Fréttatíminn - 26.02.2016, Blaðsíða 46

31. ágúst 2015
Logi Pedro framleiðir lög Karó en samstarf
þeirra hófst þegar hann hreifst af framkomu
hennar á Söngkeppninni. „Mér þótti hún frá-
bær söngkona og fyndin manneskja. Ég var
beðinn um að gera lag fyrir busaball Mennta-
skólans í Reykjavík og setti skilyrðið að Karó
yrði að syngja lagið. Við frumfluttum lagið
Silhouette á busaballinu sem síðan hefur
fengið rúmar 70.000 spilanir á Spotify.“
30. janúar 2015
Karó hóf ferilinn daginn sem hún varð tvítug,
þegar hún sigraði í söngvakeppni Mennta-
skólans í Reykjavík. Það lýsir Karó einkar vel
að þegar salurinn söng afmælissönginn lofaði
hún öllum fríum bjór fyrir vikið. Í kjölfarið
hreif söngkonan alla þjóðina þegar hún birt-
ist á skjánum í Söngkeppni framhaldsskólana
og bar sigur úr býtum.
Á lambakjötið
Kryddin frá okkur
eru ómissandi
í eldhúsið hjá ykkur
Lambakrydd úr 1001 nótt
Villijurtir
Lamb Islandia
Grískt lambakrydd
Týpískt að ég klúðri þessu
Margt fer í gegnum hausinn á ungum tónlistarmanni á fyrstu tónleikum hans. Karó hefur sjaldan komið fram en
hélt sína fyrstu tónleika á Sónar um liðna helgi. Fréttatíminn fylgdist með ferli kvíða, gleði og spennufalls baksviðs.
Karó gekk í gegnum allan tilfinningaskalann
á sínum fyrstu tónleikum.
Svanhildur Gréta Kristjánsdóttir
svanhildur@frettatiminn.is
21. febrúar 2016 | 18.40
„Ég held þú ættir ekki að syngja meira fram
að gigginu,“ segir tónlistarmaðurinn Logi
Pedro við Karólínu Jóhannsdóttur á sviði
Norðurljósa í Hörpunni. Þau eru að ljúka
hljóðprufu og Karó þarf að hlífa röddinni
fyrir frumraun sína á tónleikum. Hún er
fyrsta atriði kvöldsins á tónlistarhátíðinni
Sónar í Hörpu.
19.00
„Ég er alger nýliði hérna, ég elti hina og sé
hvað gerist,“ segir Karó, aðspurð um hvað
taki við eftir hljóðprufuna en þá er klukku-
tími þar til hún stígur á stokk. „Það er týp-
ískt að prufan hafi gengið vel en svo klúðri
ég öllu á eftir.“ Karó heldur baksviðs í bún-
ingsherbergið sem hún deilir með hljóm-
sveitinni sinni og strákunum úr Sturlu Atlas.
19.20
Fyrir tónleikana á Sónar hefur tvíeykið
samið fimm ný lög en aðeins eitt þeirra,
Wolfbaby, er útgefið. Titill lagsins er
dreginn af niðrandi athugasemd um Karó
eftir Söngvakeppnina. „Það var gaur sem
spurði hvort ég hefði stolið augabrún-
unum af öðrum keppendum og kallaði mig
Wolfbaby,“ segir Karó hlæjandi. „Ég sagði
honum að f**** sér og skýrði lagið mitt
Wolfbaby. Það fjallar um að láta ekki svona
fólk og athugasemdir þess hafa áhrif á sig.
Ég læt fólk ekki vaða yfir mig.“
19.30
Það er umgangur um búningsherbergið
og er Sigbjartur Sturla Atlason, eða Sturla
Atlas eins og hann er kallaður, einn þeirra
sem forvitnast um hvernig Karó líði. „Ég
var geðveikt stressuð á leiðinni hingað en
líður betur eftir „sound-check“. Ég er samt
alveg stressuð, eða guð, ég veit það ekki.“
19.40
Á sama tíma og Karó kemur til með
að stíga á svið hefst Eurovision í sjón-
varpinu. „Mamma og pabbi hafa miklar
áhyggjur af þessum árekstri. Ég held
að Sónar og Eurovision sé þó ekki sami
markhópurinn.“ Logi tekur undir. „Þetta
er frekar snemma kvölds en í staðinn
fáum við Norðurljós, sem er gott svið.“
19.50
Stundin nálgast óðfluga og fer umboðs-
maður Karó, Egill Ástráðsson, yfir málin.
„Þú verður muna að þakka áhorfendum
fyrir komuna og ræða við salinn milli
laga.“ Það vefst fyrir Karó hvaða tungu-
mál hún eigi að tala á sviðinu. „Íslensku?
Ensku? Það meikar ekki sens að tala á
ensku? Ég tala bara á íslensku,“ ákveður
Karó tilbúin í slaginn. Allir óska öllum
góðs gengis og Logi segir nokkur orð
við hópinn sem er að fara á sviðið. „Við
ætlum fyrst og fremst að hafa gaman af
þessu. Þetta verður fjör.“ Karó dregur and-
ann djúpt, sýpur á vatni og stígur á svið.
20.00
Fátt er um manninn fyrstu mínúturnar,
enda fyrstu tónleikar kvöldsins. Karó er
sjálfsöryggið uppmálað og neglir hvert
lagið á eftir öðru. Hrjúf og sterk röddin er
dáleiðandi og æðruleysi Karó á sviðinu er
frískandi. Hún eyðir ekki púðri í að brosa
að óþörfu eða segja nákvæmlega réttu
hlutina, framkoman er laus við klisju og sal-
urinn hlær þegar hún talar ýmist ensku og
íslensku á víxl. Á skjá á bak við hana birtast
klassísk listaverk af konum í abstrakt formi
í takt við tónlistina. Þar á meðal mynd af
handalausu styttunni Venus frá Milo. Það
má greina feminískan blæ yfir framkom-
unni og að hér sé díva fædd.
20.45
Hljómsveitin tekur lokalagið Silhouette
sem salurinn þekkir og syngur með. Þegar
Karó stígur af sviðinu kalla fjölskylda og
vinir til hennar. Hamingjuóskir, faðmlög
og hrósin dynja á henni en Karó hyggst
koma sér aftur baksviðs að ná sér niður.
20.50
„Ég er í svo miklu spennufalli,“ segir
Karó á leið upp í búningsherbergi.
21.00
Allir sem við mætum hrósa Karó fyrir
framkomuna og Unnsteinn Manuel úr
Retro Stefson er meðal þeirra. „Ég hef
ekki séð aðra eins frumraun, þetta var
frábært.“ Karó er enn að átta sig á að-
stæðum. „Ég er mjög ánægð með þetta.
En nú þarf ég bjór.“
Mynd | Svanhildur Gréta
46 | fréttatíminn | Helgin 26. febrúar–28. febrúar 2016