Fréttatíminn - 12.02.2016, Blaðsíða 42

Vinkonurnar Hrefna, Guðrún,
Björg og Sissa hafa verið perlu-
vinkonur í meira en 40 ár.
Salvör Gullbrá Þórarinsdóttir
salka@frettatiminn.is
Fjórar perluvinkonur á níræðis-
aldri hittast fjórum sinnum á ári
í saumaklúbb á Skaganum. Þær
Hrefna, Guðrún, Björg og Sissa eru á
aldrinum 82 til 86 ára og hafa verið
vinkonur síðan þær byrjuðu að
vinna saman sem sjúkraliðar upp úr
árinu 1968. Enn búa þær á Akranesi,
nema Sissa sem vílar þó ekki fyrir
sér að keyra í saumaklúbbinn frá
Reykjavík, þegar svo ber við.
„Við hittumst samt oft í viku, fyrir
utan saumaklúbbinn, hringjumst á
og svona. Maður kíkir kannski bara
óvænt við í kaffi, ég held það sé ekki
til siðs lengur. En við gerum það
enn,“ segir Björg. Vinkonurnar eru
klæddar í sitt fínasta púss og sitja að
spjalli með rauðvín þegar blaða-
maður mætir í klúbbinn. Það er
greinilegt að þeim líður vel saman
og klára setningar hver annarar af
alúð, þegar það á við, og eru dug-
legar að mæra hvor aðra.
Björg segir frá því hve góð Guð-
rún hafi verið að sauma, hún hafi
saumað árshátíðarkjól á sig á hverju
ári og er vinkonunum minnisstæður
kjóll úr bláu pallíettuefni. „Þú getur
fengið hann lánaðan þegar þú giftir
þig, Björg!“ segir Guðrún brosandi.
„Iss, ég myndi ekki passa í hann,“
svarar Björg hlæjandi. En nú býður
Hrefna upp á köku og kaffi, svo við
færum okkur úr betri stofunni.
„Hrefna málaði bollastellið sjálf,
hún er svo mikil listakona,“ bendir
Guðrún á þegar við setjumst við
borðið.
Allar eru þær sammála um að
nauðsynlegt sé að eiga góðar vin-
konur í gegnum lífið. Lykillinn að
vináttu þeirra sé að þær hafi hlúð að
hver annarri með ást og stutt hver
aðra á hvaða stigum lífsins sem er.
„Mannkærleikur og ást, er lykill-
inn,“ segir Guðrún.
Mikið er til af vönduðum íslenskum
bloggum sem eiga það til að týnast
í okkar vanabundna nethring. Þar
má finna mikla sérfræðiþekkingu
þar sem kafað er dýpra í málefni
sem höfundar hafa lagt fyrir sig.
nordurskautid.is
Um: Íslenska sprotaumhverfið.
Hver: Kristinn Árni Lár Hróbjarts-
son, agile-þjálfi hjá QuizUp.
Hvers vegna: skortur á
umfjöllun um íslenska
sprotaumhverfið
annað en stöku
fréttatilkynningar
og viðtöl. Okkar
þekking liggur helst
í hugbúnaði og við
reynum að fjalla um
hana á uppbyggilegan
og gagnrýninn hátt.
DrifKraftUr: við viljum leggja
okkar af mörkum að hjálpa tækni-
og sprotasenunni að vaxa og
dafna með því að gefa henni vett-
vang. einnig er þetta er góð leið
til þess að kynnast skemmtilegu
og kláru fólki í bransanum.
gudrunsvava.
wordpress.com
Um: Líkamsbeitingu, hreyfingu og
heilbrigði líkamans.
Hver: guðrún svava Kristinsdótt-
ir, „movement“ kennari.
Hvers vegna: Koma á framfæri
hugsunum um líkamsbeitingu út
frá vísindalegum sönnuðum stað-
reyndum um líkamann. Það eru
margar nýstárlegar hugmyndir á
lofti en ég horfi til þess hvernig
líkaminn starfar best út frá ana-
tómíunni.
DrifKraftUr: Ég er kennari og
hef gaman af því að koma efni frá
mér á skemmtilegan hátt sem allir
geta nýtt sér. Það eiga allir líkama
og fólk er mis meðvitað um hvern-
ig það á að beita honum.
gudmkri.is
Um: skipulagsmál, í reykvísku
samhengi.
Hver: guðmundur Kristján Jóns-
son, framkvæmdastjóri Borgar-
brags ehf.
Hvers vegna: Það eru fá mál-
efni sem snerta þjóðina jafn mikið
og skipulagsmál á höfuðborgar-
svæðinu. Það er lítið skrifað um
málaflokkinn á aðgengilegan hátt.
Ég vil leggja mitt af mörkum til að
breyta því.
