Morgunblaðið - Sunnudagur - 28.02.2016, Síða 52

52 MORGUNBLAÐIÐ SUNNUDAGUR 28.2. 2016
LESBÓK
KVIKMYNDIR Skapgerðarleikarinn geðþekki Ro-
bert Carlyle verður meðal gesta á bóka-
stefnunni í Edinborg eftir rúman mánuð,
þar sem hann mun gera grein fyrir því
hvaða áhrif karakterinn Francis Begbie,
sem hann lék svo eftirminnilega í kvik-
mynd Dannys Boyles, Trainspotting, fyrir
tuttugu árum, hefur haft á líf hans allar
götur síðan. Með Carlyle í för í Edinborg
verður höfundurinn sjálfur, Irvine Welsh,
sem mun einnig tala um áhrif Trainspott-
ing-gengisins á sitt líf. Eins og fram hef-
ur komið er nú unnið að gerð fram-
haldsmyndar með Carlyle og fleirum.
Talar um áhrif Begbies
Kvikmyndir Sænski leikstjórinn Jonas Åker-
lund mun leikstýra leikinni kvikmynd, Lords
of Chaos, sem fjalla mun um norsku svart-
málmssenuna fyrir um aldarfjórðungi.
Hermt er að miðpunktur myndarinnar verði
saga hljómsveitarinnar Mayhem sem er með
afbrigðum litrík. Allt byrjaði það þegar
söngvarinn, Dead, ákvað að rísa undir nafni
og fyrirfór sér árið 1991. Tveimur árum
seinna var sjálfhætt með sveitina þegar
bassaleikarinn, Varg Vikernes, myrti gítar-
leikarann, Euronymous. Eftir stóð trymbill-
inn einn, Hellhammer. Mayhem var síðar
endurvakin og starfar enn.
Mynd um norsku svartmálmssenuna
Mayhem-liðar meðan allt lék í lyndi.
Þessar nærbuxur tengjast efni frétt-
arinnar ekki með beinum hætti.
Engin mök!
FURÐUR Eigandi knæpu nokk-
urrar í Rochdale í Englandi hefur
fengið yfir sig nóg af fólki sem
leggur stund á kynmök í portinu
hjá henni. Steininn tók svo úr í vik-
unni þegar einhver ónafngreindur
reiðmaður vindanna hafði skilið
nærbuxurnar sínar eftir, stærð
XXXL. Eigandinn birti mynd af
brókinni á Snjáldrusíðu sinni og lof-
ar að birta næst myndskeið úr eftir-
litsmyndavélinni sjái knæpungar
ekki að sér.
FURÐUR Irene
Robinson varð á
dögunum fyrsta
konan til að leika á
sekkjapípu í öllum
heimsálfunum sjö.
Og hún er ekki
einu sinni skosk,
heldur ensk. Það
tók Robinson
fimmtíu daga að ljúka verkefninu
og meðal staða sem hún lék á má
nefna fangaklefa í Alcatraz í
Bandaríkjunum, við fætur frels-
arastyttunnar frægu í Rio de Ja-
neiro, Bondi-ströndina í Sydney og
ferðinni lauk á Rauða torginu í
Moskvu.
Sekkjapípu-
veisla
FURÐUR Kanadamaður nokkur,
sem smyglaði inn 38 skjaldbökum í
buxunum sínum frá Bandaríkj-
unum, hefur hlotið skilorðsbundinn
fangelsisdóm og verið bannað að
eiga skriðdýr af nokkru tagi næstu
tíu árin. Maðurinn var líka sekt-
aður og gert að skrifa bréf um
reynslu sína, sem yfirvöld áskilja
sér rétt til að birta opinberlega við
tækifæri.
Skjaldbökur eru merkileg kvikindi.
Skjaldbakaður
Barni ungs íslensks pars er ræntá erlendri grundu. Meira gefég ekki upp að svo stöddu,“
segir Baldvin Z kvikmyndaleikstjóri
stríðnislega og vísar til söguþráðar
sjónvarpsþáttaseríu sem hann er
með á teikniborðinu. Sjónvarp Sím-
ans hefur fest kaup á sýningarrétt-
inum og geta Baldvin og félagar því
farið að snúa sér að handritsskrifum
og frekari þróun hugmyndarinnar.
„Þessi sería hefur verið í hægri og
góðri þróun og nú þegar Síminn hef-
ur keypt hana af okkur getum við
farið að láta hendur standa fram úr
ermum. Það er alltaf stærsti áfang-
inn að tryggja að einhver vilji sýna
efnið. Við erum mjög ánægðir að
hafa eins öflugan aðila og Símann á
bak við okkur,“ segir Baldvin en fjár-
mögnun verkefnisins heldur eigi að
síður áfram.
