Morgunblaðið - 07.01.2016, Blaðsíða 11

Forstöðumaðurinn Halla er eini starfsmaður Jónshúss og hefur í nógu að snúast frá morgni til kvölds.
handverks- og hönnunarnám. Eftir
að ég lauk námi hef ég unnið sjálf-
stætt sem prjónahönnuður og einnig
hjá Önnu Sofie Madsen, sem er
þekktur, danskur fatahönnuður.
Samhliða kenndi ég íslenskum börn-
um íslensku hér í Jónshúsi og hef
eiginlega verið eins og grár köttur í
húsinu allar götur síðan.“
Halla segist lítið fást við prjóna-
skap þessi dægrin, enda meira en
fullt starf að vera forstöðumaður.
Upp úr dúrnum kemur þó að hún er
að hanna og prjóna peysu á einn að-
alleikarann í dönsku kvikmyndinni
Vetrarbræður, sem ungur leikstjóri,
Hlynur Pálsson, framleiðir. Sjálf
kom hún ásamt fleiri íslenskum kon-
um á laggirnar prjónakaffi í Jóns-
húsi fyrir hartnær fimm árum.
„Í Garnaflækjunni eru núna um
þrjátíu konur á öllum aldri sem
mæta reglulega fyrsta fimmtudag í
hverjum mánuði. Við höfum ýmis-
legt á prjónunum, næst ætlum við að
prjóna húfur handa flóttamönnum,
en annars höfum við bara prjónað
hver fyrir sig og notið samver-
unnar.“
Jafnmargar konur og stólar
Fyrir tveimur árum stofnaði
Halla Félag kvenna í atvinnulífinu í
Danmörku. Um 340 konur eru
skráðar í félagið og hefur stór hluti
hópsins sótt fundi félagsins, sem
vitaskuld eru haldnir í Jónshúsi.
„Fimmtíu og átta konur mættu á
jólafundinn, nákvæmlega jafn-
margar og stólarnir í húsinu,“ upp-
lýsir hún.
Þar sem Halla býr í Jónshúsi
segist hún í rauninni vera í vinnunni
allan sólarhringinn og alltaf með
kveikt á símanum. Enda sé aðeins
dauð stund í húsinu yfir blánóttina.
„Flestir Íslendingar sem búsettir
eru í Danmörku þekkja húsið og
starfsemi þess og margir hafa komið
hingað oftar en einu sinni. Íslend-
ingar á ferðalagi mættu hins vegar
að ósekju líta inn í ríkari mæli. Þó
ekki væri nema til að skoða sýn-
inguna um Jón Sigurðsson, sem er
afar áhugaverð og góð vísbending
um hvernig þau hjónin bjuggu á ár-
unum 1852 til dauðadags beggja
1879. Ég kappkosta að uppfæra
heimasíðuna og Facebook-síðuna
okkar reglulega svo Íslendingar nær
og fjær séu vel með á nótunum.“
Halla kveðst merkja minni
áhuga hjá yngra fólki á Jóni Sig-
urðssyni en þeim sem komnir eru
um og yfir miðjan aldur. „Kannski
vegna þess að hin síðari ár hefur
ekki verið frí í skólunum á fullveld-
isdaginn 1. desember og krakkarnir
tengja óskabarn þjóðarinnar, eins og
Jón var oft kallaður, ekki lengur við
sjálfstæðisbaráttu þjóðarinnar. Ég
held að unga fólkið hefði gaman af
að skoða sýninguna um Jón og
hressa svolítið upp á sögukunnátt-
una í leiðinni,“ segir hún.
Íbúðir fyrir fræðimenn
Tvær íbúðir fyrir fræðimenn
eru í Jónshúsi og eru þær nýttar ár-
ið um kring. Forstöðumaðurinn hef-
ur ekkert með þær að gera að öðru
leyti en að sjá um að þær séu hreinar
þegar nýir íbúar taka við og vera
þeim innan handar í borginni til að
byrja með.