DrifKraftUr: trú á reykjavík
og ástríðu fyrir að byggja hér upp
öflugt og alþjóðlegt borgarsam-
félag. Ég lærði borgarskipulags-
fræði í Kanada og ætlaði mér að
setjast að í toronto. Ég kynnt-
ist hinsvegar nýju aðalskipulagi
reykjavíkur árið 2013 og ákvað
í kjölfarið að veðja á reykjavík.
samkeppnishæfni landa stendur
og fellur með styrk-
leika borgarsam-
félaganna og
við þurfum að
styrkja okkar
einu borg eins
hratt og örugg-
lega og kostur er.
| sgk
Áslaug Hauks-
dóttir ljós-
móðir
„Ég hef haft
marga góða
kennara
gegnum
tíðina en sá
kennari sem
ég held að hafi
haft mest áhrif
á mig var Guðrún
Pálína Helgadóttir, íslenskukennari
í Kvennaskólanum í Reykjavík. Hún
var sterkur persónuleiki, ströng en
samt mjög hlý. Það þýddi ekkert
að reyna að svíkjast um heima-
vinnuna fyrir tíma hjá henni. Ég
hitti Guðrúnu eftir að ég hóf nám
og störf í ljósmóðurfræði, mörg-
um árum eftir að ég lauk námi í
Kvennó. Þá kom í ljós að hún vissi
ótrúlega mikið um gamla nemend-
ur sína og hvernig þeir spjöruðu
sig í lífsins ólgusjó. Guðrún lauk
kennaraprófi, B.A. í íslensku, ensku
og heimspeki og doktorsprófi frá
Sommerville College í Oxford. Á
ferli sínum kenndi Guðrún víða og
varð ein fyrsta konan sem skipuð
var skólastjóri hér á landi. Hún
átti þátt í vali á efni í Sýnisbók ís-
lenskra bókmennta. Hún stund-
aði rannsóknir og gaf út fræðirit,
skáldverk kvenna frá tíð sem lítill
gaumur hafði verið gefinn og kom
út í tveimur bindum undir heitinu
Skáldkonur fyrri alda. Doktors-
ritgerð hennar fjallaði um Hrafns
sögu Sveinbjarnarsonar. Voru
henni hugleiknar lækningar sem
fram komu í sögunni og þáttur
kvenna í lækningum fyrri alda.“
Sigríður Björk
Bragadóttir
ritstjóri
Gestgjafans
„Sá kennari
sem kemur
fyrst upp í
hugann er
Halldóra Frið-
riksdóttir sem
kenndi mér í 9.
bekk í Hlíðaskóla. Hún
var þennan vetur að kenna sitt síð-
asta starfsár en hún var orðin 66
ára og hafði átt farsælan feril sem
kennari, var virt og dáð af öllum
sem kynntust henni. Halldóra var
kennari af guðs náð og stjórnaði
með blíðunni einni saman og það
virkaði bara vel. Hún ólst upp í
sveit og starfaði þar sem kennari,
kom að norðan og elskaði gömlu
skólaljóðin sem var eitt af því sem
við í 9 ára bekk áttum að læra,
Ísland ögrum skorið, Ég vil elska
mitt land, Sumarkveðja og fleira.
Hún kenndi okkur ljóðin með því
að láta okkur syngja þau á hverj-
um degi. Á þessum aldri er maður
eins og svampur og allt fer í lang-
tímaminnið. Ég bý enn að því að
hafa lært að syngja þessi ljóð. Hún
var fyrirmynd og á þessum árum
var ég ákveðin í að verða kennari.
Það rjátlaðist þó af mér næstu ár,
áhuginn á matreiðslu varð yfir-
sterkari.“
Hallgerður
Hallgríms-
dóttir
myndlistar-
maður
„Slæmir
kennarar
hafa frekar
haft áhrif á
mig fyrir lífstíð
en hinir. Þeir
góðu lögðu vissu-
lega margt gott í púkk en enginn
einn hafði sérstaklega djúpstæð
áhrif. Það er hrikalegt að átta sig
á því, en stundum eru neikvæðu
upplifanirnar bara sterkari. Auk
þess held ég að góðu kennararnir
hafi oftast verið of uppteknir við
að verjast stólum sem var verið
að kasta í þá eða fá alla til að slefa
yfir 5.
Svo breytist allt þegar maður
fer í háskóla og þá er það undir
manni sjálfum komið hvort ein-
hver sé góður eða slæmur kennari
og mestu skiptir að nýta það frá
hverjum og einum sem passar
manni best. Annars held ég að
mamma, pabbi og samnemendur
mínir hafi kennt mer langmest.“
Sindri Snorra-
son nemi
„Ég hef átt
nokkra góða
kennara. Sá
áhrifamesti
er ábyggi-
lega hún
Hrefna Birna
Björnsdóttir
í Vesturbæjar-
skóla. Hún var svo
persónulegur kennari. Ég náði að
tengjast henni svo vel og við urð-
um miklir vinir og höfum spjallað
saman í seinni tíð. Á þessum tíma
voru svolítið erfiðir tímar hjá mér
og ég hafði flakkað svolítið mikið
á milli staða. Hún var svo góð að
fá mig til þess að beina huganum
frá því og fylgjast með í skólanum.
Hún tók mig að sér og náði mér vel
og var mjög skilningsrík á aðstæð-
ur mínar. Ég var í raun aktífur
námsmaður á meðan ég var í skól-
anum en átti erfitt með að læra
heima. Hún átti stóran þátt í því að
fá mig til að vilja taka þátt í tímum.
Ég fann fyrir miklu öryggi og
þægindum að vera með hana sem
kennara. Mér fannst hún ekki bara
segja okkur að læra heldur gaf hún
sér tíma til að kynnast krökkunum
og hlusta á þá.“
3
Sérfróðir
bloggarar
Hvaða kennari kenndi þér mest?
Saumaklúbburinn
Mikilvægt að hlúa að vináttunni
Mynd | Salka Þær Hrefna Ragnarsdóttir, Guðrún Daníelsdóttir, Björg
Júlíe Hoe Hermannsdóttir, Sigríður Jónsdóttir (Sissa)
hafa verið vinkonur áratugum saman.
42 | fréttatíminn | Helgin 12. febrúar–14. febrúar 2016