Morgunblaðið - 07.01.2016, Blaðsíða 36

36 DÆGRADVÖL
MORGUNBLAÐIÐ FIMMTUDAGUR 7. JANÚAR 2016
Skeifunni 3h ll Sími: 588 5080 ll dynjandi.is
Mannbroddar
-öryggisins vegna
Stjörnuspá
21. mars - 19. apríl 
Hrútur Þér finnst þú bara verða að kaupa
eitthvern ákveðinn hlut í dag og skalt bara
láta það eftir þér. Skiptu um umhverfi þar til
þú finnur flæðið sem þú ert vanur.
20. apríl - 20. maí 
Naut Nú er rétti tíminn til þess að gera vel
við sjálfan sig og næra líkama og sál.
Gleymdu því ekki að börn geta kennt okkur
ýmislegt um okkur sjálf.
21. maí - 20. júní 
Tvíburar Það er í lagi að eyða peningum í
það sem er brotið. Njóttu þeirra eins og til
stendur, því verður er verkamaður launa
sinna.
21. júní - 22. júlí 
Krabbi Það er ómanneskjulegt að gera stöð-
ugt þær kröfur til sjálfs sín að allt sé full-
komið því enginn er fullkominn, ekki einu
sinni þú. Menn eru svo fljótir að álykta.
Mundu það svo að ævintýrin gerast enn.
23. júlí - 22. ágúst 
Ljón Áform um sumarleyfi vekja áhuga hjá
þér. Leitaðu samt ekki langt yfir skammt því
svörin finnurðu hið innra með þér.
23. ágúst - 22. sept. 
Meyja Nú er komið að því að þú þarft að leita
til vina og vandamanna um aðstoð, ef þú ætl-
ar að koma hugðarefni þínu í endanlegan bú-
ing. Sýndu sveigjanleika gagnvart nýrri
tækni.
23. sept. - 22. okt. 
Vog Notaðu tímann til þess að annast sam-
eiginlegar eignir og annað sem þú deilir með
öðrum. Mundu að sjaldan veldur einn þá tveir
deila og að sættir byggjast á málamiðlun.
23. okt. - 21. nóv.
Sporðdreki Gerðu þitt til þess að gömul
vinabönd trosni ekki. Hentu einhverju gauð-
rifnu áður en klukkan slær tólf. Gerðu ráð fyr-
ir kraftaverki.
22. nóv. - 21. des.

Bogmaður Þú mátt ekki halda svo aftur af
þér að þér verði ekkert úr verki. Ekki gefa
neinum færi á að gagnrýna þig, sérstaklega
ekki sjálfum þér.
22. des. - 19. janúar 
Steingeit Þú þarft að líta málin raunsæjum
augum, þótt margt skemmtilegt geti borið
fyrir, þegar ævintýragleraugun eru sett upp.
Komdu öllu á hreint áður en þú heldur áfram.
20. jan. - 18. febr. 
Vatnsberi Bankastarfsmaður alheimsins
leggur pening inn á reikninginn þinn. Taktu
það alvarlega sem ykkur fer á milli því við-
komandi talar af áralangri reynslu og visku.
19. feb. - 20. mars

