Orð og tunga - 01.06.2012, Side 82

72
Orð og tunga
301-386). Þar er latneskum skýringum verkanna sleppt en allt íslenskt
efni endurtekið og skýrt frá hvaðan hvert orð og hver merking sem
getið er sé sótt. Sama á við um dæmin og orðasamböndin. Gerð
hefur verið grein fyrir heimildunum í inngangi ritstjóra (sjá hér að
ofan), hverri fyrir sig. Hér eru það flettiorðin í stafrófsröð sem mynda
inngang í heimildirnar. Orð sem ekki eru í SLR eru einnig hér merkt
með daggarði og orð sem einungis er þar að finna eru merkt með
stjörnu.
4.2 Stafrétt útgáfa „Glossarium priscæ linguæ
Danicæ, collectum a Magno Olai Jslando, Pastore
Lavfasiensi; Anno M. DC. XXXVI."
Handritið DG 55 er hér gefið út eins og það liggur fyrir (bls. 387-
468). Textanum er ekki skipt í dálka heldur eru fletturnar látnar ná
yfir síðuna. Flettiorðin og allt íslenskt og danskt efni er skáletrað en
latneskt efni prentað með beinu letri. Síður í handritinu eru gefnar
upp á spássíu. I stafköflunum G-S eru flest öll flettiorðin skráð á
sama hátt og í SLR, það er að segja fyrst með rúnaletir og síðan með
latnesku letri. Víða er íslenskt efni þýtt á dönsku. Athugasemdir og
leiðréttingar fylgja neðanmáls.
4.3 Orðalisti
Verkinu lýkur með skrá í þremur dálkum yfir íslensku orðin í Speci-
mcn Jexici Runici (bls. 469-492). Orðin eru færð í nútímabúning og
vísað er á blaðsíðu í SLR og í flettu eða flettur þar sem þau koma
fyrir. Einnig er orðflokkur orðsins gefinn upp. Mörg þeirra orða sem
eingöngu koma fyrir í DG 55 eru einnig í listanum en þó ekki öll.
Oljóst er hvað ræður: prýðilega (prijdilega) og sæng vantar en auðmaður
og auðmenni eru með.
5 Frágangur
Hér er að mörgu leyti um myndarlegt verk að ræða. Efnið er þó ekki