Morgunblaðið - Sunnudagur - 27.03.2016, Blaðsíða 25

til stuðnings á skemmtileg loftljós sem
hanga yfir langborði í miðjum veitinga-
salnum. „Þessi netakúluljós smíðaði Ólafur
Gunnar Sverrisson, Óli í Íshúsinu, og þegar
ég sá þau vissi ég undireins að við bara yrð-
um að fá þau hingað.“
Samlegðaráhrifin við Íshúsið sjást meðal
annars líka í fallegum og sérstæðum ker-
amik-kaffibollanum sem borinn er á borð
fyrir blaðamann því hann er eftir Hönnu
Grétu Pálsdóttur, einn leirlistamannanna
sem hafa aðsetur í Íshúsinu.
Þegar talið berst svo að eldhúsinu og
áherslunum þar segir Einar að þau reyni að
hafa réttina á matseðlinum eins árstíða-
bundinn og hægt er, ásamt því að ferskleik-
inn sé í fyrirrúmi.
„Við fáum allt kjöt og allan fisk hér innan-
lands og fiskur dagsins ræðst yfirleitt af því
hvað við fáum þann daginn hjá okkar ágæta
fisksala. Ef við yrðum spurð snemma dags
hver fiskurinn væri þann daginn þá myndum
við einfaldlega ekki vita það,“ segir Krist-
jana Þura og kímir við.
„Til að hafa hráefnið sem ferskast höfum
við tiltölulega einfaldan hádegismatseðil,“
útskýrir Einar. „Á honum er einn kjöt-
réttur, einn fiskréttur, súpa og salat. Kjöt-
réttirnir okkar eru oft hægeldaðir, jafnvel
yfir nóttina, og súpurnar eru oft maukaðar,
silkimjúkar og matarmiklar grænmetis-
súpur. En þessi fjögurra rétta matseðill er
mjög breytilegur frá degi til dags.“
Þegar hádegisverðargestir halda saddir
og sælir út í daginn á ný er eldhúsinu lokað,
um kl. 14:00, og svo opnað aftur kl. 17:30. Í
millitíðinni, frá 16:00 til 18:00, er svo „happy
hour“ á barnum.
„Við leggjum áherslu á að bjóða upp á
góðar og spennandi bjórtegundir, bæði á
krana og í flöskum, og einnig er áhersla lögð
á metnaðarfulla kokteila,“ segir Einar. „Þar
erum við með sígilda „standarda“ á borð við
Whiskey Sour í bland við frumsamda
drykki. Einn þeirra er sá nýjasti á listanum
okkar, kokteill sem heitir Brennivinur. Í
honum eru meðal annars brennivín, sítrónu-
bitter, sítróna og heimapikklaðar gúrkur úr
eldhúsinu okkar. Svo erum við einn örfárra
staða á höfuðborgarsvæðinu sem eru með
kokteil á krana!“
Á kvöldin er svo matseðill „à la carte“ og
líka hægt að fá þriggja rétta matseðil eða
fimm rétta upplifun, með víni eða án.
Allt að gerast í #220Hfj
Þau hjónin hafa orð á því hve mikil dýnamík
hefur skapast á síðustu mánuðum og miss-
erum við hafnarsvæðið. Bæði bæjaryfirvöld
og rekstraraðilar hreinlega iði í skinninu
eftir því að halda áfram með uppbygg-
inguna og virk umræða sé milli aðila um
framhaldið.
„Það er auðvelt að smitast af þessum
krafti því stemningin hér í Hafnarfirði er
svo mögnuð,“ segir Kristjana Þura. „Núorð-
ið merki ég myndirnar mínar sem ég tek í
firðinum á Instagram og annars staðar með
myllumerkinu #220Hfj til að sýna öllum að
hér sé allt að gerast. Framtíðin er björt hér
í Hafnarfirði.“
Þessi epli hafa verið bökuð í karamellu fyrir einn af vinsælustu eftirréttunum á
Von. Tilbúin eru eplin svo borin fram með heimagerðum heslihnetuís.
