Tímarit Hjúkrunarfélags Íslands - 01.12.1976, Síða 46

Ritkynning
Ritstjórn tímaritsins vill vekja athygli hjúkrunarfræS-
inga á eftirtöldum bókum:
Líf viðdauðans dyr
Höfundur bókarinnar Jakob Jónsson, dr. theol., setur
upp myndir frá kynnum sínum af veikindum
og dauða, sorg og huggun. í formála bókarinnar
segir höfundur m.a.:
„Þegar ég tók að hugleiða, hvernig þessi bók skyldi úr
garði gerð, fannst mér, að um tvær leiðir
væri að ræða. Fyrri möguleikinn var sá, að hafa
útfærslu efnisins miklu lengri og ýtarlegri, og
byggja hana á víðtækri vísindalegri rannsókn.
Hinn kosturinn var, að skrifa kaflana með
svipuðum hætti og ég hefi stundum skrifað blaðagreinar
um persónuleg vandamál, sem ég hefi
kynnst í sálgæslustarfi.
Atvik og tilsvör eru tekin úr daglegu lífi.
Ég skal játa, að í litlu þjóðfélagi er erfiðara að nota
dæmi heldur en meðal milljónaþjóða.
Hjá stórþjóðunum er bæði prestum og læknum óhætt
að segja fullum fetum frá sönnum atvikum,
án þess lesendur fari að giska á, við hverja átt er.
Þess vegna hefi ég vikið við frásögninni þannig, að
ekki sé unnt að heimfæra dæmin upp á sérstakt
fólk. Mörg þeirra geta í rauninni átt við fjölda
einstaklinga.“
Utgefandi er Skuggsjá.
Forlagsverð bókarinnar er kr. 2.500.-
Skyndihjálp
Samkvæmt samkomulagi Almannavarna ríkisins
og Rauða Kross Islands, var Rauða Krossinum falið
að hafa forgöngu um skyndihjálparfræðslu
og samræmingu námskerfa.
Með vísun til þess staðfesta Almannavarnir ríkisins
þetta nýja fræðslurit og óska fyrir sitt leyti,
að það verði notað sem grunnþjálfun í skyndihjálp
fyrir hjörgunar- og öryggisaðila í landinu.
Fyrir sjö árum gaf Rauði Kross íslands út
kennslukerfi í skyndihjálp í samvinnu við fleiri aðila.
Hefur það verið notað síðan um land allt og
þúsundir manna lært skyndihjálp samkvæmt því.
Síðan hefur verið fylgst með framförum á
sviði skyndihjálparkennslu i grannlöndunum. Var fyrir
alllöngu ákveðið að taka upp kerfi, sem um árabil
hefur verið unnið að í Danmörku, og birtist
hluti þess nú í fyrsta sinn á íslensku.
Höfundurinn, dr. Uffe Kirk, og danski Rauði Krossinn,
hafa gefið Rauða Krossi Islands einkarétt
á útgáfu kennslukerfisins á íslensku.
í bókinni er lögð sérstök áhersla á, að hjálparaðilar
séu með tvær hendur tómar og kennt að vinna
samkvæmt því. Einnig kemur fram nýjung
í meðferð á losti.
Bókin er fáanleg á námskeiðum Rauða Krossins
og kostar kr. 300,-
Könnun á tóbaksneyslu íslendinga
árin 1960-1975.
Rit á vegum landlæknisembættisins er fjallar um
tóbaksneyslu Islendinga. I formála þess segir m.a.:
„Tóbaksneysla, aðallega sígarettureykingar, er álitin
ein aðalorsök lijarta-, æða og lungnasjúkdóma
meðal þróaðri þjóða. íslendingar hafa reynt að draga
úr tóbaksneyslu meðal annars með því að
lögleiða einna fyrstir þjóða nær algjört bann við
tóbaksauglýsingum frá 1. janúar 1972. Nefnd á vegum
ríkisins og aðrir hafa rekið allvíðtækan áróður
gegn reykingum.
Niðurstöður þessarar skýrslu sýna, að
tóbaksneysla hefur aukist jafnt og þétt þrátt fyrir
umræddar aðgerðir, og er það ærið íhugunarefni.
Kostnaður við rit þetta er að mestu greiddur af fé
samstarfsnefndar um reykingavarnir.
Það er fáanlegt á skrifstofu landlæknis.
168
TÍMARIT HJÚKRUNARFÉLAGS ÍSLANDS