Fyrstu starfsmenn-
irnir mæta eftir rúman mánuð og fyrstu fangar eiga að koma í maí.
Farþegum Icelandair í millilanda-
flugi fjölgaði um 16% í desember frá
desember á síðasta ári, að því er
fram kemur í tilkynningu frá félag-
inu. Alls flutti félagið 185 þúsund far-
þega í mánuðinum. Framboð jókst
einnig milli ára og nam 15%, sæta-
nýting í desember var 79,2%, en í
fyrra nam hún 78,7%.
Alls flutti félagið 3,1 milljón far-
þega á árinu, en þeir hafa aldrei ver-
ið fleiri. Fjölgaði þeim um 18% frá
árinu 2014.
Fraktflutningar Icelandair jukust
um 7% frá fyrra ári og herbergjanýt-
ing á hótelum félagsins var 60,7% en
var 55,8% í fyrra.
Farþegum í innanlandsflugi og
Grænlandsflugi fækkaði. Þeir voru
tæplega 18 þúsund, um 3% færri en á
síðasta ári. jbe@mbl.is
Icelandair aldrei flutt jafn-
marga farþega á einu ári
Farþegum í
millilandaflugi
fjölgaði um 18%
Morgunblaðið/Skapti Hallgrímsson
Icelandair Alls flutti Icelandair um 3,1 milljón farþega á síðasta ári.
Búið er að fjarlægja hinn umdeilda
yngri vegg á hafnargarðinum við
framkvæmdasvæðið við Tollhúsið í
miðbæ Reykjavíkur. Veggurinn er
nú geymdur í Örfirisey, á geymslu-
svæði sem Faxaflóahafnir eiga.
Framkvæmdir við eldri garðinn
hófust á nýju ári. Þetta segir Gísli
Steinar Gíslason, stjórnarformaður
Landstólpa þróunarfélags, sem sér
um framkvæmdirnar. Á lóðinni
stendur til að reisa íbúðar- og versl-
unarhúsnæði. Áætlaður kostnaður
við að færa hafnargarðinn er um
500 milljónir króna.
Yngri veggurinn
kominn í geymslu
Morgunblaðið/Eggert
Framkvæmdir Húsnæði með íbúðum og
verslunum kemur í stað hafnargarðsins.
Neytendastofa hefur óskað eftir
upplýsingum um gölluð handblys
sem kveikt var á um áramótin. Í
fjölmiðlum hefur komið fram að sjö
börn hafi slasast vegna þeirra. Er
m.a. óskað eftir upplýsingum um
tegund og sölustaði blysanna.
Neytendastofa
rannsakar handblys
Laugavegur 59, 2. hæð • Sími 551 8258 • storkurinn.is
Opið:
Mán.-F
ös.
11-18
Lau. 12
-16
Við
eigum
líka
tiltölurnar