„Þar sem ég er eini starfsmaður
hússins útvega ég ræstifólk og iðn-
aðarmenn þegar á þarf að halda og
sinni ýmsum smáviðvikum,“ segir
Halla og viðurkennir að það sé
kannski ekki skemmtilegasti hluti
starfsins. „En þó ekki svo leiðin-
legt,“ bætir hún við. Skemmtilegast
finnst henni að vera í samskiptum
við gesti og gangandi, byggja upp
tengslanet Íslendinga í Kaupmanna-
höfn og koma þeim betur inn í
danskt samfélag. „Íslendingum, sem
setjast hér að, þekkja fáa og vita
ekki hvernig þeir eiga að snúa sér
varðandi eitt og annað, finnst gott að
koma í Jónshús og fá góð ráð hjá
löndum sínum,“ segir Halla og talar
af reynslu.
Glæsihús Jónshús er 5 hæða glæsi-
hús í hjarta Kaupmannahafnar.
DAGLEGT LÍF 11
MORGUNBLAÐIÐ FIMMTUDAGUR 7. JANÚAR 2016
skref
ganga
hækkun
skokk
hreyfing
Ögurhvarfi 2, 203 Kópavogur, sími 577 6000, garmin.is
Garmin heilsu- og snjallúr
með innbyggðum púlsmæli.
toppaðu
gærdaginn
Jónshús hef-
ur verið í eigu
Alþingis frá
árinu 1967
þegar Carl
Sæmundsen
stórkaup-
maður gaf
það í minn-
ingu Jóns Sigurðssonar og Ingi-
bjargar Einarsdóttur.
Árið 1970 hófst rekstur í hús-
inu, sem nú er félagsheimili Ís-
lendinga í Kaupmannahöfn,
minningarsafn um Jón Sigurðs-
son og Ingibjörgu og bókasafn í
kjallara. Tvær fræðimanns-
íbúðir eru í húsinu þar sem
einnig er aðstaða fyrir fé-
lagsstarfsemi Íslendingafélags-
ins, íslenska safnaðarins, ís-
lenska skólans, kammerkórsins
Stöku, Kvennakórs Kaup-
mannahafnar, sunnudagaskól-
ans o.fl.
Kórar og
skólar
MARGVÍSLEG STARFSEMI
Jón Sigurðsson fæddist á Hrafnseyri við Arnarfjörð 17. júní 1811. For-
eldrar hans voru Sigurður Jónsson, prestur þar, og kona hans, Þórdís
Jónsdóttir. Jón fór úr foreldrahúsum 18 ára gamall og stundaði nám
og störf í Reykjavík.
Rúmlega tvítugur hélt hann til Kaupmannahafnar þar sem hann
hóf nám við Kaupmannahafnarháskóla. Þar sinnti hann, samhliða
námi, ýmsum störfum og hugðarefnum, m.a. útgáfu Nýrra félagsrita.
Jón tók sæti á endurreistu Alþingi 1845 og sigldi þá til Íslands eft-
ir að hafa dvalið samfellt í 12 ár í Kaupmannahöfn. Hann var þing-
maður frá 1845-1879 og dvaldi þá á Íslandi meðan þing stóð, en á
þessum árum kom þing saman annað hvert ár og stóð í
sex vikur. Hann var frá upphafi forustumaður þingsins
og lengstum forseti þess meðan hans naut við. Jón var
lykilmaður í sjálfstæðisbaráttu Íslendinga og beitti sér í
henni hvort sem hann var staddur á Íslandi eða í Kaup-
mannahöfn. Jón var búsettur í Kaupmannahöfn allt frá
því að hann hélt þangað til náms 1833 og til dánar-
dags.
Brjóstmynd sem norski myndhöggvarinn Brynjulf
Larsen Bergslien gerði að frumkvæði vina Jóns Sig-
urðssonar í tilefni af sextugsafmæli Jóns. Brjóstmynd-
in úr marmara er í Alþingishúsinu en úr gifsi í Jónshúsi.
Óskabarn þjóðarinnar
JÓN SIGURÐSSON 1811-1879
Jónshús, Øster Voldgade 12.
Vefsíða: jonshus.dk
Sýning um Jón Sigurðsson er
opin þriðjudag til föstudags kl. 11-
17, laugardaga og sunnudaga kl.
10-16. Á öðrum tímum í samráði
við forstöðumann Jónshúss.