Skagfirðingabók - 01.01.2008, Page 131

ÞÓRÐUR HREÐA f KOLBEINSDAI
Þessi mynd er tekin frá þeim slóðum þar sem Össur á að hafa komið að Þórhalli. Hringur
er dreginn um Hreðuklett. Hvasshrýndu hólarnir fyrir neðan klettinn eru norðurbrún
Kambanna; md vera að þar geti að líta hinn eiginlega Skeggjahamar.
örnefnið Hreðuhóla sem eru vestan
megin árinnar.21 Slík örnefnamyndun
upp úr fornsagnaefni er vissulega
ekkert einsdæmi en þó sýnist ómaks-
ins vert að rýna nánar í þessi dæmi.
I sögunni er sagt að Þórði hafi
verið gefinn hestur er Sviðgrímur
hét; „við hann eru kenndir Svið-
grímshólar."22 Þessi skýring er eins
og hver önnur tröllasaga. Sagan minn-
ist ekkert á bæinn Sviðning sem stóð
skammt utan við hólana og var trú-
lega kominn í eigu Hólastóls á þeim
árum er sagan var rituð því hans er
getið í ráðsmannsreikningum stólsins
1388.23
Bæjarnafnið Sviðningur merkir
vafalaust að þar hafi skógur í önd-
verðu verið ruddur með eldi.24 Hól-
arnir eru í dag nefndir Sviðnings-
hólar og hafa að öllum líkindum
alltaf borið það heiti. Sviðningshólar
hafa trúlega orðið til við geysimikið
berghlaup eða framskrið úr fjallinu.25
Er að sjá sem öll framhlið hnjúksins
hafi hrunið niður og myndað stall í
21 Þessi örnefni hafa reyndar vakið athygli, sbr. þætti Svavars Sigmundssonar um íslenskt mál
22. janúar og 19. febrúar 2005 á vef Ornefnastofnunar: http://www.ornefni.is/b_im.php.
Skoðað 26. desember 2005.
22 íslenzk fornrit XIV, bls. 200.
23 íslenzkt fornbréfasafn III, Kaupmannahöfn, 1896, bls. 410.
24 Sbr. m.a. Orðsifjabók Ásgeirs Bl. Magnússonar.
25 Aðstæður virðast svolítið svipaðar Vatnsdalshólum en aðeins í smækkaðri mynd.
127