Tímarit hjúkrunarfræðinga - 01.02.1999, Qupperneq 42

Jónína Sigurðardóttir
hjúkrunarfræðingur, fræðslu- og rannsóknadeild hjúkrunar
Framgangskerfi fyrír kjúkv’unAY'-
frÆðitíAA á Landspítala
Inngangur
Framgangskerfið er unnið af vinnuhópi hjúkrunarfræðinga
á Landspítalanum. Þar sem um er að ræða klínískt fram-
gangskerfi var ákveðið að halda vaktafyrirkomulagi og
álagi á deildum utan við kerfið. Engu að síður þarf að
umbuna fyrir slíkt og því var ákveðið að taka vaktafyrir-
komulag á stofnuninni til gagngerrar endurskoðunar á
þessu ári og að sérleyfi og annað sambærilegt viðbótar-
nám yrði metið til eins launaflokks ef viðkomandi starfar
við það sérsvið. Skilgreiningin á klínískum framgangi er:
„Framgangur sem hjúkrunarfræðingar geta sótt um í krafti
klínískrar færni, reynsluþekkingar og fræðilegrar þekkingar,
sem leiðir m.a. til launalegs ávinnings."
Uppbygging
Frá 1. janúar 1999 falla úr gildi þau starfsheiti hjúkrunar-
fræðinga sem notuð hafa verið frá árinu 1994. Starfsheitið
hjúkrunarfræðingur verður notað fyrir starfsheitin hjúkr-
unarfræðingur, deildarhjúkrunarfræðingur 1-2, stoðhjúkr-
unarfræðingur 1-3 og aðstoðardeildarstjóri.
Framgangskerfið hefur 5 stig, hjúkrunarfræðingur I - V.
Hjúkrunarfræðingur I er byrjandi og hjúkrunarfræðingur V er
kiínískur sérfræðingur á ákveðnu sérsviði hjúkrunar. Klínískur
sérfræðingur skal að öllu jöfnu hafa meistaragráðu í hjúkrun.
Hvert stig var skilgreint og leitast var við að hafa þær skil-
greiningar þannig að þær endurspegluðu á réttmætan hátt
færni hjúkrunarfræðinga, væru almennar þannig að hægt
væri að laga þær að hinum mismunandi sviðum hjúkrunar
og að þær væru sem hlutlægastar til þess að auðvelda
bæði hjúkrunarfræðingunum sjálfum og framgangsnefnd að
meta hæfni. Þeim atriðum, sem skilgreina hvert stig, er skipt
í fjóra flokka: klínísk hjúkrun, samskipti, símenntun - fræðsla
- rannsóknir og stjórnun. Þar sem klínfsk hjúkrun er grund-
völlur hjúkrunarstarfsins hefur sá flokkur mest vægi innan
framgangskerfisins í fyrstu stigunum. Stigunin í flokknum
klínískri hjúkrun felst í því að hæfni hjúkrunarfræðings til
þess að greina þarfir sjúklinga og ábyrgð hans f meðferð
eykst stig af stigi þannig að á endanum er hjúkrunarfræð-
ingur orðinn ráðgjafi um hjúkrunarmeðferð. Vægi hinna
flokkanna eykst á efri stigum og er stigunin þar þannig að
þátttaka í samskiptum, stjórnun og símenntun verður meiri.
Til þess að auka möguleika innan kerfisins er hægt að
42
sækja um framgang innan hvers stigs. Til þess að komast
upp á ákveðið stig þarf að uppfylla 60% - 70% (mismun-
andi eftir stigi) af þeim atriðum sem skilgreina stigið. Þessi
atriði eru fyrirfram ákveðin. Það fer síðan eftir því hversu
mörg af hinum atriðunum hjúkrunarfræðingur uppfyllir
hvernig framgangi hans er háttað innan stigs. Það er mat
framgangsnefndar.
Umsókn
Hjúkrunarfræðingar þurfa að sækja um framgang. Hjúkr-
unarfræðingur þarf að rökstyðja umsókn sína. Við rök-
stuðninginn skal taka mið af skilgreiningum innan þess
stigs sem sótt er um. Með umsókn fylgi afrit af viður-
kenningarskjölum fyrir nám og námskeið. Enn fremur þarf
að fylgja umsókn sýnishorn af því sem hjúkrunarfræðingur
hefur gert og vill fá metið til framgangs. Þetta getur t.d.
verið greinargerð um vinnu sem hjúkrunarfræðingurinn
hefur innt af hendi, kennslugögn, fræðsluefni, rannsóknar-
áætlun svo eitthvað sé nefnt. Einnig þarf að fylgja umsögn
deildarstjóra sem væntanlega er byggð á frammistöðu-
viðtali. Framgangur er ekki afturvirkur. Verði framgangur
samþykktur tekur hann gildi næstu mánaðamót eftir að
sótt er um. Hjúkrunarfræðingur, sem er byrjandi, getur
fyrst sótt um framgang innan stigs eftir 3-6 mánuði í starfi.
Síðan getur hjúkrunarfræðingur sótt um framgang einu
sinni á ári. Þar sem búast má við miklum fjölda umsókna
strax í byrjun árs hefur verið ákveðið að umsóknarfrestur
um framgang frá 1. janúar verði til 1. mars nk. Til að
viðhalda þeim launum, sem framgangur gefur, þarf að
sækja um endurnýjun ekki sjaldnar en á 5 ára fresti.
Umsóknareyðublöð og skilgreiningar á framgangskerfinu
eru þegar aðgengilegar á heimasíðu hjúkrunar.
Framgangsnefnd
Til þess að tryggja það að umsókn hvers hjúkrunar-
fræðings fengi sem réttlátasta meðferð var ákveðið að
setja á fót sérstaka framgangsnefnd sem í eiga sæti
fulltrúar hjúkrunarfræðinga, einn frá hverju sviði, tilnefndir
af trúnaðarmönnum, og einn fulltrúi hjúkrunarstjórnar sem
jafnframt er formaður nefndarinnar. Formaður kallar nefnd-
ina saman og skipuleggur störf hennar. Nefndin skal koma
saman eigi sjaldnar en annan hvern mánuð. Framgangs-
Tímarit hjúkrunarfræðinga • 1. tbl. 75. árg. 1999