Einar og Kristjana Þura höfðu verið á höttunum eftir hentugu húsnæði til veitingareksturs um
nokkurra mánaða skeið þegar þau römbuðu á rýmið í Drafnarhúsinu, sem hýsir í dag Von.
27.3. 2016 MORGUNBLAÐIÐ SUNNUDAGUR 25
„Grafinn urriði að vestan er
einn af okkar uppáhaldsréttum.
Fiskurinn er grafinn vel og vand-
lega eða í kringum 12 klst. þann-
ig að áferð og bragð er
skemmtilegt; ögn saltur og
mjúkur en samt seigur undir
tönn. Eftir að búið er að grafa
fiskinn þá skolum við hann ekki
heldur sköfum bara einfaldlega
af honum fyrst gróflega og svo
aðra umferð betur og sköfum
allt salt af honum, okkur finnst
þessi tækni betri heldur en að
skola.“
GRAFINN URRIÐI
BORINN FRAM MEÐ RAUÐ-
RÓFU, HREÐKU, SÝRÐUM
AGÚRKUM OG RÚGBRAUÐI
Uppskrift miðast við 4 mann-
eskjur.
Graf fyrir fisk.
1 flak fiskur
150 g salt
150 g púðursykur
5 stk. stjörnuanís
10 stk. kardimommur
1 msk. kóríanderfræ
2 ágætar greinar fáfnisgras eða dill
20 stk. rósapipar
1 stk. börkur af appelsínu, rasp-
aður
1 stk. börkur af sítrónu, raspaður
Aðferð: Fræ og pipar sett í
blandara og unnið þar til fínt,
síðan allt hráefni sett saman í
skál og blandað.
Næst er sett vel af blöndunni
á fiskinn og látinn liggja í fati eða
bakka í kringum 12 klst. Inn á
kæli, við gröfum fiskinn með
roðinu en einnig er hægt að taka
roðið af en þá verður fiskurinn
aðeins stífari.
Meðlæti:
1 stk. meðalstór rauðrófa
½ agúrka
1/5 kínahreðka
½ rúgbrauð
Aðferð: Rauðrófuna bökum við
heila í 1 til 2 klst. Þar til meyr og
vinnum síðan í matvinnsluvél
með rauðrófudjús. Kryddað til
með salti.
Agúrkuna skerum við í skífur
og marinerum í skvettu af hvít-
vínsediki, kúmeni og smá sykri.
Hreðka skorin í þunnar skífur
og velt upp úr safanum sem
kemur af agúrkunni.
Rúgbrauð er rifið niður í rif-
járni og steikt upp úr smjöri þar
til stökkt.
Þegar rétturinn er borinn
fram er einstaklega gott að rífa
ferska piparrót yfir.
Grafinn
urriði
Húsnæðið hýsti forðum vélsmiðju er þjónustaði báta og skip sem lögðust við bryggju í Hafnarfjarð-
arhöfn. Þessari sögu er haldið á lofti með myndskreytingum í gluggum eins og hér má sjá.
Úrvalsbjórar frá Borg brugghúsi eru á krana en auk þess má fá kokteil beint af krana, merkilegt
nokk. Sígildir kokteilar í bland við frumsanda eru blandaðir fyrir gesti á barnum af kúnst.
Gin-
skellur
45 cl tanqueray-gin
30 cl sykursíróp
30 cl sítrónusafi
1/4 af stjörnuanís
Árstíðabundin jurt (nú hent-
ar t.d. garðablóðberg en í
sumar mætti prófa basilíku).
Örlítið af jurt sett í kok-
teilhristara og mulið
ásamt stjörnuanís.
Hinum hráefnunum
bætt við og allt hrist vel
ásamt klaka.
Því næst hellt í gegnum
fínt sigti yfir í kokteilglas.
Skreyting: Lauf af jurt-
inni.