Tímarit hjúkrunarfræðinga - 01.06.1997, Blaðsíða 18

Rannsóknarstofnun
í hjúkrunarfræði
Rannsóknarstofnun í hjúkrunarfræði var opnuð
þann 7. maí í Eirbergi, Eiríksgötu 34 og var hoð-
ið til fagnaðar af því tilefni. Rannsóknarstofnunin
verður til húsa á annarri hæð í Eirbergi. Fyrstu
stjórn stofnunarinnar skipa dr. Marga Thome,
formaður, dr. Helga Jónsdóttir, varaformaður, dr.
Auðna Ágústsdóttir og Ásta Thoroddsen. Sérlegur
gestur við opnunarhátíðina var dr. Ivo Abraham,
prófessor við University of Virginia í Bandaríkjunum
og einnig við kaþólska háskólann í Leuven í Belgíu.
Kristín Björnsdóttir, formaður námsbrautar í
hjúkrunarfræði, hauð gesti velkomna og rakti 20 ára
þróun námsbrautar í hjúkrunarfræði. Með tilkomu
rannsóknarstofnunarinnar hefur verið stigið nýtt
skref þar sem rannsóknarstörf í hjúkrun verða veiga-
meiri en verið hefur.
I erindi Mörgu Thome kom fram að megintilgang-
urinn með stofnuninni sé fólginn í eflingu rannsókna
kennara námsbrautarinnar og þar með að renna
styrkari stoðum undir fræðimennsku í hjúkrun á
Islandi. Áformað er að hefja rannsóknartengt fram-
haldsnám í hjúkrunarfræði haustið 1998 og mun
stofnunin gegna mikilvægu hlutverki í því sambandi.
Sömuleiðis kemur í hlut stofnunarinnar að þjóna
heilbrigðisstofnunum á landinu með því að skipu-
leggja og framkvæma rannsóknir á hinum ýmsu svið-
um hjúkrunar.
Prófessor Ivo Abraham minnti í ræðu sinni á að í
hjúkrun væru rannsóknir ennþá nýlunda, þar sem
flest ætti eftir að uppgötva. Einnig gerði hann ljóst
mikilvægi þess að rannsóknir í hjúkrun séu al-
þjóðlegar. Hann er belgískur ríkisborgari, sem hefur
reynslu í hjúkrunarrannsóknum bæði í heimalandi
sínu og í Bandaríkjunum. Sérsvið hans eru rann-
sóknir á sjúklingum með Alzheimer-sjúkdóm, sem
engin lækning er til fyrir, en þurfa yfirleitt mikla
hjúkrun. Hann hefur þróað nýtt skipulagsform
hjúkrunar, sem er þekkt sem „kjörstjórn“ eða „um-
sjónarhjúkrun“ á íslensku og felst í því að „klæð-
skerasauma“ þjónustuna næstum því miðað við sjúk-
dómsástand og fjölsylduaðstæður. I vinnusmiðju, sem
hann hélt, sýndi hann fram á að með þessu þjónustu-
fyrirkomulagi var hægt að fækka legudögum um
helming og endurinnlögnum á sjúkrahús um þriðj-
ung. Einnig fækkaði heimsóknum til heimilislækna og
álag á fjölskylduna minnkaði. Heilsufarsástand
sjúklinga einkenndist af meiri stöðugleika, einkum
andlega. Belgíska heilbrigðisráðuneytið hefur styrkt
rannsóknir dr. Abrahams og ætlar að styrkja hagnýt-
ingu þeirra á landsvísu. Augljóslega eru mikhr hags-
munir í húfi og eiga því rannsóknir af þessu tagi ekki
síður erindi til Islendinga en annarra þjóða sem
þurfa að huga að hagkvæmni í heilbrigðisþjónustu og
vilja jafnframt auka gæði hennar.
Gestir tóku til máls og lofuðu að styrkja hjúkrun-
arrannsóknir með ýmsu móti. Bergdís Kristjáns-
dóttir, tilkynnti að framlag hjúkrunarstjórnar Land-
spítalans væri að leggja fram eina stöðu stoðhjúkr-
unarfræðings til rannsóknarstarfa á ári. Einar Stef-
ánsson, prófessor, flutti árnaðaróskir rektors Há-
skóla Islands og hauð jafnframt aðstoð sína við rann-
sóknir í hjúkrun sem forseti læknadeildar. Ingihjörg
R. Magnúsdóttir, fyrrverandi námsbrautarstjóri í
hjúkrunarfræði og skrifstofustjóri í heilbrigðis- og
tryggingamálaráðuneytinu, ávarpaði samkomuna og
rakti stuttlega aðdraganda þess að háskólanám í
hjúkrun var tekið upp á Islandi. Formaður Félags ís-
lenskra hjúkrunarfræðinga, Ásta Möller, flutti árn-
aðaróskir stéttarfélags hjúkrunarfræðinga og benti á
að í drögum að stefnumótun félagsins hafi verið lögð
áhersla á að rannsóknir verði framvegis mikilvægar í
þekkingarþróun í greininni. Flutningur frábærrar
tónlistar og blómagjafir frá velunnurum rannsóknar-
stofnunarinnar settu hátíðarblæ á samkomuna.
Marga Thome
FRÁ NÁMSBRAUT í HJÚKRUNARFRÆÐI
Viðbótamám í
krabb ameinshj úkrun
Á haustmisseri 1997 verður boðið uppá námskeiðið
Krabbameinshjukrun II - Krabbamein og forvarnir (2 ein.).
Fjallað veröur um fyrsta og annars stigs forvarnir og
niðurstðður rannsókna m.t.t. nýtingar í starfi. Lögð
verður áhersla á kenningar og liugtök sem útskýra
vióhorf og hegðun fólks í tengsium við krabbamein og
sem hafa áhrif á fræðslu. Einnig verður lögð áhersla á
umfjöUun um ráðgjöf og stuðning við fólk sem er í
áhættu, með einkenni og sem bíður eftir niðurstöðum
rannsókna og mcðferð. Námskeiöið samanstendur af
fyrirlestrum (u.þ.b. 22) og umræðutímum (u.þ.b. 4-5).
Nánari upplýsingar um skráningu og tímasetningu
verða veittar á skrifstofu námsbrautar í hjúkrunarfræði
eftir 5. ágúst n.k. Sími 525-4960.
154
TÍMARIT HJÚKRUNARFRÆÐINGA 2.TBL. 73.ÁRG. 1997