Tímarit Hjúkrunarfélags Íslands - 01.12.1976, Síða 6

Fulltrúafundur SSN 1976
Hinn árlegi fulltmafundur Samvinnu norrænna hjúkrunar-
fræðinga fór að þessu sinni fram á fjallahótelinu Sander-
stölen í Noregi dagana 21.—24. september sl. Höfuðvið-
fangsefni fundarins var „Málefni aldraðra“ en einnig var
fjallað um og gerðar samþykktir er varða frjálsan vinnu-
markað hjúkrunarfræðinga innan Efnahagsbandalags-
landanna og tillögur til alþjóðlegrar reglugerðar varðandi
störf og kjör hjúkrunarstarfsliðs, sem verið er að vinna
að á vegum Alþjóðavinnumálastofnunarinnar (ILO).
Samtökin hafa innan vébanda sinna
yfir 108 þús. félaga. Kjörnir fulltrú-
ar voru 37, en í heild sátu fundinn 72
þátttakendur, frá öllum aðildarfélög-
unum. Fulltrúar af Islands hálfu
voru: Ingibjörg Helgadóttir, form.
HFI, María Pétursdóttir, skólastjóri
Nýja hjúkrunarskólans, fulltrúi HFI
í stjórn SSN, Gunnhildur SigurSar-
dóttir, hjúkrunarforstjóri Elli- og
hjúkrunarheimilisins Sólvangs í
Hafnarfirði, Nanna Jónasdóttir,
deildarstj. Kleppsspítalanum, Rann-
veig Þórólfsdóttir, hjúkrunarforstj.
Dvalarheimilis aldraðra sjómanna.
Hjúkrunarnemarnir Guðrún Karls-
dóttir og Olína Guðmundsdóttir,
ásamt Ingibjörgu Arnadóttur frá
Tímariti HFI, voru áheyrnarfulltrú-
ar með tillögurétti.
Eli Kristiansen, formaður norska
hjúkrunarfélagsins, bauð þátttakend-
ur velkomna til Noregs og kvað það
eðlilegt, þar sem Noregur væri mjög
hálent land, að fundinum skyldi val-
inn staður á fjallahóteli í 850 m hæð.
Þarna ríkti kyrrð og friður, ásamt
náttúrufegurð sem orð fá vart lýst.
Toini Nousiainen, formaður SSN,
setti fundinn og sagði m. a.: „Minn-
ingarnar frá Islandsferðinni sl. ár
hlýja okkur enn þann dag í dag.“
Toini skýrði frá því að þær Britta
Jonson og Gunborg Strid, sem báðar
hafa starfað hjá SSN um árabil,
mundu láta af störfum á næsta ári og
að ekki hefði verið ráðinn starfs-
kraftur enn sem komið er í þeirra
stað. Ennfremur skýrði formaður
SSN frá, að fyrir dyrum stæði að
flytja skrifstofu SSN og aðsetur frá
Stokkhólmi. Ekki er ákveðið hvert,
en Kaupmannahöfn eða Oslo heyrð-
ust nefndar. Um þetta mun stjórn
SSN fjalla á fundi sínum í desember
þetta ár. Toini minntist einnig á nor-
rænan fund um menntunarmál er
fram fer á næstkomandi ári.
Kjell-Henrik Henriksen frá Noregi
var tilnefndur fundarstjóri.
Hópumræður
Til undirbúnings hópumræðna varð-
andi málefni aldraðra flutti Ruth-
Turid Pettersen frá Noregi athyglis-
verðan fyrirlestur er hún nefndi
„Eldres situasjon i dagens samfunn“.
M. a. tók Ruth nokkur athyglisverð
dæmi úr daglegu lífi aldraðra, sem
sýndu glögglega fram á þá röngu
meðhöndlun sem við bjóðum þeim
upp á, oft á tíðum einungis vegna
þess að aldur viðkomandi er hár, en
ekki nægjanlegt tillit tekið til andlegs
atgervis.
Dæmi frá móttöku öldungs á
sjúkrahús:
Hjúkrunarfræðingur: Jæja, góði,
manst þú hvenær þú ert fæddur?
Oldungur: Nei - því miður - ég
var víst alltof lítill þegar það skeði.
Ruth-Turid Pettersen varpaði
einnig fram fjölda spurninga til
hjúkrunarfræðinganna, er vöktu
fólk mjög til umhugsunar. Ruth kvað
það staðreynd að 40% aldraðra í
Noregi væru vistaðir á röngum stöð-
um. Frekari upplýsingar um fyrir-
lestur Ruth-Turid Pettersen má finna
á skrifstofu HFÍ, en þar liggur ein-
tak frammi til afnota fyrir þá sem
þess óska.
Síðan var unnið í 6 hópum með
það að markmiði að leitast við að
greina þarfir aldraðra og finna leið-
ir til þess að koma til móts við þær.
Hópur 1 hafði sj álfsákvörðunar-
rétt að umræðuefni og hvernig þessi
ákvörðunarréttur kemur í ljós hjá
öldruðum. I hve ríkum mæli gætir
132
TÍMARIT IIJÚKRUNARFÉLAGS ÍSLANDS