Tímarit hjúkrunarfræðinga - 01.07.2001, Síða 7

Ritstjóraspjall
Samstaða og
Það hefur veitt mér mikla ánægju að
vera að störfum á ný fyrir hjúkrunarfræð-
inga, þó aðeins hafi verið um skamman
tíma að ræða. Heimur hjúkrunar er í raun
ekki mjög opinn þeim sem ekki starfa í
neinum tengslum við hann. Þess vegna
held ég að það hafi verið mjög þarft að
hjúkrunarfræðingar sendu frá sér greinar
í dagblöðin í tengslum við verkfallið. Þeir
þyrftu að gera það mun oftar og veita
þannig almenningi innsýn í starfið. Sjálf
fékk ég nasasjón af starfi skurðhjúkrun-
arfræðinga þegar ég var viðstödd aðgerð
einn morgunn í maí og hafði bæði gagn
og gaman af.
Þegar ég starfaði sem ritstjóri tímarits-
ins fyrir nokkrum árum fannst mér hjúkr-
unarfræðingar mjög virk stétt og þá á ég
við hversu margir virðast starfa að
félagsstörfum í hinum ýmsu fag- eða
svæðisdeildum félagsins og hversu virkar
margar þessar deildir virðast vera. Á
þessu sýnist mér ekki hafa orðið nein
breyting, frekar að fagfélögunum hafi
fjölgað. Sjálf hef ég ekki orðið vör við
svona mikil og markviss félagsstörf í
þeim stéttarfélögum sem ég þekki til,
bæði af eigin reynslu og afspurn. Fyrir
utan að auka sífellt þekkingu hjúkrunar-
fræðinga þá hlýtur slík virkni í félagsstörf-
um að auka samheldni og samhygð
innan stéttarinnar og þetta fannst mér
endurspeglast í verkfallinu.
Samstaðan var mjög mikil og lítið um
verkfallsbrot. Fjöldi hjúkrunarfræðinga
lagði á sig ómælda vinnu við allt sem
viðkom framkvæmd verkfallsins og þó að
um alvarlegan atburð væri að ræða ríkti
léttleiki við þá vinnu. Sjálf fór ég með
verkfallsvörðum í húsvitjanir og alls
staðar var þeim Ijúflega tekið. Samstað-
an og baráttuandinn er enn til staðar,
jafnvel sterkari en fyrr, því lítið virðist miða
I samkomulagsátt í samningamálum.
En það var ekki aðeins verkfall á dag-
skrá hjá félaginu því fulltrúaþingið var
einnig í maí. Fulltrúaþingið er haldið
annað hvert ár og þar gefst hjúkrunar-
fræðingum víða af landinu kærkomið
tækifæri til að koma skoðunum sínum á
framfæri, sem þeir og gerðu. En þegar á
heildina er litið komu mjög fáar athuga-
semdir varðandi starf félagsins og ekki
annað að heyra en flestir væru ánægðir
með það. Starfsáætlun næstu tveggja
ára var samþykkt og margar ályktanir og
tillögur samþykktar nær samhljóða.
Mesta ánægju og athygli vakti þó tillaga
um að kannaður yrði áhugi hjúkrunar-
fræðinga á að kaupa Vífilsstaði. Finna á
Vífilsstöðum verðugt framtíðarhlutverk og
baráttuandi
flutningsmaður tillögunnar taldi að hjúkr-
unarfræðingum yrði ekki skotaskuld úr
því. Nú er bara að bíða og sjá hverju
fram vindur.
Sú gagnrýni hefur heyrst að fræðsla
fyrir hjúkrunarfræðinga sé aðeins
aðgengileg þeim sem starfa á höfuð-
borgarsvæðinu. Með fjarfundabúnaði og
með því að halda ráðstefnur á fleiri stöð-
um á landinu er hægt að bregðast við
þessu. Reyndar má segja að það sé
þegar gert og má þar nefna að á Akureyri
var haldin metnaðarfull ráðstefna í maí,
og í haust verður þar ráðstefnan Hjúkrun
2001: rannsóknir í hjúkrun - framtíðarsýn.
Síðast en ekki síst er Tímariti hjúkrunar-
fræðinga ætlað vera vettvangur fræðslu.
Ný ritnefnd, sem kosin var á fulltrúaþing-
inu, tekur nú við og mun hún væntanlega
marka stefnu fyrir komandi blöð.
Sjálf þakka ég fyrir skemmtilegt
samstarf þessa tvo mánuði og vona að
félagið geti haldið áfram að nýta krafta
mína þegar þurfa þykir.
HARTMANN
Vernd fyrir viðkvæma húð
BEDCO & MATHIESEN EHF
Bæjarhrauni 10
sími 565 1000 • fax: 565 1001
Tímarit hjúkrunarfræðinga ■ 3. tbl. 77. árg. 2001
159