Morgunblaðið - Sunnudagur - 28.02.2016, Blaðsíða 50

LESBÓK
50 MORGUNBLAÐIÐ SUNNUDAGUR 28.2. 2016
Pierre Lemaître hefur vakiðmikla athygli fyrir bækur sín-ar um rannsóknarlögreglu-
manninn Camille Verhoeven og hér á
landi hefur bókin Alex, sem er önnur
bókin um lögreglumanninn sérlund-
aða, vakið í senn umtal, hroll og hrifn-
ingu. Lemaître var á ferð hér á landi
ekki alls fyrir löngu og gafst þá færi á
að spjalla við hann um Alex og skrifin
almennt.
Bókin um Alex – unga konu sem er
rænt af ókunnugum, fámálum fanti og
komið fyrir í búri – er krassandi og
um leið krefjandi lesning og um margt
ólík hefðbundnum spennusögum þar
sem rannsóknarlögreglumaður glímir
við flókna gátu. Munar þar ekki
minnst um að höfundur leikur sér að
því að gerbylta öllu sem lesandinn hef-
ur byggt skoðanir sínar og tilfinningar
gagnvart framvindu bókarinnar á og
það oftar en einu sinni. Bókin er bráð-
skemmtileg og hver sá sem kann að
meta listilega glæpafléttu verður ekki
svikinn af bókinni um Alex.
Enginn er spámaður í
eigin landi
Það liggur bráðvel á hr. Lemaître
þegar við komum okkur fyrir í setu-
stofu hótels í miðbænum. Þetta er
fyrsta heimsókn hans til Íslands og
hann hefur á orði hvað sér líki strax
vel við Reykjavík, sem honum þykir
róleg borg og fólkið í hæsta máta al-
mennilegt. Þá líkar honum ljómandi
vel að geta spjallað við blaðamann á
frönsku og hann fer fljótlega að tala
með miklum svipbrigðum og handa-
pati, eins og hressra Frakka er gjarn-
an háttur.
Til að mynda segir hann afar líf-
lega frá því að leið Alex til velgengni
hafi verið þveröfug við það sem
venjulega gerist; bók vekur athygli í
heimalandi höfundar og svo spyrst
hún út á erlendum vettvangi.
„Bókin vakti alls enga sérstaka at-
hygli heima fyrir fyrst í stað,“ segir
Lemaître og yppir öxlum með leik-
rænum tilburðum, „en svo sló hún í
gegn erlendis, bæði á Ítalíu, á Spáni,
og í Þýskalandi, og þá fóru Frakkar
að velta því fyrir sér hvort ef til vill
væri eitthvað í þessa bók varið. Og
svo fór að hún varð gríðarlega vinsæl
í Frakklandi sömuleiðis. Velgengni
mína heima í Frakklandi á ég því út-
löndum alfarið að þakka. Mjög skrýt-
ið, allt saman,“ segir hann og hlær
við. Nú sér hins vegar ekki fyrir end-
ann á velgengni þeirra Lemaître og
Alex því stórt kvikmyndaver í Holly-
wood hefur keypt réttinn til að færa
söguna á hvíta tjaldið og áhugi press-
unnar í Frakklandi hefur aukist að
sama skapi. „Þetta virkar allt saman
frekar barnalegt á mig, að hugsa sem
svo að fyrst Bandaríkjamenn hafi
áhuga þá hljóti þetta að vera athygli-
vert,“ segir hann og hristir hausinn
brosandi. „En ég hef grætt heilmikið
á þessum barnaskap.“
Hin sameiginlega ánægja
Haft hefur verið á orði að sumir kafl-
ar bókarinnar Alex séu hreinlega erf-
iðir að lesa, svo svakalegir séu þeir,
og Lemaître skilur það vel; það hafi
að sama skapi verið erfitt að skrifa
þá. „Alex er fjórða bókin sem ég
skrifa og sú fyrsta sem ég afréð að
láta ráðast af uppbyggingu en ekki
söguþræði.“ Þetta munu lesendur
bókarinnar skilja og óhætt er að
segja að höfundi takist býsna vel upp.
„Ég hugsaði með mér; hvað er það
sem fær lesendur til að fá áhuga á
glæpasögu? Ein af helstu ástæðunum
er sú að lesandinn samsamar sig með
sögupersónunum, lifir sig inn í að-
stæðurnar og finnur til með þeim sem
hrærast í bókinni. Það sem mér
fannst sérstaklega gaman með Alex
var að byggja upp sterk tilfinn-
ingatengsl lesandans við Alex, og
reyna svo að snúa þeim á haus. Ég
byggi upp traust lesandans og mis-
nota það svo,“ bætir hann við og hlær
dátt. „Og svo leik ég mér að því að
gera það aftur. Ég tel að þess vegna
séu glæpasögur svo vinsælar sem
raun ber vitni. Höfundurinn
skemmtir sér konunglega við að sjóða
saman óvænta fléttu og þegar vel
tekst til þá smitast það yfir í lest-
urinn. Þessari ánægju deila því höf-
undur og lesandi; að skrifa glæpa-
sögu og lesa hana, það felur sömu
gleðina í sér. Það var samt sem áður
ekki tóm gleði að skrifa bókina því ég
varð að setja mig í spor Alex og það
var langt í frá gaman. En ég er
ánægður með útkomuna og af-
skaplega þakklátur fyrir viðtök-
urnar.“
Krefjandi krimma-
skrif Lemaître
Franski rithöfundurinn Pierre Lemaître hefur unnið til fjölda verðlauna
fyrir bækur sínar og þá helst fyrir skáldsöguna Alex sem kom út
á íslensku á síðasta ári. Ný bók eftir Lemaître er væntanleg á vordögum.