Hann kynnti hugmyndina fyrst
síðasta haust og segir marga hafa
sýnt henni áhuga. „Við fengum
svakalega góðar undirtektir og gát-
um valið úr samstarfsaðilum sem er
mjög ánægjulegt.“
Hann notar orðið „spennudrama“
yfir þættina, sem hafa vinnuheitið
„The Trip“ en stefnt er að gerð
þrettán þátta. „Við þurfum að fara að
finna íslenskt nafn á þættina en þeir
verða gerðir á íslensku enda þótt er-
lend tungumál komi líka við sögu og
mögulega einhverjir erlendir leik-
arar,“ segir Baldvin.
Aðalhandritshöfundur verður
Andri Óttarsson, sem skrifaði síð-
ustu seríuna af Rétti, ásamt Þorleifi
Erni Arnarssyni, sem sýnd var á
Stöð 2 fyrr í vetur í leikstjórn Bald-
vins. „Það er svo merkilegt að þegar
ég fór að tala um mína hugmynd við
fólk var mér bent á að Andri væri
með svipaða hugmynd. Við töluðum
því saman og ákváðum að sameina
krafta okkar. Vel fer á því enda
gekk samstarfið mjög vel í Rétti.“
Mögulega koma fleiri höfundar að
handritsgerðinni.
Komi öll út á sama tíma
Hugmyndin er að serían komi öll út
á sama tíma, þannig að fólk geti
horft á hana í beit, eins og vinsælt er
í seinni tíð. Áhorfendur myndu þá
nálgast hana í Sjónvarpi Símans.
Það verður þó útfært betur síðar
enda eru tækniframfarir örar hvað
þetta varðar. Baldvin vonast til að
serían verði tilbúin eftir tvö til þrjú
ár.
Hann segir of snemmt að tala um
leikaraval en gerir ráð fyrir að leik-
stýra seríunni sjálfur, alltént stórum
hluta af henni. „Það má vel vera að
fleiri komi að því líka.“
Mikil gróska hefur verið í gerð ís-
lenskra sjónvarpsþátta undanfarið
og Baldvin segir vel mega tala um
að „íslenskt sjónvarpsvor“ sé upp
runnið. Auk þess að gera Rétt leik-
stýrði hann þremur þáttum af
Ófærð, sem Ríkissjónvarpið lauk ný-
verið við að sýna. Ófærð hefur þegar
verið seld til um þrjátíu landa og
Baldvin segir Rétt líka í útrás.
Gengið hafi verið til samstarfs við
öflugt dreifingarfyrirtæki, Red Ar-
row, og hófanna sé nú leitað á Norð-
urlöndum. Þýskalandi, Frakklandi
og víðar. „Réttur hefur fengið frá-
bærar viðtökur, unnið til verðlauna
á hátíðum erlendis og þátturinn er
tilnefndur til átta Edduverðlauna
hér heima.“
Hann segir þessa útrás íslensks
sjónvarpsefnis gríðarlega spenn-
andi. „Menn eru að uppgötva að
þetta er raunverulegur bisness og
það er mjög bjart framundan í
kvikmyndagerð og sjónvarpi á
Íslandi.“
Skjótt skipast veður í lofti en
þungt hljóð var í geiranum eft-
ir efnahagshrunið. „Hrunið
herti bara í okkur kvik-
myndagerðarmönnum.
Við spýttum bara í
lófana,“ segir Bald-
vin Z.
Baldvin Z. mun
leikstýra hinum
nýju þáttum.
Morgunblaðið/Ómar
Baldvin Z vinnur nú að
heimildarmynd um Reyni
Örn Leósson, Reyni sterka.
„Það er mögnuð saga sem
hefur fylgt mér í áratugi.
Myndin er langt komin og
verður frumsýnd á næsta
ári, jafnvel fyrr. Þetta er
það erfiðasta sem ég hef
gert á ferlinum.“
Á næsta ári stefnir hann
að tökum á kvikmynd sem
kölluð hefur verið Kon-
talgínbörnin og hann skrif-
aði sjálfur í félagi við Birgi
Örn Steinarsson sem skrif-
aði Vonarstræti með hon-
um.
Loks er í bígerð
barnamynd eftir bók
verðlaunahöfundarins
Gunnars Helgasonar,
Víti í Vestmanna-
eyjum. Fjármögnun á
þeirri mynd
stendur nú yfir.
Sitthvað í
pípunum
Andri
Óttarsson
Barni íslensks pars rænt
Sjónvarp Símans hefur tryggt sér sýningarréttinn á sjónvarpsþáttaseríu sem Baldvin Z leikstjóri og
fleiri eru með á teikniborðinu. Áætlað er að serían verði tilbúin til sýninga eftir tvö til þrjú ár.
Orri Páll Ormarsson orri@mbl.is