Fréttatíminn - 26.02.2016, Blaðsíða 66

Mynd | Rut Viðskiptahundurinn
Warren Buffet.
Líf mitt sem hundur
Fréttatímahundurinn Buffett
Hundurinn Warren Buffett er
nefndur eftir helsta fjárfesti heims
og þykir að mörgu leyti svipa til
nafnans í lundarfari. Hann er enda
áhugamaður um atvinnumál alls
staðar og mætir til vinnu á hverj-
um degi með eigendum sínum.
Fréttatíminn er svo heppinn að
vinnustaður Buffetts er á hæð-
inni fyrir ofan skrifstofu blaðsins.
Buffett hefur heimsótt ritstjórn
þess nánast á hverjum degi síðan
Fréttatíminn flutti á Köllunar-
klettsveg. Í heimsóknunum vaktar
Buffet jafnan kaffistofuna og þykir
ekki verra ef eitthvað ætt fellur
þar af borðum. Hundurinn er ekki
svo kelinn, en varkár og íhugull og
gjarn á að vera í kringum fólk. Sér-
staklega virðist Buffett hændur að
ljósmyndaranum Rut og eltir hana
á röndum, hvert sem hún fer.
Buffet tók því vel að vera fenginn
í myndatöku hjá Rut, en fannst
ekki mikið til módelstarfanna
koma, að því er virtist. Buffett er
fyrst og fremst viðskiptahundur og
samdi um harðfiskbita að launum
fyrir störfin.
Fyrirtækið sem Buffett vaktaði
áður var á Seltjarnarnesi og ívið
minna, svo þetta er mikil stækkun
á heimi viðskiptamógúlshundsins.
| salka
Innflytjandinn
„Pabbi var bóndi á sumrin
og sölumaður á veturna, þá
seldi hann uppskeru sum-
arsins og líka mjólk og ost.
Hann seldi í þorpinu okkar,
Bamyam í Afganistan, en svo
ferðaðist hann um dalina í
kring til að selja mat og ég
fór stundum með honum.
Halla Harðardóttir
halla@frettatiminn.is
Það var mjög gott að alast upp á
þessum stað, þangað til stríðið
byrjaði,“ segir Atefeh Mohammadi
sem flúði til Íslands fyrir þremur
árum. „Við komum hingað frá Íran
árið 2012 en þangað flutti ég frá
Afganistan, þegar ég var átta ára,
til að flýja talíbanana.“
„Stríðið byrjaði í borginni og
það tók um tvö ár að ná til okkar í
sveitina. Ég man hvað allir, og sér-
staklega mamma, voru hræddir
á þessum tíma. Við flúðum til
Írans og það var í lagi fyrst en svo
þegar talíbanar náðu völdum í
Afganistan varð lífið fyrir afganska
flóttamenn í Íran mjög erfitt.
Við máttum til dæmis ekki fara í
skóla og ekki vera úti á ákveðnum
tímum. Afganskar konur gátu ekki
farið ferða sinna einar og ég var
alltaf hrædd úti á götu.“
„Ég var gift afgönskum manni
þegar ég var sextán ára. Við bjugg-
um í mjög afskekktri sveit í Íran
en hjónabandið endaði ekki vel.
Mamma mín var heppin því hún
ólst upp á þeim tíma þegar konur
voru jafnar körlum í Afganistan
en ég og dætur mínar vorum ekki
jafn heppnar.
Í Íran höfðu Afganar engin
mannréttindi. Ég sá einu sinni
ráðist á fjórtán ára afganska stelpu
úti á götu en enginn gerði neitt. Ef
ég hefði lent í einhverju hefði það
ekki borgað sig fyrir mig að fara
til lögreglunnar. Ég var stöðugt
með áhyggjur af dætrum mínum
og leið stöðugt illa yfir því að hafa
fætt þær í þennan heim en geta
ekki boðið þeim upp á framtíð. Ég
var mjög glöð þegar við komumst í
burtu með hjálp Unicef.“
„Við vissum ekkert hvar við
Hér eru svo sterkar konur
Atefeh Mohammadi flúði dalinn sinn í Afganistan
þegar hún var átta ára. Árið 2012 flúði hún til Ís-
lands frá Íran með dætur sínar þrjár.
Mynd | Hari
myndum lenda en heyrðum svo
að við værum á leiðinni á eyju
þar sem væri bjart í sex mánuði
og dimmt í hina sex mánuðina.
Við komum 25. október og ég var
hissa á því hversu hlýtt væri hér,
þrátt fyrir allt. Það hjálpaði okkur
mjög mikið hversu vel skóli dætra
minna tók á móti okkur. Þegar við
komum fyrst mætti miðjudóttir
mín með slæðu í Háteigsskóla og
þá fóru allir að sauma sér slæður í
saumatíma. Það fannst mér mjög
fallegt. Hér er gott fólk og svo
sterkar konur. Því betur sem ég
læri íslensku því betur skil ég fólk-
ið og því betur líður mér hérna.
Að horfa á dætur mínar dafna hér
veitir mér auðvitað mesta ham-
ingju.“
Fjölmiðlakonan Arianna Huff-
ington rankaði við sér árið 2007
í blóðpolli á skrifstofu sinni.
Líkami hennar hafði gjörsamlega
gefið sig eftir þrotlausa vinnu við
að koma Huffington Post á lagg-
irnar. Í kjölfarið hófst endurmat
Ariönnu á því hvað velgengni
raunverulega þýðir og bókin
Þriðja miðið, sem Salka forlag
gefur út í dag, fjallar um þá sjálfs-
skoðun. Í bókinni gerir Arianna
aðför að því sem hún telur vera
úreltan hugsunarhátt samfélags-
ins um hamingju og velgengni
með fókus á sálfræði, lýðheilsu og
núvitund og ræðir áskoranirnar
sem felast í því að samræma fjöl-
skyldu og frama. Fréttatíminn
fjallar í dag um kulnun í starfi,
örmögnun líkama og sálar sem
oftast er afleiðing yfirgengilegs
álags. Sjá bls.12.
Fjölmiðlakona vaknaði í blóðpolli
Arianna Huffington
stofnandi Huffing-
ton Post brann upp
af vinnuálagi.
66 | fréttatíminn | Helgin 26. febrúar–28. febrúar 2016