Fréttatíminn - 12.02.2016, Blaðsíða 46

Unnið í samstarfi við
Íslensku hamborgara­
fabrikkuna
„Fabrikkusmáborgararnir hafa
notið mikilla vinsælda að undan­
förnu og vaxið hratt. Það gerðist
nú eiginlega óvart, eins og með
margt sem er gott. Við byrjuðum
að selja smáborgarana sem forrétt
á staðnum og þaðan fórum við
í að selja þá um borð í flugvélar.
Svo voru viðskiptavinir farnir að
kalla ansi sterkt eftir meiru svo við
fórum að selja þá fulleldaða, 30
saman á bakka,“ segir Jóhannes
Ásbjörnsson, betur þekktur sem Jói
á Fabrikkunni.
Auk þess að reka þrjá veitinga­
staði eru Jói og félagar með öfluga
veisluþjónustu hjá Hamborgarafa­
brikkunni. Fyrir stærri hópa er hægt
að panta Fabrikkugrillbílinn en fyrir
minni hópa eru smáborgararnir
tilvaldir.
„Að mörgu leyti er þetta alveg
fullkominn partímatur. Fabrikku­
smáborgararnir eru afhentir full­
eldaðir og í þannig bökkum að þú
þarft ekkert að gera, þú bara sækir
og skellir þeim á veisluborðið,“ segir
Jói. Hægt er að velja úr fjórum mis­
munandi tegundum af bökkum;
Fabrikkuborgara, Morthens, Stóra
Bó og Forseta. „Ef fólk vill bara
grænmeti þá notum við sveppi í
stað kjöts,“ segir Jói.
Hann segir að smáborgararnir hafi
fyrst slegið í gegn í fermingarveislum
í fyrra. „Krökkum á þessum aldri
finnst gaman að vera með skemmti­
legan mat. En svo hefur þetta líka
notið vinsælda við önnur tækifæri,
eins og með Eurovision eða bara
þegar fólk er að fara að horfa saman
á enska boltann. Það er nefnilega
magnað hvað þetta er einfalt, þú ferð
bara inn á vefsíðuna okkar og leggur
inn pöntun. Svo bíður þetta eftir þér
þegar þú vilt koma að sækja.“
Unnið í samstarfi
við Gala
Þegar mikið stendur til og veisla
er fram undan er fyrsta skrefið
að finna góðan sal sem hentar til­
efninu. Oft lendir fólk í vandræðum
með að finna sal þar sem ekki þarf
að kaupa veitingar með enda margir
sem vilja koma með sínar eigin.
Gala veislusalur er einn þeirra mögu­
leika sem í boði er fyrir þann hóp.
„Það eru margir salir sem eru leigðir
með veitingum en við höfum séð að
eftirspurn eftir sölum án veitinga er
mikil þar sem fólk vill gjarnan koma
með eigin veitingar eða fá veislu­
þjónustu sem það velur til að sjá um
veitingarnar,“ segir Karlotta Jóna
Finnsdóttir, umsjónarmaður Gala.
Salurinn tekur allt að 140 manns í
sæti og segir Karlotta þó fara vel um
þann fjölda í salnum.
Með salnum fylgir borðbúnaður
fyrir 140 manns og þar er allt til
alls til veisluhalds, nema dúkar.
Einnig er skjávarpi og hljóðkerfi á
staðnum. „Við teljum okkur veita
mjög góða þjónustu og komum til
móts við kúnnann. Ef salurinn er
ekki í leigu daginn áður þá hleypum
við honum inn til þess að hægt sé
að skreyta og undirbúa. Við erum
líka bara með eina veislu eða við­
burð á hverjum degi, hver og einn
hefur salinn í heilan dag og lengur
ef því er að skipta. Það eru margir
sem koma í annað og þriðja skipti
þannig að við erum að gera eitthvað
rétt,“ segir Karlotta. Salnum má líka
skipta í tvennt og er þá hægt að
hafa 50­60 manns í hálfum sal. Þá
er hann líka leigður fyrir ráðstefnur,
fundi og erfidrykkjur. Skilyrði fyrir
leigu á salnum er að manneskja á
vegum Gala vinni á þeim viðburði
sem salurinn er leigður undir. „Fólki
hefur fundist það mjög þægilegt,
þetta er hörkuduglegt fólk sem veit
alveg hvað það er að gera sem við
höfum á okkar snærum. Það þekkir
líka salinn og kann á allan útbúnað,“
segir Karlotta. Upplýsingar og pant­
anir á gala.is og í síma 580 6720.
Góð þjónusta
og allt til alls
Gala veislusalur er nýr og bjartur salur með næg
bílastæði á góðum stað.
Fullkominn partímatur
Í veisluþjónustu Hamborgarafabrikkunnar er hægt að fá smáborgara sem njóta mikilla vinsælda.
Jói á Hamborgarafabrikkunni segir að smá-
borgarar sem hann og Simmi bjóða upp á í
veisluþjónustu njóti mikilla vinsælda.
Ljósmynd | Hari
46 | fréttatíminn | HElGin 12. FEBrúAr–14. FEBrúAr 2016
Kynningar | Veislur AUGLÝSINGADEILD FRÉTTATÍMANSS. 531 33 00 | auglysingar@frettatiminn.is