Fréttatíminn - 12.02.2016, Blaðsíða 20

lóaboratoríum lóa hjálmtýsdóttir
Í Fréttatímanum er rakin ævi Sigurðar Hólm sem lést af sárum sínum á Litla-Hrauni fyrir bráðum fjórum árum.
Þessa dagana íhuga dómarar í
héraðsdómi Suðurlands rök fyrir
sekt eða sýknu Annþórs Karls-
sonar og Barkar Birgissonar, en
þeir voru ákærðir fyrir að hafa
orðið Sigurði að bana í klefa
hans á Hrauninu. Fréttatíminn
veltir ekki fyrir sér niðurstöðu
þess máls heldur rekur hvernig
líf Sigurðar raknaði upp og
breyttist í harmleik þegar hann
var aðeins barn að aldri.
Sigurður Hólm var kerfisbarn.
Þegar hann var fimm ára gamall
var hann tekinn af heimili sínu
vegna vanrækslu og andstyggi-
legs ofbeldis sem hann var beitt-
ur. Eftir það var hann alinn upp
af okkur öllum og var dreginn
í gegnum fjölmörg misgóð, eða
öllu heldur misvond, úrræði á
vegum opinberrar barnavernd-
ar. Saga barnsins Sigurðar og
síðar drengsins var mörkuð van-
rækslu og áhugaleysi okkar sem
bárum ábyrgð á honum.
Það er auðvelt að draga þá
ályktun af sögu barnsins að
Sigurður Hólm hafi aldrei átt
möguleika á eðlilegu lífi. En auð-
vitað er það ekki svo. Það eru
dæmi um börn sem hafa náð að
komast í gegnum svona kerfi og
barist síðar til venjulegs lífs. En
það gerist ekki fyrir tilstuðlan
kerfisins heldur þrátt fyrir það.
Sigurði Hólm tókst það ekki. Ef
til vill var hann ekki nógu sterk-
ur eða gáfaður, nógu klókur eða
einbeittur, en líkast til var helsta
ástæðan sú að hann var ekki
nógu heppinn. Fjölskyldan brást
honum og síðan við sem töldum
okkur vera að bjarga honum frá
þeim aðstæðum sem fjölskyldan
bjó honum.
Fjölskyldan brást Sigurði
vegna veikinda. Það má því orða
það svo að vanræksla okkar
gagnvart veikindum í fjölskyldu
Sigurðar hafi leitt til þess að fjöl-
skyldan leystist upp. Sú van-
ræksla hélt síðan áfram eftir að
opinberir aðilar tóku yfir uppeld-
ið á Sigurði. Harmurinn í sögu
Sigurðar byggir á getuleysi okkar
til að rétta þeim hjálparhönd
sem helst þurfa á henni að halda,
veiku fólki og fátæku, umkomu-
og varnarlausum börnum.
Í Fréttatímanum í dag er sýnt
fram á hvernig stjórnvöld hafa
sveigt þróun efnahagsmála að
þörfum miðaldra og eldra fólks,
fólki á aldri við þau sem líklegust
eru til að fara með völd og áhrif
í samfélaginu. Um leið og stjórn
efnahagsmála eru aðlöguð að
þörfum hinna eldri hafa stjórn-
völd sveigt frá hagsmunum
ungs fólks. Eins og fram kemur í
blaðinu er mikill munur á þróun
lífskjara hinna yngri og eldri
það sem af er þessari öld. Meðal
hinna yngri liggja allar línur
niður á við; tekjurnar, eignirnar,
stuðningurinn, atvinnuþátttak-
an. Á sama tíma liggja allar línur
upp á við meðal hinna eldri.
Auðvitað er mögulegt að
stjórn völd hafi ekki ætlað að feta
þessa slóð. Það má vel vera að
þau hafi gert þetta óvart og af
hugsunarleysi. Það má jafnvel sjá
fyrir sér að þetta sé einskonar
sjálfskaparvíti.
Þar sem stjórnvöld taka helst
mið af hagsmunum þeirra sem
fara með völdin hafa þau ekki
tekið eftir breytingum á lífs-
kjörum ungs fólks, ekki áttað
sig á að aðstæður þess eru í dag
allt aðrar en þær voru þegar
valdafólkið var sjálft ungt. Þegar
stjórnvöld vilja grípa til aðgerða
til að bæta lífskjör beita þau sér
fyrir breytingum sem helst bæta
kjör valdafólksins sjálfs og hefðu
mögulega bætt kjör ungs fólks
fyrir nokkrum áratugum en gera
það ekki í dag.
Skiljanlega hefur ungt fólk
misst trú á stjórnvöldum og
stjórnmálaflokkunum sem
standa að baki þeim. Ungt fólk
finnur það á eigin skinni að
þessi fyrirbrigði þjóna þeim ekki
heldur vinna gegn hagsmunum
ungs fólks.
Ungt fólk er ekki að yfirgefa
gömlu flokkanna vegna þess að
það hefur misst áhuga á stjórn-
málum eða samfélagsmálum.
Það hefur misst trú á gömlu
flokkunum vegna þess að það er
nógu mikið inn í samfélagsmál-
um til að sjá að flokkarnir vinna
gegn hagsmunum þeirra.
Gunnar Smári
Samfélagið
Sem bráSt
börnum
Köllunarklettsvegi 1, 104 Reykjavík. Sími: 531 3300. ritstjórn@frettatiminn.is
Útgefandi: Gunnar Smári Egilsson. ritstjórar: Gunnar Smári Egilsson og Þóra Tómasdóttir.
fréttastjóri: Þóra Kristín Ásgeirsdóttir. ritstjórnarfulltrúi: Höskuldur Daði Magnússon. framkvæmdastjóri og auglýsingastjóri:
Valdimar Birgisson. Fréttatíminn er gefinn út af Morgundegi ehf. og er prentaður í 83.000 eintökum í Landsprenti. Bíldshöfða 18 - 110 Reykjavík - sími: 557 9510 - www.patti.is
Opið virka daga kl. 10-18
laugard. 11-15
Torino
Bali
Havana
Basel
Nevada
Roma
Með nýrri AquaClean tækni
er nú hægt að hreinsa nánast
alla bletti aðeins með vatni!
Erfiðir blettir eins og eftir tómatsósu,
léttvín, kaffi, te, meira að segja kúlupenna,
nást á auðveldan hátt úr áklæðinu.
OG DRAUMASÓFINN ÞÍNN ER KLÁR
GERÐ (90 mismunandi útfærslur)
STÆRÐ (engin takmörk)
ÁKLÆÐI (yfir 3000 tegundir)
ÞÚ VELUR
ÍSLENSKIR
SÓFAR
SNIÐNIR AÐ ÞÍNUM ÞÖRFUM
MÁL OG ÁKLÆÐI
AÐ EIGIN VALI
20 | fréttatíminn | Helgin 12. febrúar–14. febrúar 2016