Fiskar Aflaðu þér upplýsinga um yfirmann-
inn eða fyrirtækið, þú færð stöðuhækkun
með því að sýna frumkvæði. Gættu þess bara
að stíga ekki á tærnar á neinum í leiðinni.
Karl í koti er einn þeirra semyrkja á fésbók. Eitt sinn orti
hann 17. júní:
Er ég kom í æskudalinn
eins og kjáni
einn mér þótti alveg galinn,
annar bjáni.
Lítið hefur hinsvegar frést af
karli síðustu misserin. Hann átti af-
mæli 6. janúar og fær hann ham-
ingjuóskir frá umsjónarmanni
Vísnahornsins. Á afmælisdaginn
fyrir ári fékk hann vísu frá Sigurði
Ingólfssyni:
Sem mér þykir sælt og ekki súrt í broti
að ennþá tóri Karl í Koti,
kyndugur og vel á floti.
Og kerlingin á Skólavörðuholt-
inu orti til karls í koti:
Hyggstu vera enn eitt árið
eins og draugur?
Greiddu á þér gráa hárið
gamli haugur.
Þá Skarphéðinn Ásbjörnsson:
Legið hefur lengi í roti,
langar nætur.
En núna virðist Karl í Koti,
kominn á fætur.
Á þriðjudag orti Sigmundur
Benediktsson „veðurvísu dagsins“ á
Leir:
Litadýrð um landið hleypti
ljósi stráði víðan geim,
brúnir skýja gulli greypti
glaðbeitt sól að baki þeim.
Davíð Hjálmar Haraldsson bætti
við:
Bítur Frosti. Búin jólin.
Baksar hrafn um loftsins veg.
Felst að baki fjalla sólin,
föl og kollindoðruleg.
Fía á Sandi tekur undir og segir:
Í skógi bláar skuggarendur
skelfur hélað strá.
Jólatré í stofu stendur
stjörnum slökkt er á.
Lág er sól og lítið skín
og lognið frekar svalt.
Ég á orðið ekkert vín
og inni er frekar kalt.
Sigmundur Benediktsson
skyggnist yfir sviðið:
Sopið til dreggja er glasanna gull
glerið er hélað í valnum.
Stjörnurnar huldar og Fía er full
og fullkomið myrkur í dalnum.
Magnús Ólafsson frá Sveins-
stöðum hefur um margt að hugsa á
þrettándanum:
Við mig ræða vitrir menn
virðast bíða þar í röðum.
Því þá nefnir enginn enn
að ég fari að Bessastöðum?
Halldór Blöndal
halldorblondal@simnet.is
Vísnahorn
Kerlingin, karl í koti og veðrið
Í klípu
ATVINNUVEIÐIN HÉLT ÁFRAM.
eftir Mike Baldwin eftir Jim Unger
„HERRA HENDRIK, HANN
SKRIFAÐI AÐRA ÁVÍSUN!“
Hermann
Ferdinand
Hrólfur hræðilegi
Grettir
... að finna fyrir ást.
GEISP! MÉRLEIÐIST OG ÉG ERSTOLTUR
AF ÞVÍ!
PABBI, HVERNIG VEISTU
HVORT ÞÚ SÉRT MEÐ
NÓG AF DÓTI?
ÞEGAR ÞAÐ ER
EKKERT EFTIR TIL
ÞESS AÐ TAKA!
Ansans!
Missti
aftur!!!
Árið 2015 er liðið í aldanna skaut,með sinni gleði og þraut. Vin-
sælt er að strengja áramótaheit á
slíkum tímamótum og er Víkverji
þar engin undantekning. Að þessu
sinni ákvað hann að taka á sínum
helsta lesti, sem er óhófleg neysla á
sælu- og svaladrykknum Kóka Kóla.
Víkverji gæti, ef Frú Víkverji hefði
ekki smá taumhald á honum, auð-
veldlega klárað tvo lítra af þeim
drykk á dag, og jafnvel þá beðið um
meira. Hann ákvað því að árið 2016
yrði ár kókbindindisins.
x x x
Þegar fíknin er komin á þetta stig,dugar lítt að taka hinn alræmda
„kalda kalkún“ á málið og hætta al-
veg. Slíkt myndi líklega enda með al-
gjörum ósköpum. Víkverji afréð því
að hann myndi byrja á því að skipta
yfir í Coke Zero eða Coke Light, eða
þá hreinlega fá sér Pepsi Max í stað
„ekta stöffsins“. Kostirnir við þá
ráðagerð er að á einu bretti hefur
Víkverji skorið niður sykurneyslu
sína margfalt, enda er í einni lítilli
hálfs lítra kók í gleri að finna um
þriðjung af ráðlögðum dagsskammti
af sykri.
x x x
Gallinn er hins vegar sá að þvert áþað sem stendur á flöskunum,
þá er ekki „alvöru bragð“ af þessum
drykkjum. Eða jú, bragðið er líklega
„alvöru“, en það líkist samt ekkert
fyrirmyndinni sem verið er að apa
eftir. Liggur við að Víkverji vilji
hreinlega taka sykurkar og tæma
það ofan í flöskuna þegar hann byrj-
ar að drekka þetta. Góðu fréttirnar
eru þær þá að hið „einstaka alvöru“
bragð letur Víkverja síðan frá því að
drekka of mikið af þessum
drykkjum.
x x x
Það hjálpar síðan lítið til að sumirvinnufélagar hans gera lítið ann-
að en að freista hans á hverjum degi.
„Fáðu þér eina kók, væni,“ segja
þeir. „Þú veist að þú vilt alvöru kók!“
Nú, þegar sjö dagar eru liðnir af
árinu horfir Víkverji á hina 359 daga
ársins (það er hlaupár) með nokkr-
um ótta. Hvernig í ósköpunum á
hann að geta enst út árið með þetta
áramótaheit sitt? Stundum er betur
heima setið. víkverji@mbl.is
Víkverji
Drottinn, öll mín þrá er þér kunn
og andvörp mín eru eigi hulin þér.
Sálmarnir 38:10