Fréttatíminn - 12.02.2016, Blaðsíða 24

Matarkvöld Samtaka kvenna
af erlendum uppruna er
leynd perla í matarhafsjó
bæjarins. Fréttatíminn kíkti
í afganska matarveislu þar
sem rétturinn manto var
stjarna hlaðborðsins, enda
réttur sem er gerður til að
skapa minningar.
Halla Harðardóttir
halla@frettatiminn.is
Það er óhætt að segja að matarveisl-
ur samtaka Kvenna af erlendum
uppruna á Íslandi séu leynd perla
í Reykjavík. Kvöldin byrjuðu smátt
þar sem nokkrar konur í samtökun-
um hittust og útbjuggu einn rétt frá
einhverju heimalandinu. Skipst var
á sögum milli þess sem maturinn
varð til í höndum kvennanna og
svo var setið fram eftir og kjaftað.
Hugmyndin að kvöldunum var, og
er enn, að þar gætu erlendar kon-
ur hitt íslenskar konur, skipst á
sögum og uppskriftum, styrkt hver
aðra, búið til tengslanet og æft sig
í íslensku. Eftir því sem konunum
fjölgaði varð flóknara að elda sam-
an og þegar maturinn var farinn að
verða tilbúinn rétt fyrir miðnætti
ákváðu skipuleggjendur að fram-
vegis yrði nýtt fyrirkomulag. Nú
hittist hópurinn tvisvar í mánuði og
borðar af hlaðborði þar sem allar
hafa lagt sitt af mörkum eða þá í
þemaveislu þar sem nokkrar kon-
ur sjá um að elda og kynna mat frá
einu landi og svo er greitt í sjóð sem
rennur til kokka kvöldsins. Allar
konur sem hafa áhuga á að kynnast
nýrri matarmenningu eru hjartan-
lega velkomnar en það er um að
gera að bóka sig með fyrirvara því
færri komast að en vilja.
Komu sem flóttamenn
Í síðustu viku sá Zahra Mesbah
um afganska matarveislu með
aðstoð systur sinnar, mömmu og
vinkonu þar sem þær reiddu fram
fjölda rétta sem tók þær tvo daga
að undirbúa. „Það er mikið um
lamb í afgönskum mat og við eldum
almennt mikið af lambi á Íslandi.
Svo höfum við alltaf hrísgrjón með
öllum mat og við hátíðleg tækifæri,
eins og í kvöld, sjóðum við þau upp
úr kraftinum af kjötinu og bætum
kryddi og þurrkuðum ávöxtum
út í. Þess vegna eru hrísgrjónin
svona dökk. Við notum mikið af
kóríander, hvítlauk og chili en
samt gerum við ekki of sterkan
mat. Mamma vill miklu sterkari
mat en við systurnar og býr til sína
eigin extra sterku chilisósu sem
hún borðar með öllum mat,“ segir
Zahra og hlær. Zahra er tuttugu
og tveggja ára nemi í ensku og ís-
lensku í Háskóla Íslands og hefur
búið á Íslandi í þrjú ár. „Við vorum
þrjár fjölskyldur sem komum
hingað saman fyrir þremur árum,
þrjár mæður með sjö börn sam-
tals, og við vorum fyrstu afgönsku
flóttamennirnir á Íslandi. Faðir
minn, sem var stjórnmálamaður
í Afganistan, var myrtur þegar ég
var tveggja ára og þá flúðum við
til Írans þar sem við bjuggum þar
til við fengum hæli hér í gegnum
Rauða krossinn.“
Zahra segist ekki hafa haft neinar
hugmyndir um Ísland áður en hún
kom en hún hlær innilega að sinni
fyrstu matarminningu. „Stuttu
eftir við komum var okkur boðið
upp á fiskisúpu í tungumálaskól-
anum. Fiskisúpu! Ég hafði aldrei
heyrt neitt jafn furðulegt, við
borðuðum ekki mikið af fiski í Íran
Vesturgötu 3B | 101 Reykjavík | Sími 551 2344 | www.tapas.is
RESTAURANT- BAR
7.590 kr.
Sjö rétta Valentínusarmatseðill
14. febrúar
Menú del amor
Hefst með Codorníu Cava í fordrykk
5 sérvaldir tapas réttir fylgja síðan í kjölfarið
• Beikonvafin hörpuskel og döðlur með sætri chillisósu
• Hvítlauksbakaðir humarhalar
• Nautalund í Borgunion sveppasósu
• Grilluð lambakóróna
• Lax með kolagrillaðri papriku og paprikusósu
Og í lokin tveir gómsætir eftirréttir ...
• Ekta súkkulaðiterta Tapas barsins
• Hvítsúkkulaði-skyrmousse með ástríðusósu
TAPASBARINN – HINN EINI SANNI Í 16 ÁR
Afgönsk matarveisla í hjarta Reykjavíkur
því fiskur er svo dýr en þegar við
fengum hann þá var hann eldaður í
ofni, ég hafði aldrei heyrt um fisk í
súpu. En mér fannst hún mjög góð,
bara óvenjuleg, og í dag er ég mjög
hrifin af fiskisúpu, sérstaklega með
rækjum og rjóma.“
Allir tóku þátt í gerð manto í Íran
Afgönsku konurnar sem hingað
komu saman halda vel hópinn og
segir Zahra mat skipta þær miklu
máli, með honum haldi þær í
hefðina og minningar um tíma
sem hafi glatast. Þær hittist við öll
hátíðleg tækifæri og þá sé alltaf
eldað manto, rétturinn sem þær
bera á borð í matarveislu kvöldsins.
Manto er gufusoðnar bollur með
kryddaðri lambakjötsfyllingu, líkar
dömplings, sem tekur heilan dag
að útbúa.
„Nafnið á réttinum þýðir „ég og
24 | fréttatíminn | Helgin 12. febrúar–14. febrúar 2016