Jón Agnar Ólason jonagnar@mbl.is
Höfundar bókarinnar Allra meina bót, sænsku
læknarnir Anders Hansen og Carl Johan Sund-
berg, hafa vakið mikla athygli fyrir þá staðhæf-
ingu að hreyfing sé mikilvægasta lyfið og lykill-
inn að löngu og heilbrigðu lífi felist í heilbrigðri
skynsemi en ekki kúrum eða skyndilausnum. Í
Allra meina bót segja þeir meðal annars að fólk
geti lengt lífið um tvær til fimm klukkustundir
fyrir hverja klukkustund sem það hreyfir sig og
þá aukist líka einbeiting og sköpunarhæfni.
Í bókinni kemur einnig fram að lotuþjálfun auki brennsluna, að mis-
munandi hreyfing hafi ólík áhrif á matarlystina og að jafnvel lítil
hreyfing gerir mikið gagn, bæði hvað varðar líkamlegt form og heilsu
- 30 mínútna hreyfing á dag að jafnaði lengi lífið um þrjú til fimm ár.
Vaka-Helgafell gefur bókina út, Hólmfríður K. Gunnarsdóttir
þýddi.
Allra meina bót
Norski tónlistarmaðurinn, myndlistarmaðurinn
og rithöfundurinn Frode Sander Øien hefur
sent frá sér fjölda leikrita og tvær skáldsögur.
Á síðasta ári skrifaði hann sinn fyrsta reyfara
undir listamannsheitinu Samuel Bjørk og sá
reyfari, Ég ferðast ein, kom út í vikulokin í ís-
lenskri þýðingu Ingibjargar Eyþórsdóttur.
Í bókinni, sem selst hefur metsölu víða um
heim, segir frá því er lík af ungri stúlku finnst
úti í skógi og eina vísbending lögreglunnar er
miði sem hangir um háls stúlkunnar þar sem
stendur: „Ég ferðast ein“. Rannsóknarlögreglumaðurinn Holger
Munch tekur málið að sér og leitar eftir aðstoð Miu Krüger, sem hefur
einangrað sig frá umheiminum.
Metsölureyfari Samuel Bjørk
Bandaríska blaðakonan og stjórnmálamaðurinn
Arianna Huffington stofnaði vefritið áhrifa-
mikla Huffington Post og er aðalritstjóri þess.
Hún hefur skrifað fjölda bóka um ýmis efni.
Þegar hún var á hátindi ferils síns fyrir nokkr-
um árum leið yfir hana á skrifstofu sinni og í
kjölfarið fór hún að velta því fyrir sér hvað
skipti máli í lífinu og skrifaði Þriðja miðið í
framhaldi af því.
Í bókinni ræðir hún það hvernig megi sam-
ræma frama og fjölskyldulíf og hvetur lesandann til að endurmeta
viðhorf sitt til velgengni. Hún boðar og nýja lífsýn sem byggist á vís-
indalegum niðurstöðum á sviði sálfræði, svefnrannsókna og lýðheilsu.
Arianna boðar nýja lífsýn
Ítalski rithöfundurinn Umberto
Eco var borinn til grafar í vikunni,
en hann lést föstudaginn 19. febr-
úar sl. Eco var 84 ára gamall og lést
eftir löng veikindi.
Eco var virtur og afkastamikill
fræðimaður, en sló í gegn 1980 með
metsölubókinni Nafn rósarinnar,
sem var skáldsaga.
Hann lagði pennann ekki á hill-
una fyrr en undir það síðasta því
sjöunda skáldsaga hans, Numero
zero, kom út á ítölsku og ensku á
síðasta ári og nýtt greinasafn hans
kemur út nú um helgina á Ítalíu.
Greinasafnið mun heita Papé
Satàn aleppe eftir fyrstu línu sjö-
unda þáttar Vítis, fyrsta hluta
Gleðileiksins guðdómlega eftir
Dante Alighieri, en hún hljóðar svo
á ítölsku, „Papé Satàn, papé Satàn
aleppe“. Hvað þessi orð þýða er
umdeilt og þau eru til að mynda
óþýdd í þýðingu Erlings E. Hall-
dórssonar á Gleðileiknum.
Í greinasafninu eru greinar sem
Eco skrifaði fyrir ítalska tímaritið
L’Espresso frá árinu 2000.
Hundruð manna fylgdu Umberto Eco til grafar í Mílanó á þriðjudag.
AFP
Umberto Eco látinn
MERKISMAÐUR
1. Notandi þarf að vera með fulla áskrift og
skráður á mbl.is
2. Það er gert á forsíðu mbl.is, efst í vinstra
horninu (Innskráning · nýskráning)
3. Þú færð Morgunblaðs-appið á App Store og
Play Store
4. Kennitala er skráð sem notandanafn
5. Lykilorð er það sama og á mbl.is
SVONA SKRÁIR ÞÚ ÞIG
Ef þú þarft frekari aðstoð hafðu þá samband
við okkur í síma 569 1100
VIÐBÓT FYRIR ÁSKRIFENDUR
v
Fáðu Moggann þinn hvar sem er og hvenær sem er
Nú fylgir Morgunblaðið í rafrænni útgáfu fyrir spjaldtölvur og snjallsíma
MOGGINN
ÁSKRIFENDUR ATHUGIÐ
*RAFRÆN ÚTGÁFA MORGUNBLAÐSINS, E-MOGGINN, FÆST BÆÐI FYRIR
IPAD OG ANDROID 2.2. OG NÝRRI ÚTGÁFUR.
**GILDIR FYRIR ÞÁ SEM ERU MEÐ FULLA ÁSKRIFT.
*
**